ترف تتقدم في الظلام وتعثرت وتطيح يمسكها بقوه
عبدالرحمن في الظلام : مين انتيي ؟!
ترف بنبره خوف بتلعثم : أنا ترف
عبدالرحمن : وش جايبك هينا !
ترف بخوف : أنا ادور نوره
عبدالرحمن باستغراب : نوره وين ؟
ترف : كنا نتسابق بدبابات فجاءه اختفت
عبدالرحمن توقع ان نوره ضيعت ودخلت عند الرجال سحب ترف من يدها وراح يركض
صادف نوره وجواهر وهياء
البنات باستغراب وخوف : ترف !!
عبدالرحمن : نوره يقولون انك ضايعه
نوره بتلعثم : لا هينا وين بروح يعني
دخلو البنات للمخيم ونامو ..........
في صباح اليوم الثاني .....
عند العيال ..
صحى الجد وصحا عياله من النوم
نايف : صباح الخير يبه
الجد : صباح النور
مطلق : صحو العيال من النوم
محسن : لا ليه ؟!
خالد : قد حنا الصباح صحهم يفطرون
بندر صحى : أنا بروح اصحيهم
صحو العيال وافطرو بعدها .....
عبد الرحمن: عيال شرايكم نفحط شوي ورا المخيم
حمد : يالبيهه
عبدالله : قدام
راكان : ليش لا الحياه مره وحده نبي نفلها
عبد العزيز : معكم
نواف : لاياعيال تكفون منا ناقصين جدي يهاوش
حمد : مشاءالله متى عقلت يانواف !
عبد الرحمن : تعال والله ان تجي
العم بندر : على وين ياعيال
عبدالعزيز كالعاده كان بينكبهم : بنفح..... نواف : بروح نمشي ونرجع
العم بندر : لاتبعدون مرره انتبهو
الكل : ابشر
راحو العيال يفحطون
والبنات الي صحو من النوم على صوت التفحيط
نوره تناظر بجواهر : يحظهم ابي
جواهر : تمم
نوره باستغراب : تستهبلين من ويلك سياره
جواهر : وسياره دحوم وش مقصره فيه
نوره : ما اعرف أفحط اخاف
جواهر : التفحيط علي ازهلي
نوره بفرح : تمم
بعد العصر تقريبا خذو مفتاح سياره دحوم
جواهر تناظر نوره : اركبي
نوره بخوف : متاكده ؟!
جواهر : ازهلي
شغلت جواهر السياره وشغلت كالعاده سلطان البريكي وتبعد من الخيمه ونوره وهي خايفه متمسكه زين : يمهه انتبهي
جواهر : حطي حزامك واستمتعي
بعدو من الخيمه وجواهر بدت تفحط
ويلمحهم العم بندر من بعيد وهو يفكر مع نفسه :
العيال مايخلون حركاتهم ( لان نوره وجواهر كانو متعصبين بشماغ ف العم بندر توقع انهم العيال )
بدوو يفحطون وجواهر مستمتعه مره وتغني
لا ياالرفيق الوافي المزيون
خلك على عيني تداريها
لاتسلك الفرقى علي بالهون
النفس تعشق نفس ساقيها
نوره بخوف : اشهد ان لا الله إلا الله ليتني ماقلت ابي أفحط
ما لاحظهم إلا عبدالله وهو كان يمشي حول المخيم
عبدالله : دحوم اه يا الكلب تفحط انت والعيال وتخليني ( السياره سياره دحوم وهو ماكان يدري الي في جواهر ونوره ) ..
عبد الرحمن وهو متقدم لعبدالله : عبود شتسوي
عبدالله توسعت عيونه : بسم الله شجابك دقيقه مو انت الي تفحط
عبدالرحمن بضحك : العيال كلهم داخل مين الي يفحط
عبدالله وهو يهز دحوم : ناظر ذولا بنات
عبد الرحمن والسياره جايه من عندهم جواهر ماشافتهم وفحطت من عندهم )
دحوم عرف الي تسوق جواهر من صوت سلطان البريكي وعرف الي معها نوره لان نوره فاتح القزاز وتقول اشهد ان لاإله إلا الله ف عبدالرحمن عرفها من صوتها
عبدالرحمن : يولييي ذول خواتيي
عبدالله بأضحك : والي تسوق مين ؟!
عبد الرحمن : عبود والله مو وقتك بينقلبون شغل سيارتك نلحقهم .
شغلو السياره ولحقهم
جواهر وهي فاتحه الدريشه وتناظر نوره : يمه ذا دحوم وعبدالله يلحقونا
نوره بخوف : الله يلعنك قلتلك لاتجين عند مخيمهم .
عبد الرحمن : جوجو ياكلبههه صاحيه انتيي ! وقفي
جواهر من الخوف بتلعثم : اءء معرف أوقفها
نوره : يمههه اشهد ان لا اله إلا الله
عبدالله كان خايف بس بنفس الوقت ميت ضحك
عبدالله لجواهر : ادعسي فرامل
دحوم : ادعسييي فرامل تفهمين
نوره : ادعسييي ياحماره تبين تذبحينا انتي
واخيراً جواهر دعست وأول ما وقفت توجهلهم عبد الرحمن وعبدالله دحوم : صاحين انتم والله لاقول لابوي نوره : والله اسفين طاوعت ذا الخبله بس ماكنت اعرف انها ماتعرف توقف
جواهر : أنا اعرف أوقف بس انتو خوفتوني
عبدالله بضحك : بس تدرين والله انس تعرفين تفحطين اكثر منا .
عبدالرحمن : تعزز لها بعد انت . يلاقدامي عالمخيم ولا ترا بعلم جدي
عبدالله : يوههه لو يدري جدي بيذبحنا معكم
عبد الرحمن سحب خواته : يلا عالمخيم
وهم ماشين قابلو هياء
هياء : بسم الله وينكم اختفيتو تعبت وانا ادور لكم
جواهر : يوهه ياهياء فاتك فله وتفحيط
دحوم : مفتخره بعد يلا قداميي
جواهر قالت السالفه كامله للبنات والكل ضحك يضحكون بنص السوالف جاء مشاري اخو ترف ومعه زوجته الحيه ( موضي )
دخلت موضي عليهم وهي مكشره وجهها : السلام عليكم
البنات وهم مصدومين
نوره : يععع وش تبي ذا الحيه
ترف : ماتنبلع
جواهر : اقعدو لاتسلمون عليها
ردت هياء عليها : الله لايسلمك
جازى ام هياء : عيب يابنت اقعدي
والبنات ضحكو
بعدها بالجلسه كانو يتقهون فجاء تتكلم موضي بقرف : وش هالمخيم
جواهر بأعلى صوت : والله مو عاجبك انقلعي برا
نوره : صدق ياقوي وجهك محد عزمك وجايه
هياء : ماتستحي ذي عادي عندها
شهد والعنود وهم يشوفون موضي قامت تبي تضرب ( طبعا موضي برميل بس مو لدرجه انها تقدر على ثلاثه ) ..
ترف وهي تهدي البنات : تكفون بنات هدوو
جازى : يابنات اقعدو خلاص
موضي وهي تتقدم لنوره : يلا شعندك انتي وخواتك جايه بكيفي واروح واجي بالمكان الي أبيه شحاركم انتم ..
نوره :والله عاد ماهميتيني هذا مكان جديي
جواهر : يلا برا لأمسح بوجهك الارض
موضي : تقلين ادبك بعد
هياء : ايي كيفنا مكان جدي بنقل أدبنا وبنسوي الي نبي ويلا اذلفي
مشاري الي اول مادخل علطول الحيه مثلت قدامه : ايي مشاري ضربوني
مشاري وهو مخروش : مين ضربك ؟
موضي وهي تبكي ( تمثل) : بنات محمد
نوره : اي احنا ضربناه عشان مره ثانيه ما تطولين لسانك على بنات محمد
مشاري : وش انتو تضربون زوجتي ليه ؟! ماتخافون الله باللي ببطنها
الكل باستغراب : ببطنها
ترف بفهاوه : مين ببطنها يعني
ام مشاري تناظر لموضي على كثر ماضرتها الحيه موضي بس فرحت لولدها : صدق يمه حامل
موضي بدلع وصراخ : اي وبعد ماتوقع الي بطني حي بعدكم
طبعا بنات محمد
نوره بمهمس لخواتها : بنات ذي من جده ولا تسوقها
جواهر : يوهه يابنات ليكون صادقه ترا احنا توطينا ببطنها لا يكون مات
هياء : وانتو مصدقينها الحيه هذي مايندرى عنها تكذب اكيد
.......
جاء الليل والبنات جهزو لهم جلسه والي بيده شاهي والي بيده V60 وكان قمرا يعني الجو كان رهيب
والعيال متوجهين للبنات
نواف : وش تسوون
نوره : انتو الي وش تسون بمخيمنا
حمد :الصراحه طفشنا مافي فعاليه قلنا نجي نشوف فعاليتكم
جواهر : طيب بنادي عمي بندر وعمتي لجين
عبدالله : عمي بندر سبقنا للبيت ونايم
العنود : اي وعمتي لجين اتصلت فيه قالت شويي وجايه
نوره : حلو دام تجمعنا بنلعب لعبه
عبدالعزيز : وش اللعبه
راكان : اشرحيها
نوره : اللعبه تتكلم عن اعترافات لازم تجاوب على السوال الي بيطلع لك بكل صدق
نواف : تمم
ترف :اللهه يلا نلعب
قاطعهم دخول العمه لجين وشهد
العمه لجين : هاه عسى مابديتو فعاليات
هياء : لا اجلسو تونا الحين بنبدا
نوره حطت الورق قدامهم
شهد : طيب مين يسحب اول واحد
نواف : انااا
سحب نواف ورقه والسوال هل مره من المرات حسيت بشعور اعجاب اوحب . نواف : كيف اشرحوه
حمد : يانواف لهدرجه ماتفهم يعني قد اعجبت باوحده اوحبيتها
( نوره كان فيها شعور غريب اتجاه نواف وكانت خايفه من الاجابه بس بنفس الوقت تتجاهل الموضوع وتكابر )
نواف : ايي اعجاب
نوره الي اول ماسمعت الاجابه وبدون ماتحس بنفسها: مين ذي !
حمد :العبب ياولد العم من متى معجب ومن ذي
كل الي بالجلسه يناظرون باستغراب او بعدم الفهم الا جواهر وهياء كانو يبتسمون لبعض وكانهم يحسون في شي بين نواف ونوره
نواف : اذا تحول لحب بقولكم وقته
راكان بضحك : جعلك ماقلت تثقل علينا ولا وشو
الكل ضحك
العمه لجين : يلا دوري
سحبت ورقه والسوال هل تفضلين البقاء في المنزل او خارج المنزل
العمه لجين : طبعا.... قاطعها عبدالله بضحك : عمتي الداشره تكره البيت تحب شي اسمه دوجه .
العمه لجين بضحك : كيفيي
الكل ضحك
حمد : دوري الحين
سحب حمد ورقه والسوال قد حبيت احد بدون محد يعرف
وهياء كانت تشغل نفسها في الجوال وجاوب حمد : اي كل إنسان يحب
كلهم انصدموا بس كملو لعب وهياء شوي وتنفجر من الغيره
وكملوا لعب واسأله وسوالف ...
بعدين كلهم راحو ينامون إلا هياء ما جاها النوم تفكر في حمد من يحب
وبرضو حمد ما نام طلع للحمام وانتو بكرامه وفي نفس الوقت طلعت هياء لان ما جاها النوم وصادفته وراحت وهي معصبه وكارهته وقالت هياء : من البنت الي تحبها
حمد : مالك دخل
وهياء نشبت له عشان يقول وقال حمد
حمد : ........
