شـعـرهـا الأسـود وعيـونهـا الحـور

part[9]

                        بسم الله الرحمان الرحيم ،  توكلنا على الله.....
___________________________

بيت ابو ماجد >>>

فاتن: يععععع ما لقى غير هذي الريهام يتزوجها
ريناد: المسكين  جدي لزم عليه يتزوجها 
فاتن: ايه ولا هو ما يبيها يععع عجوز
ريناد: انتي تدرين وش الي يقهر؟
فاتن: انه صقر يبيها!!
ريناد: ايه يقلبي عليه كسر خاطري
فاتن بنص عين: يقلبك؟
ريناد توترت: يعني حسيته غبي  يحب وحده عجوز زي ريهام
فاتن وعيونها تدمع : رنووود
ريناد: بسم الله شفيك؟
فاتن: احبه ليه يتزوجها!!
ريناد:  اكيد ساحرتنه هالعجوز ما عليك منه باكر يجي لعندك ركض
فاتن غطت نفسها وقعدت تبكي  بدون لا ترد على  اختها ، ريناد انقهرت على اختها ودها تساعدها بس مو عارفه كيف و..............

بيت ابو فيصل>>>>>

طاحت عينه على الجوال  ابتسم بخبث مسك الجوال ودق عليها  ردت بسرعه
ريهام : الو مين معي؟
فيصل : حبيبك فوفو
جمدت ريهام مكانها من الفشله تمنت الأرض تنشق وتبلعها ، اما فيصل الي مات ضحك عليها
فيصل: اما
شفيك سكتي خلينا نكمل
ريهام : صدقت نفسك وععع
قفل فيصل في وجه ريهام وهو متوعد فيها ، جلست بقهر وهي منغثه من حركته  وتسب وتلعن فيه دخلت عليها فجر  وهي تضحك : شفيك تتحلطمي ؟
ريهام : يععع كريه
فجر : مين؟
ريهام: فيصل الكريه
فجر: بنت عيب هذا زوجك بيصير
ريهام : غثيث يغث مسوي نفسه ثقيل علي
فجر : اجل ليه اخترتيه؟؟
ريهام: على شان اقهر صقر
فجر بصدمه: تقهري مين؟؟؟؟
ريهام : صقر
فجر: ريهام صاحيه انتي؟
ريهام: ايه شفيني يعني؟
فجر: طيب ليه؟؟
ريهام: ما شفتي كيف يكلمني يلزمني اوافق عليه
فجر بنص عين : وانتي وافقتي على فيصل على شان هذا السبب؟
ريهام عقدة حواجبها : ايه في كلام؟
فجر: الحمار يتوب وريهام ما تتوب
ريهام: اسمع مين يتكلم
ضحكت فجر  وكملت: جيت اكلمك بموضوع مهم
ريهام تعدلت في جلستها : عن مين؟
فجر: سعود
ريهام بخوف على اخوها : شفيه؟
فجر: مافيه شي بس ..
ريهام : بس شو
فجر وشدت على ابتسماتها: يبي يخطب وعد
ريهام من الفرحه نست حتى كيف تنصدم  : حلفي ؟؟
فجر: والله
ريهام والفرحه شوي تشقها :  انتي متأكده؟
فجر: ايه
ريهام : اقرصيني تكفين
قرصتها فجر وصرخت بقوه: اححح يعور
فجر وهي ميته ضحك: الحين صدقتي ؟
ريهام : ايه بس  لحظه كيف قرر وليش وعد بالذات ؟
فجر : أحم أحم ( وغمزت )
ريهام بحماس  : الظاهر السالفه فيها إن
فجر : ايه || وقالت لريهلم عن الموقف اي صار لوعد وسعود  جنب الحوض ||
ريهام  وهي تضحك : العب الخسيسه طيحت اخوي على خشمه انا اعلمك يا وعد
فجر ضحكت : اهدي اهدي
ريهام : ايه ومتى يخطبها ولا من تحت لتحت
فجر: لا لا  هو قال يبي يخطب وكلمني
ريهام : ايوا؟
فجر: واحس شرايك نروح بعد اسبوع يعني بعد ملكتك وناخذ جدي معنا
ريهام : تم وألف تم
فجر : سعود لو عرف الحين تلقينه يرقص من الفرحه
انهارت ريهام ضحك : بالله بروح اوجع راسه
فجر: اهجدي مكانك الحين يكفخك
ريهام  بخبث :  انا اعلمهم
فجر ضحكت على ريهام وهي عارفه انها ما بتخليهم في حالهم  ، وقفت تبي تطلع قالت ريهام: على وين ؟
فجر: صار وقت نوم عبدالله ومها
ريهام : اها  اجل تصبحي على خير
فجر: وانتي من اهل الخير
طلعت فجر  ، مسكت  ريهام جوالها ودقت على وعد
وعد : سلام كيفك ؟؟
ريهام: كويسه ، وانتي؟
وعد: الحمدالله تمام
ريهام : شتسوين؟
وعد: قاعده اقرأ روايتي  الي شريتها من مكتبة جرير
ريهام : يوهه ما خلصتيها؟
وعد: ايه  بس وربي حلوه
ريهام :  امممم
وعد : شفيك؟
ريهام: اعترفي شمسويه؟
وعد: شو سويت؟
ريهام : تعترفي ولا شو؟؟
وعد انخرشت: بسم الله شسويت
ريهام : يالخبيثه طلعتي ساحره اخوي
وعد فهيت وهي تحاول تستوعب
كملت ريهام : وش صار عند الحوض ها؟
وعد الي جاتها لحظة ادراك وردة على ريهام وهي تصارخ : اخوك قليل الأدب  هو الي درعم علي
ريهام : اخوي ولا انتي ههههههههههههههه
وعد: يالخايسه  من زينك انتي واخوك 
ريهام بخبث : عادي إذا ميته عليه اقوله يجي يخطبك
وعد : تخسي انتي واخوك تفيي
ريهام : وعع مالت عليك
وعد:  مالت عليكي انتي
ريهام: خسارة حب سعود لك 
وعد: كلي زق  انتي واخوك
ريهام: يالخايسه حرام عليك يحبك
وعد ببرود : شدخلني؟؟؟
ريهام : بسم الله شفيك؟؟
وعد: بنام باي
قفل بوجه ريهام  ، اما ريهام الي من الصدمه  ما عرفت وش تقول  متجاهله للشخص الي كان واقف عند الباب وهو سامع كل المكالمه

غرفة سعود >>>>
عيى ينام من كثر ما يفكر  وكل مره  تغمض عينه يشوفها قدامه  جلس وقعد يفكر شوي طيب إذا انا الحين احبها وابي اخطبها ؟ هي تبيني؟ ولا لا؟
وش الحل؟ تذكر ريهام حس انها هي الي بتقدر تساعده ويقدر يعرف منها إذا وعد تبيه او لا  راح لغرفة ريهام  شاف الباب مفتوح وقف بصدمه  وهو يسمع المكالمه .....

بيت ابو سند تحديدا غرفة وعد>>>>>

قفلت المكالمه وهي تلتقط انفاسها بسرعه تحس بدقات قلبها القويه  ضحكت من  خاطرها : يحبني؟؟ اخخخ فراشات احس تدور علي
مسكت الجوال ودقت على ريهام 
ريهام : الو؟
وعد بهمس :  قولي له  يجيني من الباب  غير كذا لا
ريهام : طيب  انتي تكرهينه
وعد بحرج : كلي زق احبه
ريهام بخبث  : اوف ما درينا والله  يالخايسه
وعد : والله انك كلبه ونذله وعع
وقفلت في  وجهها.............

مر اسبوع كامل  ليأتي اليوم  المنتظر (ملكة  فيصل&ريهام )

كان في منهم الفرحان ومنهم الزعلان ومنهم الي حاط بقلبه  حقد كبير  ....

اتصلت ريهام على وعد  ومزون يجون معها البيت  وهي تتوعد فيهن  إذا ما جين ، مزون قالت انها بتجي بس وعد  ما كانت تقدر تجي لأنه ما في احد يجيبها  : وعد تكفين تعالي
وعد: ريهام وربي مافي احد يجيبني
ريهام : واخوانك وينهم؟؟؟
وعد: صقر مافي  وحمد مشغول 
ريهام : يععععع الحين وش حل؟
وعد: مدري
ريهام جات في بالها فكره : وعد قولي تم !!
وعد: تم بس ليه !
ريهام : بخلي سعود يجيبك
وعد: مجنونه انتي؟؟؟؟
ريهام : مافي حل غيره  وربي إذا ما جيتي بزعل
وعد: طيب بس ....
قاطعتها ريهام : مافي بس اجهزي يلا  الحين بيجيك
وعد بقلة حيله : طيب

عند سعود>>>>>
كان واقف عند البحر وهو يشعل زيجارته الثامنه  ابتسم بسخريه على نفسه   وحياته كيف انقلبت بعد وفاة امه وابوه صار هو المسؤول عن كل شي يتظاهر بالقوه وهو من داخله مهزوم وكل يوم تجي تصدمه الحياة بشي جديد واقوى واليوم يوم قرر قلبه انه يحب  خذله قلبه وضاقت فيه الدنيا تذكر مكالمة ريهام ووعد  ضرب ايده بقهر  رمى الزجارة وقعد يفكر في حياته البائسه قطع تفكيره اتصال من ريهام
ريهام :  سلام  سعدون
سعود: وعليكم  السلام
ريهام : بسم الله شفيك ؟
سعود : مافيني شي ، اخلصي وش تبين ؟؟
ريهام قررت ما تسأله واجد :  أحم أحم ابيك تمر وعد وتجيبها عندي
سعود: مالي خلق خليها تشوف احد  يجيبها
ريهام : يالخايس الحين انا جايبه لك احلى فرصه انك تلاقيها
سعود: ما طلبت منك  ولا ابيها
ريهام بصدمه : وين الي يقول لفجر اخطبيها لي
سعود ضحك بسخريه : انسي كلامي  وحده ما تبيني الله يحفظها القى غيرها مليون
ريهام : شو ما تبيك ؟ مين قال
سعود بصراخ وهو خلاص تعب من الكتمان : ترى سمعت مكالمتك معها !!!
ريهام  بنفس صراخ اخوها : بس ما سمعت  وهي تقولي  انها تحبك صح ؟؟؟
سكت سعود
كملت ريهام : سعود وربي ان وعد تحبك صح انها فالبداية كابرت  بس والله  تحبك وقالتها لي متأكده
سعود :  وش الي يخليني اصدق كلامك ؟
ريهام : روح لها وانت كلمها بنفسك
سعود: طيب مع السلامه 
وقفل المكالمه و..........

______________________________________
البارت  قصير بس باكر بعوضكم  بنزل بارتين💞
نجمه وتعليق فضلا وليس امرا💞