جلست مريم وحولها سلمى ونورا وقد غادر عامر ومحمد من اجل سفره وهنا في غرقتها
نورا: هو ابراهيم كان قصده ايه بكلامه ده
مريم: هو يوم ما هربت حاول يتعدى عليا
نورا: الحمدلله عدت على خير
سلمى: عمر ده كويس يعني مش هيأذيك
مريم: ان شاء الله لا هو ميتقارنش لا بيوسف او ابراهيم حتى انا قلت لعامر قالي اضمنهولك
نورا وهي تضحك: كل ما افتكر منظر عمر وهو بيبصلك وانتي في حضنه الواد اتصدم
ضحكت مريم وسلمى على حديثها
مريم: استنوا لما رن على بتول افاجئها اني اتجوزت دا انا هتهزق تهزيق
بعد دقائق اجابت بتول
بتول: لك ي كلبه وينك من يومين مو عارفه اوصلك
مريم: معلش حصل شوبة مشاكل بس هي اتحلت حاليا واديني بكلمك
بتول: ايه شو صاير يعني
مريم: انا هربت من البيت
بتول: شووو كيف هيك وليش
مريم: يوسف كان عاوز يجوزني غصب من ابراهيم ما حكيالك قبل كده اهو جدد الموضوع وفي نفس اليوم اللى هربت فيه هو كان جاي يخطبني
بتول: اي تمام وينك هلق
نظرت مريم الى نورا وسلمى بقلق وقالت: في بيت جوزي
بتول بصراخ وصدمه: شووو لك كيف مين هاد فتحي الكاميرا بدل ما افتح دماغك انا
لبت مريم طلبها فاردفت بتول: كيف اتجوزتي ومن مين وامتى
مريم: تجوزت دلوقتي لسه كاتيين الكتاب وازاي لما هربت من البيت ركبت في عربيته وساعدتني وعشان يعرف يحميني منهم اتجوزني ومين كان الواد الحليوه بتاع الجامعه
بتول بصدمه: عمر اللى دلقتي عليه القهوه
مريم: اه هو ده
بتول: تمام مبروك اهم شي يكون الشخص المناسب إلك كتير فرحتلك ي عيوني
مريم: حبيبي ي توتو ونورا وسلمى بيسلموا عليك
بتول: الله يسلمك ي حبيبي
اوقف عمر. السياره
خالد: اهو ده العنوان ودي القهوه
مراد:هنعمل ايه الوقتي
عمر: هننزل نقعد على القهوه نشوف حكايه الواد ده واخوها.. انت عارف اخوها صح ي خالد؟!
خالد: ايوه شوفته ساعة ما كان واقف لنورا وسلمى
عمر: تمام انزلوا يلا
ترجلوا من السياره وذهبوا الى القهوه
وجد عمر ابراهيم جالس على احد المقاعد
فجلس على الطاوله القريبه منه وابراهيم ام يلاحظ وجوده بعد
وبعدها علت اصوات القهوجي وهو يرحب بيوسف: معلم يوسف نورت والله فينك كده مش باين
يوسف وهو يجلس امام ابراهيم:معلش ي سيد كان في مشكله كده
سيد: خير ان شاء الله ست مريم كويسه
يوسف:اه بخير متشغلش بالك انت
ابراهيم وهو يوجه حديثه ليوسف: ايه ما تقوله انها هربت مش يمكن شافها
يوسف: ملكش دعوه انت ي ابراهيم
هنا وتدخل عمر
عمر: اه والله ي ابراهيم ي اخويا ملكش دعوه اصلا بصفتك مين بتتكلم يعني ده اخوها وانا جوزها انت مين بقى
تفاجأ ابراهيم من وجوده فابتلغ ريقه برعب اما يوسف فهو الاخر صُدم من حديثه زوج من هذا
يوسف بتعجب: معلش انت بتقول جوز مين
عمر بقوه وهو بنظر له بشر: جوز اختك
انتفض يوسف من مكانه بغضب وووقف امام عمر وهو يطالعه بغضب والاخر يبادله ذات النظرات
يوسف:انت اتجننت ب جدع انت وانت مين اساسا
عمر: انا متجننتش والله حتى الدبله اهي اما انا مين فمحسوبك عمر المهدي وبطل العالم في الملاكمه
شحب وجه يوسف واردف بصدمه: قلت مين
عمر: مع اني مش بحب اعيد كلامي بس يلا لسه اول مره نتقابل وكمان نسايب
فأكمل يهدر بقوه بصوت عالي امام الجميع: انا عمر محمد المهدي جوز مريم لطفي العربي ومن هنا ورايح اللى هيجيب سيرة مراتي على لسانه هقطعله لسانه وقتها اما بقى اللى يدوسلها على طرف او بس يقف في طريقها همحيه من على وش الارض
قال كلماته الاخيره وهو ينظر الى ابراهيم بعيون حادة
ثم بعدها اقترب من يوسف واردف في اذنه: بعدين لو عاوز تخلص من اختك للدرجادي اديها لواحد محترم على الاقل مش واحد متحرش
نظر له يوسف بعدم فهم وقال: قصدك ايه؟!
عمر: هتعرف دلوقت
تحرك عمر الى ابراهيم وقال بصوت عالي: دلوقت ي رجاله اكيد في حد منكم عنده ستات او بنات في البيت صح
اومأ له الرجال بنعم
فاكمل: ولو مانتوش مواجدين في البيت مفيش رجاله بتدخله صح
اومأ له الرجال بنعم
عمر: طب دلوقت هتشهدوا وانتو تقولوا دلوقت مراتي كانت في البيت لوحدها واخوها مش موجود ولما فتحت لقت ابراهيم في وشها منعتو من الدخول بس هو دخل وعاند معاها واعتقد فهمتوا ايه ممكن يحصل بعدها
يوسف بصراخ وغضب: اللى بيقوله ده حصل ي ابراهيم
ابراهيم: حصل ازاي ي عم ده كذاب واصلا انت مصدق انه متجوز اختك
عمر: لو مش مصدق هات ي مراد القسيمه وريها ليوسف
اخد يوسف الورقه وتاكد بالفعل انها اخته
عمر: ها ايه رايك ي ابو نسب
يوسف: انت عملت كده فعلا ي ابراهيم
ابراهيم: هي اللى حاولت معايا
عمر وهو يشمر اكمام قميصه الى ساعده: يعني بتعيد كلامك تاني رغم اني لسه محذر من شويه
انهال عليه باللكمات بقوه وغضب الا ان استطاع خالد ومراد فصل عمر عنه
فاردف عمر بغضب: عليا النعمه لو لمحت طيفك في نفس الطريق اللي هي ماشيه فيه ماهرحمك ي زباله
ابراهيم وهو يمسح دم انفه: اللى عندك اعمله واه انا اللى قربت منها لانها كدا كدا كانت هتبقى مراتي وهتسيبك وترجعلي بكيفك او غصب عنك
يوسف بغضب: كفايه بقى اللى بتشقاطوها لبعض دي تبقى اختي وانت ي ابراهيم انت ومريم اقسم بربي لو اخر واحد على وش الارض ما هتمسك ايدها حتى وهتفضل مع عمر ومحدش هيقرب منها
عمر وهو ينظر إليه: دلوقت افتكرت انها اختك بس افتكر بس انك السبب في كل ده
انهى حديثه وغادر مع الشباب
YOU ARE READING
𝐂𝐨𝐧𝐭𝐚𝐢𝐧𝐦𝐞𝐧𝐭
Romance-التعافي من ماضي مؤلم ثم مساعده كانت بداية لحياة جديده -العوده والاستيقاظ من غفوه دامت لسنوات -ونتيجة الكره والحقد بين الاختين تاهت ابنتها منها -وبين حقد دفين وحب ظاهر كانت ابنته ضحيه والكثير والكثير ستكتشفه مع القراءه
