فتحت جوالها شافت رساله : السلام عليكم معك ولد خالتك وليد
لجين : وعليكم السلام شبغيت
وليد : سمعت انس بتنخطبين
لجين : اي ليه ؟!
وليد : نسيتيني
لجين وهي مو مستوعبه: مااعرفك عشان انساك
وليد : الصراحه انتي اهلك ماربوك زين
لجين : هيهه الا اهلي ترا اجيك واتوطى ببطنك قله ادب
وليد : اقول تفوو عليك وعلى ابوك واهلك وتربيتك
لجين : شوف عاد بتحترم نفسك ولا اقول لابوي ياطى على رقبتك ياللي ماتستحي بعدين شتبي مني انخطبت انت شدخلك
وليد: بس علاقتكم حرام يا ****
لجين : اقول ترا بديت تتمادى كل *** يالي ماتربيت ياقليل الادب
( وليد ماكان بوعيه وهو كان يحب لجين بس هي مادرت عنه ومتعب كان اعز صديق لوليد لكن يوم عرف وليد قطع علاقته بمتعب وبدا يفتن ويشوه سمعة متعب عشان يلغي العرس )
لجين حظرته علطول وفجاءه دخلت عليها نوره وكان وجهها قالب احمر من العصبيه
نوره: لجين حبيبتي شفيك وجهك قالب احمر
لجين : مافيني شي
نوره : والله ان فيك شي انا اعرفك
لجين : طيب بقول بس لاتقولين لاحد عشلن ماتكبر المشكله
نوره :يمهه وش المشكله بعد
لجين ورتها المحادثات
نوره : وعع قله ادب صدق هذا من جده لاتسكتين عنه نقولهم احسن
لجين : انا لعنت خيره وانتهت السالفه بس تكفين يانوره لايزل لسانك انتبهي ترا بتكبر السالفهه
نوره : ابشريي
............................
عند العيال الي كانو جالسين بالمجلس
نواف : ياعيال طفش
حمد : طيب شنسوي ؟
عبدالرحمن : ياعيال نلعب فيفا
عبدالله: يابوي طير ازعجتنا بفيفا
عبدالرحمن ضحك : طيب يلا وش فعالياتك
عبدالعزيز : ياعيال انا عندي فعاليه رهيبهه
عبدالله: لا تكفى انت بذات امنعنا من فعالياتك
عبدالعزيز بضحك :لاوالله رهيبه
نواف : يلا الله يستر وش الفعاليه
عبدالعزيز بابتسامه خبيثه : البنات وينهم
راكان :عرفت وش الفعاليه ياالكلب
حمد بضحك: خله يكمل
...........................................
عند البنات كانو بسطح
( كانو مسوين فعاليات وطالبين كوفي بس مابعد وصل)
جواهر : بنات وحده تنادي لجين
هياء: لجين طلعت
جواهر :وين طلعت
هياء : مدري طلعت مع صديقتها
نوره : بنات انا بنزل اجيب الطلب
شهد : نوني اجي معك
نوره :لاحبيبتي عاديي
نزلت نوره تجيب الطلب اخذت الطلب الا ويطلعلها واحد موواضحه ملامحه متلثم ولابس بطانيه
ويقول بنبره تخوف : نوره عرفتيني
نوره بخوف :يمه من انت
(طبعا خطه العيال يتنكرون على انهم جن ويخوفون البنات وكل هذا من تحت راس عبدالعزيز والي كان يكلم نوره نواف بس نوره ماتدري هو مين )
نوره طرحت الطلب وراحت تركض فوق عند البنات
نوره وهي ماتقدر تتنفس :بنا بناات
البنات كلهم اجتمعو عليها
جواهر : بسم الله نوني شفيك
هياء : نوني لاتخوفينا تكلمي
شهد :صبر خلوها تتنفس
معلومه ( البيت كله موموجود مافيه الا البنات والعيال والباقين معزومين والبنات على بالهم ان العيال رايحين العزيمه)
نوره : تخيلو شفت واحد متلثم ولابس بطانيه وصوت يخوف يقول نوره عرفتيني
هياء بضحك : تستهبلين اكيد واحد من العيال
جواهر : صح ماتعرفين حركاتهم
ترف :طيب نوره وين الطلب
شهد : اسكتي انتي مايهمك غير بطنك
ضحكو البنات
شهد جاتها لحظه ادراك وصارخت باعلى صوت : بنات
نوره : وجع يمهه شفيك
شهد : ترا العيال موموجودين
جواهر :كيف والي شافته نوره تحت
ترف ببرود : اجل جني
هياء :تكفين اسكتي انتي يالبارده بعدين انتي ياشهد وش دراك ان العيال مو موجودين
شهد : امي قالت العيال بيروحون معنا ( طبعا العيال كانو بيرحون وكنسلو )
هياء : بسم الله بنات لازم نطلع
جواهر :تستهبلين وين نروح
ترف :بنات سمو بالله واقعدو بس
نوره :يمهه ترف تمزحين صح
شهد : الا يابنات العنود وين
نوره :يمه بنات العنود وين
جواهر : يوهه العنود قالت بتروح المطبخ تجيب جوالها ولاعاد رجعت
نوره :بنات لازم نروح لها الحين والله ان شافت الي شافته نوره بيغمى عليها تعرفونها عاد (العنود ماتتحمل الرعب علطول يغمى عليها )
البنات نزلو ويطلعون العيال وهم متنكرين وكل واحد يخوف اكثر من الثاني
عبدالرحمن بنبره غريبه :شلونكم بنات محمد من زمان عنكم
ويضحكون العيال بنبره تخوف عشان ماينفضحون
نوره وجها احمر من الخوف : بسم الله
ترف : انتو متاكدين انكم جن
عبدالرحمن بنبره تخوف :ليه شاكه
ترف راحت ورا نوره : يمه امزح
عبدالله وهو يقرب منهم يبي يخوفهم وهم يركضون يبون يرجعون للسطح جواهر مسكت الحذيان وصفقت بها عبدالله ..عبدالله وهو يتوجع حاط يده على عينه : وجعع شديتيها
جواهر : ياكلاب كشفتكم انت عبدالله
راكان :خربت ام الفله ياعبدالله
البنات قعدو يضحكون
جت نوره مسكت الحذيان وقعدت تضرب عبدالرحمن : دحوم ياكلب مافكرت فينا ولا بعد تبي تخوفنا (نوره وهي تقلده شلونكم يابنات محمد) عبدالرحمن : ياخيي ماتوقعنا انكم خوافين لهدرجه
حمد : ياعيال عبدالعزيز راس البلا وين اختفى
نواف : يقول انه سمع قربعه بالمطبخ وراح يبي يخوف الي فيه .
نوره : تستهبل تقولها ببرود بعد انت تعرف لو عبدالعزيز الحين خوف العنود بيغمى عليها
حمد :مو لهدرجه
هياء :انت اسكت بسس ماكفاك الي سويتها
( اكثر وحده خوفها حمد )
حمد بضحك :طيب امزح
شهد : كأنكم نسيتو العنود
نوره : يوهه العنود
راحو كلهم ركض عند العنود في المطبخ
ويدخلون ويلقون العنود طايحه مغمى عليها بحضن عبدالعزيز ......... الي صار قبل لايدخلون البنات والعيال .......
( تقدم عبدالعزيز للمطبخ وكان يبي يخوف الي بالمطبخ واهو ماكان يدري مين ويدخل المطبخ وشاف العنود قاعده تتابع على جوالها تقدم لها يبي يخوفها بس هو ماكان يدري انها خوافه مرهه عبد العزيز بنبره تخوف : العنود وينك مختفيه من زمان عنك
العنود سمعت الصوت وطالعت فيه وبدا يقرب لها وكانت مصدومه ووقفت تبي تهرب ويوقف عبدالعزيز على الباب وبنبره تخوف وين تروحين وتخليني العنود ماقدرت تتحمل طاحت واغمى عليها سحبها عبدالعزيز وحطها بحظنه ووخرالقناع وقاعد يضربها خفيف على وجهها عشان تصحى :العنود تكفين اصحي ماكان قصدي العنود انا عبدالعزيز طبعا عبدالعزيز ماقدر يتحرك من الصدمه عشان يجيب مويا وهي طايحه بحظنه .)
نرجع للحاضر ........
دخلو العيال والبنات وشافو العنود بحضن عبدالعزيز
نوره :والله اني كنت داريه ترف جيبي مويا
جواهر سحبت العنود من حضن عبدالعزيز
نواف وهو خايف : ياعزوز ياكلب قلنا نخوفهم بس مو لهدرجه .
عبدالعزيز وهو ماسك راسه ويتكلم بخوف : شسوي يعيال ماتوقعت بيصير كذا
هياء : شفتو وش نهايه فعالياتكم الخايسه
راكان : والله ذي فكره عزوز
شهد :والله اني حاسه الفعاليات ذي ماتطلع الا من عزوز
راكان : طيب ترا انتو خوافات مرهه
شهد: لايحبيبي اي انسان طبيعي بيخاف من اشكالكم
( شهد ماكانت حاسه بنفسها وهي متعوده تقول ذا الكلمه فطلعت بلغلط ) راكان بابتسامه خفيفه : هاه
شهد بتلعثم : اااقصد انكم خوفتونا
محد لاحظ على راكان وشهد لان كلهم كانو عند العنود
جابت ترف الماء سحبه على طول عبدالعزيز من الخوف كب الكوب كله على وجهها
نوره : وجع غبي انت
عبدالعزيز : يويلي اسف وهو يضربها خفيف على وجهها العنود تكفين والله اسف
هينا نواف ناظر حمد بابتسامه وحمد فهم ( لاحظو ان عزوز بدا يحب العنود )
واخيرر صحت العنود وهي تشاهق
عبدالعزيز وهو ماسك قلبه : اهه الحمدالله
عبدالله : الله يهديك نحسبك متي وش هالاغماء
نوره : وش هالكلام بسم الله عليها
العنود وهيي تتلعثم من الخوف :ي يمه ماااشفتو اليي شفته
عبدالله وحمد وراكان وعبدالرحمن ضحكو بقوه عبدالرحمن :ايي وش شفتي علمينا
العنود :تستهبلون علي انتم وش الي يضحك
نوره :معليك منهم بسس
هياء : دقيقه عنوديي شفتي واحد لابس اسود وقناع مالهه ملامح .
العنود : اييي بس لحظه انتي وش دراك
شهد : ياغبيه هذا عزوز مسوي فينا مقلب هو والعيال
عبدالعزيز والعنود تناظر فيه بنظرات حقد : يمهه والله اسف خلاص انتي صحيتي وانتهت السالفه
عبدالعزيز هرب ولحقته العنود : عزوز ياكلب والله لاوريك
الكل ضحك
جواهر :تدرون لو عرف جدي شبيسوي فيكم
عبدالله : خلاص عاد استرو على ماواجهتو
راكان : والله اخر مرهه نسوي فعاليات عزوز
راحو البنات يكملون سوالف وقاعدين
.............^^...........
عند العيال كانو رايحين الملحق وشافو عند الباب الكوفي طايح
نواف : يا عيال نسيت أقولكم يوم خوفت نوره طاح بس ما انكب تعالو ناخذه فيه حلا بعد
استانسو العيال لان كان ودهم في حلا بس مالهم خلق يروحون اخذوه العيال وراحو الملحق وقعدو ياكلون
راكان : يا زين الأكل إذا ما دفعت فيه شي
حمد : اي والله
عبدالله : ماتحسون بيعصبون خوفناهم وأخذنا كوفيهم
راكان : يارجال اكل معليك منهم الحياء مره وحده
............^^.........
عند البنات
جواهر : بنات البندري وين
شهد : راحت مع لجين
هياء : بنات الكوفي وين نوره وين حطيتيه
نوره بصدمه : يوهه نسيته تحت يا رب ما خذوه العيال
نزلو البنات يأخذونه
............^^..........
عند العيال
دخلو البنات
جواهر : ما تستحون انتو مخوفينا ومأخذين كوفينا
عبدالله : قلت لهم بس ما يستحون
جواهر : مسوي طالع منها انت
شهد : والله ان تودونا
هياء : صح على شهد يلا قومو
ترف : بسرعه مالي خلق انتظر
عبدالرحمن : اقول دزو حنا ما رحنا نجيب لنفسنا عشان نجيب لكم
جواهر : انت بذات يا دحوم الي بتودينا
دحوم : ياحبيبتي ما في احترام اخوك الكبير أنا
هياء : خليه ذا اخونا يا بقره حرام خلي واحد من العيال
حمد : وش ذا العنصريه عشانه اخوكم
هياء : عناد انت الي بتودينا ولا علمنا جدي
نواف يطقطق على حمد عشانهم اختاروه: خلاص يا حمد ودهم يبونك عيب
نوره : قم انت بعد معه
نواف : حرام عليك ما امداني اطقطق
حمد والأكل في فمه : اصبرو خلونا ناكل
شهد : بنات نسيت أقولكم ترى الحساب على اخوي حبيبي ما عليكم انتو بس اطلبو وهو يدفع
ضحكو البنات لانها ورطت اخوها
نواف : على كيف امك تعزمين على حسابي
شهد : استح على وجهك عزمتهم خلاص يعني اقول لا قم قم الله يهديك
راكان : يووه الله يعنيك انت بتدفع لهم والله مايخلون شي
شهد : قم قم وانا اختك وخل ذا الحشره يسكت
ضحكو العيال والبنات عليهم
وراحو البنات والعيال على الجيب عشان يكفيهم
.................^^..........
وصلو الكوفي
حمد: نواف انت انزل انا بقعد في السياره
نزل نواف والبنات
جواهر : هياء انزلي معنا وشفيك
هياء : لا والله مقدر رجولي تعورني من الطيحه انتي اطلبي لي معكم
هزت رأسها جواهر بمعنى تمام وراحت
ومافي في السياره إلا حمد وهياء
ناظر حمد هياء: صدق رجولك تعورك
هياء : اي يعني شوي مو مره
حمد : والله اني اسف يا هيون بس كان ودنا نضحك
هياء : تضحكون على حسنا
ضحكو هياء وحمد وقعد كل واحد على جواله
.........^^...........
في الكوفي
كان الي يطلب نوره
وكان المحاسب رجال وكان يناظرها بنظرات ولاحظه نواف : نوره غطي عيونك وخلاص أنا بطلب قولي لي وش تبون
نوره : لا تفضحنا وش فيها إذا طلبت
نواف : خلاص روحي بسرعه لا تخلوني أرجعكم
راحت نوره عند البنات الي كانو قاعدين على الطاوله
وجاب نواف الطلب وراحوا البيت وتقهوو البنات وانبسطو
................^^........
مر أسبوع جميل وكان كله تجهيز ل ملكه لجين
يوم الخميس كان ملكه لجين .........
إذا شفت تفاعل بنزل لكم سويت هذا البارت قصير لاني كنت مشغوله بس ابشرو بالعوض
