شـعـرهـا الأسـود وعيـونهـا الحـور

part[11]

فيصل :مطلق
مطلق بخبث: اول قول مين عمك؟
فيصل : اقسم بالله لأكسر راسك لو شفتك فكني وقول
مطلق: ماني بقايل وتعال اكسر راسي
فيصل : ابد ما طلبت شي انا الحين قدام المركز وبكسر راسك
مطلق بوهقه : انت محد يمزح معك؟
قفل فيصل ودخل المركز وعيونه تدور على مطلق شافه وهو يحاول يهرب من الباب ركض وراه وهو يضحك : اجل تبي كسر راس انا اعلمك
مطلق وهو يركض: والله انك مب صاحي
مسكه فيصل وثبت يده على رقبة مطلق الي شوي ويختنق من قبضة فيصل القويه : فكني انفك عليك ثور
فيصل: ماني بفاك لازم اكسر راسك بالأول
مطلق وهو شوي ويموت: يبوي خلاص بقولك بس فكني
فيصل ضحك وخلاه : يلا تعال اجلس رحمتك
مطلق : رحمتني؟ الله يعين زوجتك هذي الي بتتزوجك
فيصل: تحمد ربها اني قابل اتزوج فيها
مطلق: ومن زينك على شان تقبل فيك البنت
فيصل قوس شفايفه: لحظه انت شدخلك؟
مطلق : كلزق ، اقول اليوم ملكتك وش جابك المركز؟
فيصل: حرام يعني؟
مطلق: لا بس من الأهبل الي يخلي ملكته
فيصل: أنا شرايك؟
مطلق: انت ثور
فيصل : نعم؟؟
مطلق : ما قلت شي
فيصل: على بالي بعد
مطلق : الي يشوفك يقول اني عدوك مب خويك
فيصل ضحك : لا يكثر وقولي وش رد العميد
مطلق زفر بضيق: بعد محاولات وإصرار ارسل تقرير لشرطه مكافحة المخدرا^ت
فيصل : ايوا وش ردوا؟
مطلق بمزح: رفضوا طلبنا
فيصل وقف بعصبيه : نعمم؟؟؟؟ كيف يرفضوه؟؟؟؟
مطلق بتوتر : طيب شرايك تقعد شوي
فيصل : كيف تبيني اقعد وأنا لي سنتين اركض ورى ذي القضيه ابي امسكها واليوم يوم قدمت رفضوا!!!!!
مطلق بوهقه: ما رفضوا
فيصل ضيق عيونه : نعم؟
مطلق: امزح معك
فيصل: رفضوا او لا؟
مطلق : ما رفضوا ومبروك عليك مسكت القضيه
وقف مطلق وطلع وهو متضايق بعكس فيصل الي من الفرحه نسى خويه مطلق وانشغل بتفكيره بالقضيه وش بيكون تخطيطه فالأيام الجايه
احد افراد الشرطه :سيدي
فيصل: نعم؟
احد افراد الشرطه:العميد يبيك في مكتبه
فيصل : طيب
راح فيصل ودخل المكتب مع العميد :نعم سيدي
العميد: تفضل فيصل اجلس
جلس فيصل وبدا العميد يتكلم معه : فيصل اكيد مطلق قالك
فيصل:نعم سيدي قالي
عميد: انت املنا في هذي القضيه
فيصل : بكون عند حسن ظنكم فيني
عميد : المهمه بتبدي بعد اسبوعين بس
فيصل فتح عيونه بصدمه : بعد اسبوعين؟؟؟
العميد: ايه وحط في بالك انك لازم تبتعد عن جميع افراد عائلتك وتقطع تواصلك معهم على شان ما يتعرضوا للخطر .
فيصل : حاظر سيدي
العميد : موفق

طلع فيصل من المركز وهو يفكر يحس انه فرحان بس في نفس الوقت متضايق : وش ذا الوقت ضيق معي لازم اعجل على العرس
وش اسوي؟؟؟ ليه ما يصير ملكه وهي عرس بنفس الوقت ضرب كفه بقهر حس راسه قاعد يدور من التفكير حرك السياره واتصل على........

معمل سكني قديم>>>>>>
وعد: سعود خلاص ابعد
سعود : سألتك جاوبيني؟؟؟
وعد:سعود مو وقتك
سعود وخلاص قافله معه النفسيه: لو جيت اخطبك تبيني او لا ؟؟؟؟؟؟
وعد : لا
ضيق سعود عيونه بأستنكار وهو يتفقد ملامحها عدل وقفته وراح بأتجاه السياره ركب وشغل السياره ركبت بعدها وعد الي تضايقت من ضيق سعود وحست انها حطمته ، ما تدري كيف تقوله انها تحبه وإلا بعد تموت فيه بس ذا الحب ما بيدوم وهي مجبورة وعارفه انه كذبتها الي الحين بتقولها لها آثارها في حياتهم الي بتقلبهاا فوق تحت بيتدمر كل شي بعد ما تبني له وهم من حب كاذب ناتج من انتقام هو ماله ذنب فيه .