شـعـرهـا الأسـود وعيـونهـا الحـور

part[1]

تعريف بالشخصيات:
الجد ابو محمد
والجدة ام محمد

عائلة ابو سند :
ابو سند
ام سند
هاجر :15
وعد :18
حمد: 28
صقر:29
سند:36
هند(زوجة سند):34
البراء والبراءه: عيال سند
عائلة ابو سعود:
ابو سعود
ام سعود
ريهام :19
وجدان:18
فجر (متزوجه)بس زوجها توفى:25
خالد :27
سعود:29
عائلة ابو فيصل:
ابو فيصل
ام فيصل
فيصل: 28
مزون :18
محمد :25
عبد العزيز:28
عائلة ابو ماجد:
ابو ماجد
ام ماجد
ماجد: 32
ريناد: 19
فاتن:22
《《《《《《《《《《《
في شخصيات ثانيه بنعرفها فالروايه وبنسوي لها بارت تعريفي....
《《《《《《《《《《《
دخل فيصل البيت وهو معصب
ام فيصل : يمه يا فيصل وش بك؟
فيصل وهو راز على أسنانه: بنتك متى ناويه تعقل؟؟؟هااا؟؟؟؟ متى ناويه تعقل؟؟؟؟؟
ام فيصل بخوف : يمه يويلي وش فيها ؟؟ وش صاير لها ؟ احد مسوي فيها شي؟
تكلم يا ولدي ؟
فيصل زفر بضيق : يارب صبرك ، قبل شوي جاني اتصال من مدرستهم يبوني اجي لأن الأخت العظيمه مسويه لها مصيبه فوحده من البنات
ام فيصل: ياربي هالبنت مجننتني وش مسويه بعد اليوم الله يستر
فيصل : وانا اقولك يا يمه خففي من دلعك لهالبنت لكن ما تسمعيني
ام فيصل : ما عليه يا ولدي ماعندي غير هالبنت إذا ما دلعتها هي مين بدلع؟
فيصل : ماقلنا شي بس الشي إذا زاد عن حده انقلب ضده يا يمه مزون غاليه وغلاها فقلوبنا يكبر ما هو يقصر بس بعد هي صارت كبيره ولازم تعقل مب زين لها هذا الي تسويه فنفسها الي يشوفها يقول ولد وانتي دورك كأم تعلميها وتنصحيها ما تزيديها
ام فيصل صدت بضيق وحيره: وانت صادق
فيصل باس راسها وطلع
____________________________________________
《《فالمدرسه》》
سعود وقف سيارته قدام المدرسه وهو يتحسب على ريهام : وربي ذي المجنونه مب صاحيه تسوي مصيبه وانا آكلها حسبي الله على عدوها.
لبس نظارته ونزل من السيارة انصدم يوم شاف فيصل راح عنده
سعود ابتسم بخفه : ماشاءالله وش ذي الصدفه
فيصل رفع راسه بصدمه وضحك: ايه والله وش ذي الصدفه الي ما خلتنا نلتقي إلا بذا المكان ههههههههههههههه زمان عنك يشيخ وينك ؟
سعود: والله اشغال يابوك
فيصل : والله كلنا
سعود: الله يعين ، ما قلت لي وش جايبك؟
فيصل: والله جاي آخذ اختي من المدرسه مسويه لها مصيبه
سعود ضحك : اجل انا وانته فالهوا سوى والله أنا بعد ذي الي عندي مهاوشه بنت وفااقعه عينها
فيصل ضحك من قلبه: اعوذ بالله مب بنات عندنا حيوانات مفترسه.
سعود: ههههههههههههههه عليك بالقوه يا فيصل
فيصل: ههههههههههههههه ماتوصي يابوك
سعود: ندخل؟
فيصل: يلا
《《《داخل المدرسه》》》
دخل فيصل وسعود وجلسوا بالكرسي ينتظرون ينادوهم وهم يسولفون استأذن سعود يبي يروح الحمام راح عند الحارس اما فيصل جلس بالكرسي ينتظر كم دقيقه وجات وحده من الأستاذات
الأستاذه :تنتظر اختك؟
فيصل: ايه
الأستاذة: تفضل فهذي الغرفه مع مديرة المدرسه
فيصل : طيب ما قصرتي
فتح فيصل الباب ودخل ولف يبي يجلس بس جمدت اطراف اصابعه من الي شافه ، بنت بشعر اسود وطويل متوسطة الطول عيونها السود تلمع جسمها الصغير المرسوم بشرتها الي ما قدر يحدد لونها بس فيها شي يجذب طريقة جلستها الي حسسته كأنها جالسه في كورنيش ركز فيها وهو يشوفها تهاوش المديره وفي بنت متغطيه تبكي بالزاوية عرف انها مب اخته مزون هذي اخت سعود ( ريهام ) رغم كل ذا ما قدر يغض بصره عنها مب قادر يسيطر على عيونه الي فصلت كل جزء من جسمها
أنتبهت عليه المديره
المديره: تفضل لو سمحت
فيصل انتبه لنفسه وبلع ريقه وصد
المديره لفت للبنت الي تبكي وقاعده تهديها
ريهام لفت وشهقت اول ما شافته وعرفت انه مب اخوها
فيصل مسكها من فمها وسكتها وهمس بأذنها: اصصص اصبري افهمك لا تسوي لنا مصيبه
ريهام الي حست نفسها بتموت من الاحراج والخوف والتوتر كل احاسيس الدنيا اجتمعت عليها
فيصل حس فيها وقالها : بعدين افهمك الحين خليني اطلعك واطلع نفسي منها
ريهام : طيب ابعد عني
فيصل: ابشري
المديرة: السلام عليكم
فيصل: وعليكم السلام
المديرة: حظرتك وش تقرب لها؟
فيصل: اخوها
المديرة: اظن انك تدري ليه استدعيناك اليوم
فيصل : ايه ادري وإن شاءالله خير واختي مب قاصده
المديرة عقدة حواجبها: مب قاصده؟؟؟؟؟ تستهبل على راسي ؟؟؟
فيصل استوعب: معليه السموحه منك واختي هذي آخره مره وانا اعاقبها مشيها لها هذي المره بس
المديرة : والبنت هذي المسكينه الي تبكي كيف ترد حقها من اختك؟
فيصل: ما عليك الحين هذي ام شوشه تعتذر لها
ريهام عطته نظره شافها وضحك
المديرة: يلا يا ريهام اعتذري
ريهام كشرت: نعععععم؟؟؟؟
المديره بدت ترفع صوتها: الي سمعتيه يا ريهام !!!!!
ريهام : تخسي و تعقب
فيصل رز على اسنانه: ريهام ابلعي لسانك
المديره: اختك بتعتذر وبرضوا بتوقع تعهد
فيصل : لا حول ولا قوة إلا بالله
ريهام: تخسي والله اعتذر لها أنا بنت محمد اعتذر لوحده مثل ذي؟؟؟؟
فيصل الي شوي وينفجر بصراخ: ريهام خلاص اسكتي ولا اسمع لك حس اعتذري لها الحين وقدامي يلا
ريهام خافت من نبرته وطلعت وهي تبكي
فيصل انصدم وضاق صدره
المديره بعصبيه: وقحه
فيصل : لو سمحتي مشيها هذي المره
المديرة حست فيه: هذي المره بس
فيصل : جزاك الله خير
وطلع فيصل يدور عليها وشافها جالسه بالكرسي تبكي ما قدر يقرب منها خاف يجي سعود قال فنفسه: ليش مهتم لها؟ انا جاي لأختي مب جاي لذي ام خشم رافعها خشمها
راح وسأل وحده من المعلمات عن اخته وقالت له انها وقعت تعهد وطلعت تنتظره عند البوابه تنهد بضيق وطلع
《《《《《عند سعود》》》》
خلص الحمام ( اكرمكم الله ) وطلع ينتظر بس محد جاه فجأه جاه اتصال وطلع وهو مستعجل ونسى ريهام وهو طالع صدم في بنت واقفه عند البوابه اعتذر منها بدون ما يشوف عليها حست نفسها تعرفه بس ما اهتمت .
《《《عند فيصل》》》
شاف اخته واقفه عند البوابه
راح عندها
فيصل : ها يا ام المصايب
مزون كشرت وجهها: سلامات ياخي بدل لا تقولي الحمدالله على السلامه
فيصل : ههههههههههههههه ذي ما تنقال لك تنقال للبنت الي كفختيها
مزون: اسكت بس اسكت اصلا ما منك فايده
فيصل : اجل تعالي مشي البيت ماني ماخذك بسيارتي
مزون : لا لا تكفى امزح معك اخوي حبيبي
فيصل ابتسم بخفه: يلا اركبي
مزون : انتظرني شوي بروح اجيب حاجه واجي
فيصل : إذا تأخرتي بسحب عليك
مزون : لالا ما بتأخر
ركضت مزون ودخلت المدرسة انصدمت لما شافت ريهام تبكي راحت عندها
مزون بخوف : ليه تبكين وش صاير لك؟؟؟
ريهام مسحت دموعها: مافيني شي
مزون ما حبت تضغط عليها وحاولت تغير جوها : تخيلي تتذكري البنت الي علمت عني الأستاذة اليوم طيحتها من الدرج وكويس انها ما انكسرت ولا كان فصلوني من المدرسه
ريهام ضحكت: وانا فقعت عين وسن واحسني سويت انجاز
ضحكت مزون: بردتي خاطري
ريهام: رايحه البيت ؟
مزون : ايه فيصل جاي ياخذني ، وانتي؟
ريهام: انتظر سعود بس للحين ما جا
مزون تذكرت الرجال الي صدمها وحست انه اخو ريهام
مزون: اليوم عازمتك تروحي معي بالسيارة
ريهام: لا لا سعود الحين يجي
مزون :يمكن يتأخر تعالي معي
ريهام بتردد : طيب
تغطت ريهام وطلعت هي وومزون بعد ما راحوا وجابوا حاجة مزون
《《《《عند سعود 》》》》
سعود طاح على ركبته قدام البيت وهو يشوفه يحترق
عمه ابو ماجد: يا ولدي قوم قوم لا تطيح بالأرض
سعود بصدمه وعدم استوعاب : كيف ؟؟؟؟ ومتى؟؟؟؟؟
عمه ابو ماجد : والله مدري الجيران اتصلوا علي وقالوا لي بيت اخوك ابو سعود يحترق
سعود : امي وابوي وينهم واخواتي؟؟؟ تكفى قولي وينهم؟؟؟؟ صابهم شي؟؟؟؟
عمه ابو ماجد: نقلوهم للمستشفى
سعود قام من مكانه وركض لسيارته وشغلها وحرك للمستشفى واول ما وصل دخل وهو يصارخ: اهلي وينهم اخواتي؟ ابوي؟ امي؟؟؟؟؟؟ وينهم؟؟؟؟؟؟احد يتكلم
راحوا له الممرضين وهم يركضوا ومسكوه بس مافي فايده كان يقاوم فجأه حس بالدنيا تدور عليه وهي كم دقيقه وطاح سعود بالأرض مغمى عليه.
《《《في الشركه》》》
هيثم دخل وهو يضحك: وش ذي النفسيات وانت ما عندك غير هالشغل تعبده عباده؟؟
صقر: ورى ما تسكت وتهتم فكرشتك وتخليني اخلص شغلي
هيثم : وش رايك اربي كرشتك الصغيره ؟؟؟
صقر : لا تكفى ابلع اكل وانت ساكت
هيثم : إلا والله تاكل معي عسى عالكرشه تكبر
صقر:لا خليها صغيره
هيثم : الشرهه مب عليك الشرهه علي قاعد اعزمك
دخل حمد : هيثم حط لي مكان باكل معك
هيثم : حبيبي حمودي ابشر
ضحك صقر : حياك حمد تو نور المكان
حمد : بنورك
صقر: اكيد ابوي غسل شراعك ولا ما جيت
حمد : اخخ يا صقر لو تدري وش سوى
صقر بضحك وهو عارف وش سوى ابوهه: وش سوى؟
حمد : كنت نايم بأمان الله فجأه حسيت بضربه كسرت عمودي الفقري حسيت جاني شلل وابوي يدعي علي وطايح فيني ضرب وطردني من البيت لمدة اسبوع
صقر فطس ضحك : تستاهل بالله عليك احد ينام كل ذا الوقت
حمد : اقول اصصص يا اعداء الراحه
ضحك صقر وضحك معه حمد وتذكروا هيثم لفوا عليه وشافوهه ياكل ولا هو داري عنهم وانفجروا ضحك عليه
هيثم : شفيكم؟
حمد وهو ميت ضحك: كمل اكلك كمل
هيثم : طيب
صد حمد لصقر وقال: ها وش صار لموضوعك؟
صقر تنهد بضيق : مدري والله ابوي ما هو راضي كلمته وهو معزم علي لازم اخذ بنت عمي فاتن وأنا ما بيها ولا ابي اتزوج وانت داري ومابي اظلم البنت معي وهي توها صغيره
حمد: ابي اساعدك بس والله ما بيدي حيله
صقر بضيق : معذور يخوك
《《《عند فيصل》》》
دخلت مزون السيارة وحس بالبنت الي دخلت السيارة
مزون: هذي ريهام اخت سعود بتروح معنا لأنه تأخر عليها
فيصل انصدم بس ما بين : حياها الله
ريهام وهي صاده بدون ما تشوفه: الله يحييك
( طبعا ريهام للحين ما تعرف انه فيصل هو نفسه الي دخل معها غرفة المديرة )
مشوا بالطريق والكل ساكت
____________________________________________________
#ادري انه البارت قصير مره وهذا اصلا كبداية لروايتي احسه شي عظيم

#واستقبل جميع آرائكم من مدح او ذم وجزاكم الله خير على القراءة
وإن شاءالله يكون اول بارت عجبكم

#انتظروا البارت الجديد...

# وحطوا نجمه وتعليق كتشجيع