Be mine (Zhanyi ff)

Chapter 8 🖤❤️

මේ රවුන්ඩ් එකේ වැඩි හරියක් පාලන බලය මගේ අතේ වෙද්දි මට මහන්සි වුන වෙලාවට විතරක් එයා ඉන පද්දලා මට සපෝට් එක දුන්නා... ඒ විදියට ඒ රවුන්ඩ් එකත් ගෙවිලා යද්දි නම් අපි දෙන්නටම හොඳටම හති වැටිලා තිබුනේ...

ආයේ පිරිසිදු වෙලා එන්නවත් දෙන්නටම පණ නැති නිසා එහෙම්මම අපි නින්දට වැටුනේ එකිනෙකාගේ උණුසුමේ ගුලි වෙලා...

********************************

මට උදේ ඇහැ ඇරෙනකොට වෙනදට නොදැනෙන මොකද්දෝ උණුසුමක් මගේ ගාව තියෙනවා වගේ මට තේරුනා.

මම හෙමිහිට ඇස් ඇරලා බැලුවේ මම කොහෙද ඉන්නෙ කියලා. ඇස් ඇරලා බලනකොටම මට පෙනුනේ කාගේ හරි නිරුවත් පපුවක් වෙනකොට මම ටිකක් කලබල උනා...

ඒත් ටිකකින් ඊයේ රෑ වෙච්ච දේවල් මතක් වෙලා මගේ කලබල ගතිය ටිකක් අඩු වුනා.

මට ඇහැ ඇරුනත් මගේ ඉස්සරහා ඉන්න එයා නම් තාමත් සැපට නිදි. මම නැගිටින්න හැදුවත් මට නැගිට ගන්න බෑ. එයාගේ අතක් තදින් මගේ ඉන වටේට එතිලා තිබුණා වගේම මම හිටියේ එයාගේ අනිත් අත උඩ. ඉතින් මට ඕන උනත් දැන් නැගිටින්න විදියක් නෑ...

ඒ නිසා මම ටික වෙලාවක් ඒ විදියට ඉන්න තීරණය කලා. එයා සැනසීමෙන් නිදි. මම කල්පනා කලේ මගේ ඉස්සරහා මේ ඉන්න මනුස්සයා ගැන.

එයා හරි අමුතුයි. මට එයාව අහම්බෙන් හම්බ වුන හැටි. එයා එක්ක මම ඊයෙ රෑ ගත කරපු හැටි. මම එයාගේ උනා නේද කියලා මතක් වෙද්දි මට ලැජ්ජ හිතුනා.

ඒත් මට හරි නම් මම ගැන කලකිරීමක් නේද දැනෙන්න ඕන? ඒත් මට එහෙම දැනෙන්නේ නැත්තේ ඇයි?

මම තාමත් ඉන්නේ එයාගේ අතේ...තාම හරියට එලිය වැටිලා නෑ. උදේ හය විතර වෙන්න ඇති මගෙ හිතේ. මොකද මොන අමාරුව තිබුණත් මේ මට උදේ හයට ඇහැ ඇරෙන පුරුද්දක් තියෙනවා. ඒ නිසා ඊයේ රෑ කොච්චර නැටුම් නැටුවත් මේ වෙලාවට මට ඇහැ ඇරෙන එක පුදුමයක් නෙවෙයි.

මගේ ඇඟට ටිකක් අමාරුයි. නොදැනෙනවා නෙවෙයි. ඒත් මට මෙතනින් ඈත් වෙන්නත් ඕන නෑ වගේ. මගේ හිත කියන්නේ පොඩ්ඩක් මෙතනට වෙලා ඉඳපන් කියලා. මීට කලින් මම මෙහෙම පිරිමි පපුවක පහස විඳලා නෑ.