صقر: السلام عليكم حمد
حمد: وعليكم السلام
صقر: تقول امي خليك جاهز بنروح نزور عيال عمي محمد ( ابو سعود)
حمد : طيب تكفى مرني سيارتي مدري وش بها مب راضيه تشتغل
صقر: خلاص ابشر جايك خليك جاهز عند الساعه 11
حمد : طيب
قفل صقر المكالمه واتصل على اخته وعد
وعد : السلام عليكم
صقر وعليكم السلام
وعد: اخبارك؟
صقر: بخير ، بسألك
وعد : اسأل؟
صقر : سند موجود على شان يمركم لبيت عمي؟
وعد : اي موجود
صقر : اجل نلتقي فبيت عمي
وعد : حياك
__________________________________________
الساعه 11:30 فبيت العم ابو سعود:
كانت عائلة ابو سند موجوده كلها إلا حمد وصقر الي تأخروا فزحمة الطريق
ابو سند بغضب: وينهم؟؟؟؟
سند : والله مدري يا يبه هم قالوا انهم بالطريق
سعود : هدي يا عمي تلقاهم ابتلشوا بزحمة الطريق
ابو سند تنهد بضيق: اتصلوا وشوفوهم وين
انفتح باب المجلس ...
حمد بمزح: يبه لهالدرجه مشتاق تشوفني ، هذا انا قدامك
وقف ابو سند وضرب حمد بعصاته على كتفه ، صرخ حمد من قوة الضربه وسعود وسند فطسوا ضحك عليه.
ابو سند : وين اخوك؟؟؟؟
حمد: عنده مكالمه شوي ويدخل
___________________________________
مجلس الحريم:
كانت ام سند تناظر ريهام وما شالت عينها عنها بعكس ريهام الي كانت قاعده تلاعب اولاد سند واولاد اختها فجر ولا هي حاسه بنظرات ام سند لها .
فجر: ريهام خليهم يلعبوا بالحوش لا يسوون ازعاج
ريهام : طيب
_____________________________________
فالحوش:
صقر : طيب انت خلص المعاملات وشوف لي اقرب طيارة بتقلع لماليزيا
:- ابشر
قفل صقر الجوال يبي يدخل رفع راسه جمدت عروقه لما شافها رجع لورا ومشى باتجاه المجلس وهو نظره متشتت
ريهام: انتوا العبوا هنا طيب؟؟؟؟ وانا بروح
دخلت ريهام مجلس الحريم
هند: ريهام اخبارك؟
ريهام : الحمدالله بخير وانتي؟
هند : الحمدالله بخير
ريهام : دوم يارب
هند : سمعت انك سنه اولى بالجامعه كيفهاا الجامعه؟
ريهام : لا انا قررت ما اكمل دراستي ومن الأساس مالي نيه ادخل الجامعه وعلمت الكل بقراري
هند و وعد بصدمه : ليه؟
ريهام: ابي اجلس مع اخواتي واكون معهن خاصه فهذي الفتره هذا من غير اشغال البيت مستحيل اضغط على اخواتي
ام سند : يا بنتي حنا معكم ونساعدكم اعتبروني مثل امكم اي شي يصعب عليكم قولولي
ريهام : ما تقصري يا عمتي
ام سند : سمعت ان اخوك سعود يبي يسافر؟ وش رايك تجون تجلسون معنا ؟
ريهام : لا افضل لنا فالبيت
وعد: ريهام ايه تعالي شوي يخف الضغط عنك وتغيري جوي ويمكن بعد تغيري رايك وتكملي دراسه
ام سند : صادقه هي
ريهام: والله ادري ما تقصرون بس انا كذا مرتاحه ومرتاحه لقراراتي
ام سند: الله يكون بعونك يا بنتي
ابتسمت ريهام بخفه
تغدوا وبعدها ودعوهم وطلعوا
____________________________________
(((بيت ابو سند)))
دخل صقر يبي يطلع الدرج ناداه ابوه
ابو سند: صقر!!!!
صقر : سم يبه
ابو سند : الله يسم العدو ، ها وش قلت على موضوعنا؟
صقر : يبه كم مره اقولك ما ابيها يعني ما ابيها ليش تعذبوني وتعذبوا بنت الناس معي؟؟؟ لييييش؟؟؟؟؟ انا من الأساس مابي اتزوج تفهموا!!!!!!
ابو سند : لا ترفع صوتك علي
صد صقر بضيق
دخلت ام سند: طيب انا عندي حل يرضيكم كلكم!
ابو سند و صقر : وشو؟
ام سند : انت تدري يا بو سند ان بعد ما مات اخوك محمد ( ابو سعود ) عياله صاروا محتاجين اننا نوقف معهم وهم اولى بكل شي ما يصير حالهم كذا انت شفت كيف خالد اختفى وريهام الي تركت دراستها وسعود الي ضاغط على نفسه على شان يقعد مع اخواته وما يقصر معهم صح ولا لا؟؟
ابو سند : اكيد صح
ام سند : انت يا صقر كلنا ندري شكثر كنت تحب بنت عمك ريهام في صغركم واليوم ريهام كبرت وفقدة امها وابوها وانت اولى فيها والبنت من حسنها طيحة قبايل ماشاءالله عليها اخلاق وجمال فالنهاية انت وافقة او لا عندك خيارين يا بنت عمك ريهام او بنت عمك فاتن
طلع صقر بدون ما يرد وصرخ ابوه بصوت عالي: يا صقر عندك باكر بس!!!! ترد لي خبر ولا بعدها انسى اني ابوك تسمعع!!!!!!!
_________________________
جلس صقر جنب وعد
وعد : صقر شفيك؟؟
صقر : وش الي مافيني؟؟
وعد: بسم الله وش صاير؟
صقر: وش يعني بيصير غير ان ابوي صامل يبي يزوجني
ضحكة وعد
صقر: وش بك تضحكين؟
وعد: انتي ليه ما تبي تتزوج؟
صقر: مسؤولية وانا مالي خلق اتحمل اي مسؤولية
وعد: بالله؟
صقر عقد حواجبه : اي
وعد : وابوي ؟
صقر: ابشرك امي الحين معه
وعد: اماا!!!
صقر: اي والحين خيروني بين بنت عمي ابو سعود وعمي ابو ماجد
وعد: وانت وش اخترت؟؟
صقر: مابي ولا وحده
وعد: والله انك غبي
صقر : نعم!!!!!!!!
وعد: امزح امزح بس منجد انتي كيف تضيع على نفسك ذي الفرصه
صقر: خير؟
وعد: أنا لو كنت مكانك بختار ريهام
صقر: بالله؟
وعد: جاتك النعمه لبيتك يا ذكي استغلها واما بنت عمي ماجد الصراحه ما انصحك فيها مره شايفات نفسهن
صقر :انتي مين يجي يفضفض عندك؟
وعد ضحكت: شفيك قاعده اساعدك فالأختيار
صقر: المره جايه لا تساعديني
طلع صقر لغرفته انسدح على السرير تذكر البنت الي شافها
معقوله تكون ريهام؟؟
والله كبرت وصارت حلوه
ضحك بخفه على نفسه وهو يتذكر ايام كانوا صغار غمض عيونه بقهر وهو يتذكر كلام امه وابوه ، بعد مده غفى من كثر التفكير والتعب .
_____________________________
"الساعه 7:00 الصبح"
نزل من الدرج وشاف امه وابوه جالسين يفطروا وقال بصوت عالي : انا موافق على بنت عمي محمد
...............
_________________________________________
#خلص البارت كنت اريده اطول بس النفسيه تعبانه ماقدرت اكتب اطول
#نجمه وتعليق كتشجيع على شان اكمل💞
#انتظروا البارت الجاي💞
أنت تقرأ
شـعـرهـا الأسـود وعيـونهـا الحـور
Randomتبدأ قصتنا بعد فقد احد بطلاتنا لوالديها ليتفرق شملُ ويجتمع شملُ آخر ليشاء القدر ويجعل لكل منا قصة حب عظيمه سندخل هذا العالم مع ابطالنا لنحارب معهم منهم من سينجوا ومنهم سنفقده سنعاني ونبكي ونحزن ونفرح سوف نعيش قصة حب فيصل لريهام وخذل...
