گِيرِيا🏴‍ guérilla [قصة كاملة]

الجزء 10

🏴‍☠️گِيرِيا🏴‍☠️
🏴‍☠️ Guérilla 🏴‍☠️

_الله وحده يعلم ما تخبئ لنا الحياة ، مثل حلم جميل ، منظر لم يكن يخطر على بال بشرى أبدا ، مدة ساعة و هما جالسين داخل مطعم يطل على البحر ، رياح فصل الخريف تتحرك شعرها، بين يديها فنجان قهوة و امامها قادر، قادر الرجل لي اغلب كلامها ليه هو الشكر و الامتنان ،اليوم يكون كلامهم غير!!! كانت تقول هاد خال جارتي ادا راه فمرتبة خالي انا ايضا، دائمة الإحترام ليه ، ساعة وهيا ساهية و هو عاطيها الخاطر ، لكن هدا ليس أي رجل ، انه الجنتلمان #تيو قادر شقرون

قادر: ( حرك يديه للنادل حتى وصل عندو ) لوموني سيلوفبلي

_رجع نادل بالموني فيديه ، و فتحو قادر مقربو ليها تيسألها

قادر: بشرى شوفي واش تحبي تاخدي للغدا ؟

بشرى : ( بتوتر شديد غلقت لاكارط ) شكرا بزاف ! ماعندو منين يدوز ليا !!

قادر : خاطرك ! ( بابتسامة جذابة ) مايكون غير خاطرك بشرى

_بنظرة من عيونها ليه ، دائما نطقو لإسمها بلكنتوا دزايرية كان ليه صدى جميل ، مامنعاتش نفسها تشوف فيه ! مامنعاتش نفسها تنظر للرجل لي حرك فيها اشياء كثيرة كانت جامدة لسنين و بادرت بالكلام

بشرى : عطلتك على شغلك ! الموضوع شوية فاجأني

قادر : ( بكلام مرزن مصحوب بصوت رنان ) ماعندي شغل هاد الساعة ! راني فاهم الوضع، وفاهم اكثر الطريقة لي قالتها لك بنت ختي بخثة ولكن هدا ماكان

بشرى : ( وجها تزنك ) حقيقة ماعرفتش مانقول ! و المشكلة عندي بزاف مانقول

قادر : الوقت ديالنا ، ولي حاباه نبداو بيه ، ولكن ديري حاجة فبالك بشرى ! شاريك و طالب معاك الحلال لي نكمل حياتي ، و عيني حاطها عليك من بكري

بشرى : شنو لي منعك ؟

قادر : ( بنتهيدة عميقة ) الظروف !

بشرى : كنتي مزوج قبل ؟

قادر : ( حرك راسو بالسلب ) المكتاب ماحكمش

بشرى : عندك شي اولاد ؟

قادر : هاديك تاني ماكتبهاش ربي

بشرى : ونعم بالله ! انا راك عارف عليا الصغيرة و الكبيرة مانتحاتجش نقول

قادر : الأمور العائلية راني فاهمها و قابلها ، ولكن راني حابب نسمع لكوطي ( جانب ) ديالك وحدك ! انتي كبشرى ؟