تحديدا في بيت الجد
كان فيه عرس ولد صديق الجد عبدالعزيز
ويجتمعون كلهم بالديره/كانو البنات و الامهات بالصاله يسولفون
الجد: السلام عليكم
الكل: وعليكم السلام
وقامو البنات يسلمون على الجد
الجد: اسمعو يبناتي ترا اليوم عرس ولد صديقي ويقول كلكم تجون
هياء: يا جدي لازم نروح؟
الجد:اكيد يا بنتي ذا عرس ولد صديق الطفوله لازم
نوره بهمس لهياء: ياربي انا مالي خلق
هياء: عشان جدي يكسر ذا الزمزميه فوق راسك
ضحكت جواهر وقالت بهمس آص لا يسمعكم جدي
شهد:شعندكم تضحكون
هياء علمت شهد السالفه
شهد:وهي صادقه بيكسر الزمزميه فوق راسك
بعدين دخلو الخوال والاحفاد
الجد: جابكم الله تعالو اجلسو
مطلق: لبيه يبه شبغبت
الجد:عرس ولد خويي الليله وملزم علينا اننا نحضر
عبدالله: ي جدي مالي خلق اروح تعبان
الجد: وانت طول عمرك تعبان، بتجي معنا غصب عنك فاهم
عبدالله: ابشر
الجد: حمد قوم ود الثياب للغسال وخله يستعجل مب يطول
حمد: ابشر
راح حمد وهو بيطلع وقف عند الباب ويأشر ل نواف يجي هو و عبدالله وعبدالعزيز
وجو العيال عنده
نواف: شبغيت
حمد: تجون معي ندوج
عبدالعزيز : الله قدااااام
عبدالله: حيي من زمان ما دوجنا
حمد: يلا مشينا
في الصاله
قامو البنات (نوره وجواهر وهياء و شهد و العنود)
الجد: على وين
العنود: بنروح نتجهز
الجد هز راسه"طيب"
وراحو البنات ل غرفه العنود يتجهزون فيها
هياء: بنات تكفون وش البس( كان بيدها فستانين واحد احمر ضيق وعاري من عند الاكتاف والثاني اسود عليه كرستال كله وضيق برضو)
نوره: والله ان الاحمر يجنن عليك البسيه
العنود: واناا رايي مثل ما قالت نوره
جواهر: ايي البسي الأحمر يجنن
شهد: وانا مثلهم
وراحت هياء تلبس وطلعت لهم
نوره : اوفففف ي الموت الاحمر
هياء: هههههههههه عمري كلك ذوق
وخلصو البنات ونزلو من الدرج و ....
عند العيال
بعد ما حطو الملابس
عبدالعزيز: حمد قول تم
حمد: تم
عبد العزيز : تكفى بسوق وافحط
حمد: طيب
ونزل حمد وركب مكان عبدالعزيز وعبدالعزيز راح مكان السائق
وقعدو يفحطون و وصلو البيت وجلسو بالصاله
عند البنات وهم نازلين فجاءه شافو العيال قدامهم وهم مو لابسين عباياتهم كانت العبايات عند المدخل ( المدخل فيه دولاب خاص ب العبايات) ( و ترا البنات ما يتغطون من العيال بس كان لابسهم مرررره عاري الي مفتوح من عند الصدر ولا الي كتفها طالع كلهههه )وشهقو البنات وراحو ركضو على طول
بندر: ههههه اشكالهم وهم يركضون يعزتي لهم صدق
كلهم قامو يضحكون
صح نسيت اعلمكم وش لابسين البنات
هياء كانت لابسه فستان احمر ضيق وعاري من عند الاكتاف وشعرها كان ويفي و كعب اسود وكانت الموت الاحمر مثل ما قالت نوره
والعنود كانت لابسه فستان اسود ضيق ومن عند الصدر فتحه صغيره وجواهر كانت لابسه فستان اسود قصير ومن فوق ضيق وكانت تجنن ونوره كانت لابسه فستان بيبي بنك وكان طويل شوي وضيق وعاري من عند الاكتاف والعنود لابسه فستان سكري وفيه لؤلؤ من فوق وكان ضيق
الخاله الجوهره لابسه بيبي بلو وكانت تجننن والخاله لجين كانت لابسه فستان رمادي عاري من فوق
جواهر ل عماتها : ماشاء الله تهبلون بسم الله عليكم
نوره : اللهه ياحلوكم ماشاءالله
هياء : اي والله يا حلو عماتي
الجوهره : حياتيي انتم
لجين : يا حبيباتي انتو الي تهبلون
..........
العنود : بنات تكفون لا تقولون العوبه بتروح معنا
" العوبه تقصد موضي زوجه مشاري نسيت أعلمكم انها خبيثه وتدور مشاكل"
شهد: لاتكفون ما نبيها وع تفشلنا
جواهر : لا جدي قال خالي مطلق بيجي متاخر وماراح يحضر العرس هو واهله اكيد ما راح تجي
نوره : الحمدلله
هياء : حرام ترف ما راح تروح معنا العرس
جواهر : اي والله حرام بس يلا معليه نشوفها بعد العرس
( اول روايه لنا وإنشاء الله تعجبكم )
