خطفت روحي بلقاء

البارت ٢

‎يلا مشينا وانت يا حمد ونواف روحو خذو البنات و ودوهم العرس
‎نواف : سم
‎حمد : ابشر
‎نواف بهمس لحمد: ياليل الحين بنتاخر
‎حمد: يلا عادي ما راح نتأخر
‎وحمد ما فكر إلا بهياء وكان طاير من الفرحه انه بيشوف هياء
......... عند البنات:
‎
‎العنود : يلا بنات العيال ينتظرون برا
‎جواهر: مين العيال تقصدين خوالي ؟
‎العنود : لا حمد ونواف خوالي وراحو كلهم محد بالبيت
‎هياء ابتسمت لا أرادياً يوم سمعت اسم حمد
‎نوره : يلا بنات خلونا نروح لا نتأخر
‎الكل: يلا
‎البنات ما كانو يتغطون لان هذا الشي فرضه الجد عليهم ويعتبرون نفسهم اخوان
‎في السياره عند حمد ونواف
‎نواف : رح نادهم يا حمد
‎حمد: ماااالي خلق انزل
‎حمد تذكر هياء وقال خلاص بنزل ونواف ضحك راح حمد ينادي البنات إلا وتطلع بوجهه هياء وهو ابتسم بدون ما يحس و استوعب وقال : هلا والله شخبارس ي بنت العم
‎هياء: بخير الحمدالله شخبارك انت
‎حمد تلعثم ما عرف وش يرد من جمالها لان كانت صدق الموت الاحمر بعدين استوعب حمد وقال : اي صح نسيت نواف يقول تعالو بسرعه تأخرنا
‎هياء: تمام جاايين
‎عند البنات بالسياره
‎نوره: نواف حط خالد عبدالرحمن خبروه اني على وصله حييت
جواهر : لا وش جوك حط سلطان البريكي افضل
نوره : لا وع
‎نواف: من ذولي الي يتكلمون
‎هياء: خواتي
‎نواف : اها طيب اتفقو على شي واحد
جواهر: سلطان البريكي
‎نوره: معليك منها حط خالد عبدالرحمن
‎و نواف ناظر ورا و طاح عينه على نوره وشعرها الاسود و فهى ونسى انه يسوق
‎ويضربه بخفيف حمد على كتفه
‎نواف : شفيك
‎حمد: ناظر الخط بغينا نصدم
‎نواف كمل الطريق و هو مبتسم
‎وصلو للعرس وكان العرس عباره عن عماره فيها قسم رجال وحريم تعرفون عاد عروس الديره عقود وزل احمر بالظبط هذا كان العرس
‎العنود : نواف نزلنا عند باب الحريم
‎نواف : طيب
‎نزلو البنات دخلو وسلمو على الحريم
‎نوره: جواهر قومي نرقص
‎جواهر ب ابتسامه : لا تكفين
‎العنود : قومي انتي وياها والله ان ترقصون معي
‎نوره والجوهره بابتسامه : يلا
‎اول ما قامو لمحتهم الطقاقه وقالت
‎وغنت لهم :
‎ قومو العبو يا اجمل خلايق ربي

‎ قومو العبو وتباهو بالي عطاكم ربي

‎بعد ما خلصو رقص جلسو شوي ودخلت عليهم البندري و امها (جيرانهم )كانت جميله بمعنى الكلمه ( لابسه فستان سماوي ضيق وشعرها كيرلي)
‎سلمت على الحريم وراحت وحضنت بنات اعمامها
‎البندري: كيفكم بنات
‎الكل: بخير
‎هياء: البندري تعالي نسولف
‎نوره: أنا بروح اصور عند المرايه
‎البنات: طيب
‎راحت نوره عند المغاسل وفجاءه تسمع صوت العيال وطلعت تبي ترجع إلا و .......❤️‍🔥❤️‍🔥❤️‍🔥