[ အခန်း -၂၁ ]
ထိခိုက်မှုကပြင်းတာမို့ နဂိုတည်းက
ဦးနှောက်သေသလို ဖြစ်သွားခဲ့ရတဲ့အဖိုးက
စက်ကိရိယာတွေကြောင့်သာ
အသက်ဆက်ရှင်နေတာဟု ပြောသည်။
ဦးနှောက်သေသွားပြီးနောက်မှာတော့
ခန္ဓာကိုယ်ကြီးကလဲ အတွင်းပိုင်းတွေဟာ
နောက်ပိုင်း တဖြေးဖြေးပျက်ဆီးသွားရုံသာရှိပြီး
လူကတော့ အဖတ်မတင်တော့ဘူးတဲ့ !!
ဆရာ၀န်တွေရဲ့ပြောဆိုချက်အရဆို
အခုနေများ အဖိုးကို
စက်ကိရိယာတွေဖြုတ်ပြစ်ပြီး
အဖိုးရဲ့ ခန္ဓာကိုယ်အစိတ်အပိုင်းတွေကို
လှူခဲ့မယ်ဆိုရင်တော့ ရသေးသည်ဟုဆိုသည်။
" အဖေက အရင်တကည်းက
သူ့သေတမ်းစာမှာ ရေးထားခဲ့ပြီးသားအမိန့်
သူသေသွားခဲ့ရင်လည်း ကျန်ရစ်ခဲ့တဲ့သူအချို့ကို
သူ့ခန္ဓာကိုယ်အစိတ်အပိုင်းတွေနဲ့
အသက်ဆက်စေ ချင်တယ်တဲ့
သေရတာကိုတော့ သူစိတ်ဖြောင့်ချင်တယ်တဲ့ကွာ "
" ဒီကိစ္စတွေအားလုံးကို တစ်နေ့ကပဲ
ဆရာ၀န်ကြီးနဲ့ ငါတိုင်ပင်ခဲ့တာ
အဖေ့ကိုဒီထက်ပိုပြီး မပင်ပန်းစေချင်တော့ဘူး
ငါတို့ဘက်က လုပ်ပေးနိုင်တာက
အဖေ့ဆန္ဒကို ဖြည့်ဆည်းပေးဖို့ပဲ
မဟုတ်လား ...."
" တကယ်တော့ ဒီအစီအစဉ်တွေကို
မင့်ကိုကြိုပြောခဲ့သင့်တာ ငါသိတယ်
ဒါပေမဲ့ အဖေ့ကိုသိပ်ချစ်လွန်းတဲ့မင်းက
အခုအစီအစဉ်ကို ဘယ်လိုမှ
လက်ခံနိုင်မှာမဟုတ်မှန်း
ငါကောင်းကောင်း သိလို့ "
" အခုချိန်မှာ မင်းငါ့ကိုထိုးချင်ရင်လည်း
ထိုးတော့ အမိန့်ရာ ... "
ထိုစကားလုံးများကတော့
မန္တလေးရောက်ရောက်ချင်း ကြားလိုက်ရတဲ့
ဦးငယ်ဆီက ဖြေရှင်းချက်များသာ ...
အနက်ရောင်၀တ်စုံအသီးသီး
၀တ်ထားကြတဲ့ လူများအားလုံးက
မိုးတဖွဲဖွဲကျနေပေမဲ့
မိုးပြာရောင်အုတ်ဂူလေးရှေ့
စီတန်းရပ်နေကြသည်။
တစ်ချိန်က စီးပွားရေးလောကရဲ့
ကြယ်ပွင့်တစ်ပွင့်ဖြစ်ခဲ့သလို
အမိန့်သွေးဆိုသော ထိုလူသား၏
အသဲအသက်ဖြစ်တဲ့
အဖိုးဖြစ်သူဟာ ကြွေလွင့်သွားခဲ့ချေပြီ။
YOU ARE READING
အမုန်းတို့အလွန်
Romance" ရှင် တော်တော်အောက်တန်းကျပါလား ဦးအမိန့်သွေး ရှင်ကလေ စီးပွားရေးလုပ်ငန်းရှင်တောင် မဖြစ်ခဲ့သင့်ဘူး တကယ့်အောက်တန်းစား " " Omm !! ဟုတ်လိမ့်မယ် ကိုယ်က မင်းကိုမြင်တာနဲ့ တန်းစားချင်နေတော့တာ " " ရွင္ ေတာ္ေတာ္ေအာက္တန္းက်ပါလား ဦးအမိန့္ေသြး ရွင္ကေလ စီးပြားေရးလ...
