گِيرِيا🏴‍ guérilla [قصة كاملة]

الجزء 6

🏴‍☠️guérilla🏴‍☠️

رجعاتها  !! هدا هو تيتو ! خاصة مع روزا لانه تيقرا افكارها عارفها فين توصل ، يقدر مايكونش قدوة ليها ولكن لي وصلو هو فعشر سنين هيا ختاصراتو فعامين لخرين خصوصا فاش رجعت الأخبار تجيه بانها مزعمة عصابة و تنومرو عند لبوليس ! حل لها الحبل و خرج مخليها فالحمام يلاه جا يسد الباب و هو يسمع تهراس ، تمشى تيمسح شعرو و ميل راسو لمامادو لي طالع

تيتو : فينها ؟

مامادو : آفينيون ( مدينة فرنسية ) مع ولدها

تيتو : ( دوز على لحيتو بتركيز ) طريق العايلات عمرها ماتتوصل

مامادو : طلقها تمشي بحالها

تيتو: هاديك مايفكني معاها غير القبر، عينيك عليها ماحدها جنبي خونا مزال يحوم يحوم

مامادو: سلعة لي وصلت ؟

تيتو: ( بملامح جامدة هز ساعة تيحقق فيها ) تيو وصل ليها ! داك ولد القح_بة ديال سلوكي وصلها ليه

مامادو : الحل ؟

تيتو : ليلة تجمع دراري نصفيوها ليه ! ( هز تيشورط ديالو تيلبسو ) عارف باش تشري طيارة بستمية مليون و تهز زبالة الكوك و تحط  فالمغرب و بين ليلة و نهار تلقى يديك و ريح ؟ خاصك تكون تيو

مامادو : و الماكرو مافيا ؟

تيتو : ( حرك راسو بسلب ) فلوسهم ترجع ليهم ! بركة عليهم دوزو لك طيارة من كولومبيا للمغرب

مامادو:  تنخسرو اتيتو اكثر ماتربحو !

تيتو : عندي جوج حلول يا نهز يدي و شي صباح نصبح مقتول فشي زبالة ولا نكمل فالطريق و تيو راه ضدي و معايا فنفس الوقت

مامادو : ( حك راسو ) هانت بديتي تخربق ليا الوراق !! ( اشار بصبعو ورائه ) روزا ؟

تيتو : ( غمض عينيه كأنه تذوق صلصة حارة ) هبط كول لدراري يوجدو طموبيل و عينيهم على لفيلا و انت تبع لورا

مامادو: ( حرك ليه راسو ) غدا لحفلة؟

تيتو : كولشي يكون واجد ! صيفط رانيا تفاهم مع رابور لمعلوم خاصنا نطلعو نيفو  و سلعة تفرق فامان

مامادو: رانيا ماشي بايتة معاك ؟

تيتو : الا ماقتلني عدويا تقتلني بالفقصة ! رانيا راها فباريس صباح

_دخل لبيتو كما العادة اول حاجة تيوجدها هيا سلاح معمر يخشيه فسروال لور ، رمى عليه شوميز فيرزاتشي المفضل لدى العصابات، وهز تيشورط خارج من البيت متجه لحمام يلاه فتحو لقلها تتمسح بالفوطة ضربها بتيشورت لوجها