اليوم الثاني ....
صحو من النوم الجد والجده والعمه الجوهره ( الباقين نايمين )
الجد : العيال للحين ماقامو
العمه الجوهره : لا ماقامو
الجده : خلهم ينامون
العمه لجين : عليك بهم يبه
في المطبخ ......
العمه الجوهره : شنسوي فطور
العمه لجين : بيض ونواشف
شوق زوجه نايف : صحو البنات يساعدونا
ميرال : صدق اكلاتهم لذيذه
جازى : خلوهم علي انا اصحيهم
راحت تصحيهم نزلو البنات بعد نص ساعه تقريبا
نوره : وش السالفه يمه مصحيتنا تو الساعه ٩ الصباح
هياء : يوهه ليه صاحين ذا الحزه
جواهر : انا بروح انام
الجده ناضا سحبت جواهر بضحك قالت : وين رايحه يلا تعالي ساعدينا .....
دخلت عليهم زوجه محسن غاليه : يلا عشان نفطر مع بعض .
العنود باستغراب : مين تقصدين
غاليه :عمي ( الجد) قايل كل يوم بنفطر مع بعض العياال واحنا وانتم بس
شهد : كل هذا وبس ياعمه !
الكل ضحك
جواهر : طيب شنسوي
نوره : انا بسوي بان كيك
جواهر : انا بسوي تشيز كيك
هياء : انا بسوي حلا بعد الفطور
العنود : انا بسوي كوكيز
شهد : بسم الله وش هالسنع الي جاكم فجاءه المهم انا شسوي
شوق ام شهد : انتي يمي مامنك فايده روحي نامي احسن لك
شهد بضحك: ابشري
الكل ضحك
عند العيال الي كانو نايمين .......
صحو العيال وهم مختبصن من صوت الباب ( الجد كان يطق العصا بالباب )
نواف بخوف : بسم الله شصاير
حمد : قايمين خلاص
عبدالله : ياجد قمنا والله
عبدالعزيز : قومو يعيال لايكسر الباب
الجد : انتظركم الفطور بالصاله
العيال : ابشر
عبدالرحمن : يعني كل يوم كذا
نواف : اي للاسف
حمد : الا وين عمي بندر ماشفناه امس
عبدالرحمن : كان طالع مع اخوياه الشاليه وقال الصبح برجع البيت .
في الصاله .....
جهزو الفطور والكل كان قاعد على السفره
دخلو العيال وينصدمون من وجود البنات على السفره
حمد : شسالفه
نواف بابتسامه : مدري اجلس
الجد : سمو
الكل : بسم الله
افطرو وبعدين العمه الجوهره مدت صحن الكوكيز للعيال قالت : هذا كوكيز العنود جربوه
العيال اختلفت ردودهم مابين ( ماشاءالله ، يعطيها العافيه ، لذيذ ) لكن عبدالعزيز ردها كان مختلف عم الباقين تكلم وقال : خايس
حمد وهو يقرص عبدالعزيز : طيب سلك يااخوي
طبعا كل الي على السفره جلسو يضحكون لانهم متعودين على هواش العنود وعبدالعزيز من يومهم صغار
العنود : جعلك ماكليت محد طلب رايك
عبد العزيز قلب عيونه والجد وهو يضيع السالفه : اليوم تجهزو بروح .......... قاطعه دخول ولده مطلق واهله
الكل جلس يرحب فيهم والبنات يحضنون ترف
معلومه ( من زمان ماشافو بعض تقريبا ٥ سنوات اواكثر )... ترف : الاوين عمي بندر اشتقتله
العنود : شوي وجايي
( طبعا الكل كان جالس على الفطور الا عبدالرحمن وعبدالله سحبوها نومه بالغلط وفجاء سمعو صوت راكان و تراحيب وتقدمو للمجلس لانهم كانو مشتاقين لراكان ) ....
عبدالله وعبد الرحمن دخلو وسلمو فجاءه ترف تقدمت وحضنت بقوه عبد الرحمن . ( ترف كانت تحسب عبدالرحمن هو عمها بندر كانو يتشابهون شوي)
عبدالرحمن ماقدر يتحرك من الصدمه
الكل كان منصدم الا البنات : ميتين ضحك
الجد وهو مصدوم : يابنت ذا ولد عمس .
ترف من الصدمه والفشله وجهها صار احمر : اسف
وصعدت فوق والبنات كلهم لحقوها ....
في الصاله ......
العمه الجوهره : يبه كنت تقول تجهزو بنروح وقاطعك مطلق وش كنت بتقول ؟..
الجد : اي يبنيتي دامكم تجمعتو ودي نروح المخيم كلنا
وننام فيه
الجده : تم بس كم يوم
الجد : ثلاث ايام وبنرجع انشاءالله
الكل : تمممم
العمه لجين بفرح صعدت عند البنات : عنديي شي حلو بقوله . البنات بفضول وبفرح : وشو
لجين :بنطلع البر بكره وبننام فيه
جواهر : يالبيهه جويي
هياء : وناسه
نوره : اللههه بروح اجهز فعاليات لازم نطلع نجهز بكلم دحوم يجي يودينا
ترف : لا تكفون مستحيل اطلع بعد الي صار يوهه يالفشله
الكل ضحك
جواهر : عادييي تعالي
ترف : مستحيل
البنات وهم يتجهزون ....
العنود : عبود يتصل وش عنده
لجين : عبود اعرفه داق يطقطق علينا بس امس شافني بالبقاله ماخلاني بحالي.. البنات كلهم يضحكون الا جواهر وهي تهوجس بموقفها امس مع عبدالله
( جواهر كانت عند المشروبات راحت تبي تنادي هياء وتصدم بصدر واحد : وجع ما تشوف
عبدالله : انتي الي صاقعتني وتقولين ماتشوف !
عبدالله وهو يلاحظ جواهر : جواهر !!
شجابك هينا ؟
جواهر : يعني شسوي في البقاله اشتري
عبدالله : بالهلحزه !؟ ( الساعه ١:٢٥)
جواهر : ااي نجهز للبر انا والبنات
عبدالله : طيب اذا خلصتوا انتظركم برا
جواهر : عمتي لجين بتودينا
عبدالله: عمتي لجين ! والله اني داري ان هالسربوته مستحيل تقعد بالبيت )
نرجع للواقع ... العنود ردت على عبدالله
عبدالله : انتظركم برا
العنود : شويي جالسين نتجهز
عبدالله : طيب بنتظركم لاتطولون
العنود : ابشر
نواف يتصل على شهد : شهود انتظركم ساعه برا اخلصو
شهد : انتظر شويي باقي ماخلصنا
نواف : بس شويي
عند عبدالله وعبدالعزيز ............
عبدالعزيز : عبود طف السياره ويلا ننزل شكلهم مطولين
عبدالله : ايي والله صادق تعال ننزل بس
( تقدمو وقعدو بالصاله الي تحت ينتظرون البنات )
عند حمد ونواف ..........
حمد :والله ملينا تعال ننتظر داخل احسن
نواف : لا شويي ويجون شهد قالت
حمد : وانت مصدقها البنات يقولون ٥ دقايق تقعد ساعه مايجون ..
نواف بضحك : يلا تعال
تقدمو نواف وحمد ودخلو الصاله وقابلو عبدالعزيز وعبدالله ...
نواف وهو يهمس لحمد بضحك : شكلهم ملطعين زينا
حمد : ايي ياولد واضح من شكل عبدالعزيز مايحب ينتظر ...
نواف : شفيكم جالسين ماراح تروحون البر
عبدالله : بروح بس ننتظر البنات
عبد العزيز : ياخيي قلت له اسحب عليهم مارضى
حمد : وش اسحب عليهم والله جدي مايخليكم يرجعكم غصب الا حفيداته عنده خط احمر
عبدالعزيز : ماشاءالله وحنا الي ناكلها انا بروح اشرب ماء اذا جاوء بلغوني
عند البنات .......
ترف : يوهه يالبنات الحيه بتروح معنا
كلهم باندهاش : موضيي
ترف : اي من غيرها الحيه بس ابشركم ماراح تنام معنا بالبر
البنات : الحمدالله
نوره : بنات من خلص
العنود : انا
نوره : عنودييي ابي مويا جيبي لي
العنود : ابشريي
العنود وهي نازله من الدرج وتشوف عبدالعزيز طالع من المطبخ شوي وتتعثر على اخر درجه
ويمسكها عبد العزيز من ذراعها
عبد العزيز : دفشه انتي ماتشوفين
العنود بعصبيه وهي تسحب يدها : مالك شغل ماحد طلب مساعدتك . ( صراحه مانخفي ان عبدالعزيز انعجب فيها وشعرها الي لكتفها بني ولابسه بنطلون اسود وبلوزه ضيقه عاري من فوق وشوي من جهت البطن ونظاره على راسها )... وتستوعب انها طالع عنده باللبس هذا وتصعد فوق علطول .. عبدالعزيز بابتسامه : شفيني ابتسم حمار انا
حمد : عزوز وين اختفيت
عبد العزيز : جايكم
عند البنات ....
نوره : وين المويا
العنود بتلعثم : اءء تحت
البنات ضحكو
شهد : خلصوني ازعجني عبود وهو يدق
( واخيرا البنات قررو ينزلون )
كالعاده العمه لجين راحت بسيارتها بس هالمره سحبت على البنات ..
حمد : نزلو البنات
نواف : مابغو
عبدالله : الحمدالله
عزوز : اخر مره ننتظرهم
راحو شغلو سياراتهم ...
سياره حمد ونواف الي يسوق نواف بجانيه حمد
وبالمرتبه الي ورا هياء ونوره وترف
سياره عبدالله وعبدالعزيز الي يسوق عبدالله بجانبه عبدالعزيز
بالمرتبه الي وراء جواهر العنود شهد
في سياره نواف ......
نواف :وش اشغل
نوره : طبعا خالد عبدالرحمن
(نواف وهو يبتسم ويحس بشعور غريب اتجاه نوره اذا تكلمت ونوره الي كل ماتكلم تحس بالشعور وتتجاهله لانها تعتقد ان نواف مادرى عنها )
نواف وهو يشغلها وكل الي بالسياره يغنون مع نوره
عشت بأحلام الهوى ليل وبنيت
كل امألي تداركها الفنا
-
في حياتي ماذكرت اني شكيت
في هوانا ضحكت الدنيا لنا
( نواف بس يتأمل نوره وهي تغني ويحس باحساس ويتجهاله وفكر انه بس اعجاب لااكثر وحمد الي اغرم
بهياء كن اول نظره وقاعد يتأمل هيا وهياء مشغوله بجوالها )......
عند عبدالله .....
بدون اي مقدمات جواهر شغلت سلطان البريكي وهي تردد معه ..
اقطع مبادي واترك القانون
لجل العيون الي انت خافيها
ابتسم عبدالله على جوها الطعس الي زيي جوه
وشهد الي نايمه طول الطريق ( وطبعا ماتنتهي هواشات عبدالعزيز والعنود ماشبعو طول الطريق وهم على هالحاله ).... عبدالله بدون مايحس بنفسه : جوجو تبين شي من البقاله .
جواهر وهي معصبه : جوجو !
العنود وقفت هواش مع عبدالعزيز : وش السالفه
عبدالله : ولاشيي من يبي ينزل البقاله
الكل : انا ..
ناظر عبدالله لاخته شهد : كالعاده شهود نايمه يلا ننزل
( سياره نواف كانو يلحقون عبدالله لاحظو انها وقف ونزل للبقاله ).....
نواف : من ينزل للبقاله
الكل : انا
نزلو وقبلهم بالبقاله هياء كانت عند الايسكريم شوي تلمح واحد جاي من بعيد ومشيته مو طبيعيه وهي خافت بس ماقدرت تتحرك من الخوف وهو قاعد يقرب منها نطقت هياء باعلى صوت على اول اسم خاطر ببالها : حمد
حمد اول ماسمع صراخ هيا وبنبره خوف ركض لعندها
ويشوفه قاعد يقرب من هياء وحمد دفه بالارض وقعد يلكمه ويقول : ياابن الكلب
وسمعو الصراخ (نواف وعبدالله وعزوز ونوره وجواهر وترف ) عرفو ان هذا صراخ حمد وهياء وهي تمسك حمد وتسحبه : خلاص بيموت حمد تكفى فكه
وصل نواف وعبدالله وعزوز وهم يسحبون حمد
حمد : فكوني والله لأربيه ولد الكلب
نواف وهو يمسك حمد : والله ياحمد انك ربيته وزياده بس تدخل السجن عشان هالاشكال خله منك بس
البنات وهم يهدون هياء
وهياء تصيح بحضن جواهر من الخوف وترف تحاول تهديها نوره وهي متوجه تبي تضرب الي قرب لهياء : والله لاعلمه لأربيه وجت بتضربه الا نواف يمسكه ويحاول يهديها : تكفين خلاص حمد رباه انا انتبه لك ولا لحمد راسي عورني منكم . نوره : خلاص فكني اربيه زياده نواف وهويسحب نوره ويركبها السياره بالغصب وينادي البنات يلا على السياره
الجد بعصبيه وهو يتصل بعبدالله : ليهه تاخرتو قد حنا الليل . عبدالله طلع برا البقاله : جايينك ياجد بس زحمه شوي . الجد : يلا لاتاخرون
عبدالله : ابشر ... عبدالله ينادي العيال : يلا ياعيال جدي يهاوش يقول ليه تاخرتو . العيال : جايين
ركبو سيارتهم وحركو ....
في سياره نواف .....
حمد ناظر وراء شاف هياء تبكي وناظرها قال ناظريني ناظرته هيا ووجها كله دموع واحمر : والله مااحد يلمسك وانا موجود . ( هياء ارتاحت من كلامه وابتسمت ) نواف : دام حمد قال كذا تراه صادق
نوره وهي تناظر بترف بنظره استغراب من حمد وبنفس الوقت مبتسمه ....
في سياره عبدالله......
شهد صحت : شسالفه قبل شوي اسمع صراخ والسياره توقفت حسبته حلم ونمت
الكل ضحك
شهد : جد والله وش السالفه
عبدالله بضحك : كملي نومك حلم ......
عبدالعزيز وهويناظر جواهر والعنود : الي صار لايطلع
البنات : طيب
واخيراااا وصلو المخيم بالليل .........
( طبعاَ العيال نزلو البنات عند مخيمهم وراحو لمخيمهم الي كان بينه وبينهم مسافه صغيره شوي ويتشابهون )
العيال دخلو ....
مطلق : هلا والله بعيالي
العيال ابتسمو
نايف : ليه تاخرتو المفروض نص ساعه وجايين
عزوز بغا يجيب فيهم العيد : حمد تها..... قاطعه عبدالله : زحمه ياعم
نواف وهو يهمس لعبدالعزيز : بغيت تجيب العيد فينا انثبر هينا لاعاد تتكلم
عزوز : ابشر
حمد قعد يسولف مع راكان ومشاري وعمه بندر
عند البنات .......
اول ماشافو الدبابات ماقدرو يمسكون نفسهم
نوره : اللههه بنات تعالو نركب
العنود : ماني ناقصه اتكسر
شهد : وانا مااعرف بنات انتبهو تكفون لاتبعدون
البنات : ابشري
ترف : الله يلا تعالي انا معك
جواهر وهياء : وحنا معكم
تقدمو نوره وجواهر وهياء وترف للدبابات نوره : يلا نتسابق واول وحده ترجع للمخيم هي الفايزه
البنات : تم
نوره وهي تبي ترجع ضيعت وشافت مخيم قدامه وكان يشبه مخيمهم وتوجهت له ودخلت ولقى بوجها عيال كثيرر واولهم عيال اعماهه ونواف
( الاعمام والجد راح ينامون والعيال قعدو يسمرون )
العيال وهم يناظرون نوره مبتسمين : من ذيي
(العيال كانو عيال جايين من بعيد مايعرفون نوره )
( عبدالرحمن اخو نوره ماكان موجود طالع برالمخيم يكلم ) نوره ماعرفت تتحرك من مكانه من الخوف وهي كانت داخل عليهم بلبسها ( الي كان بنطلون ابيض وبلوزه سودا عاريه من فوق ومتعصبه بغتره عبد الرحمن اخوها وشعرها ويفي )
نواف ركض لنوره يغطيها بفروته ويمسك من معصمه ويطلع برا المخيم وهم يمشون متوجهين لمخيم البنات
نوره : ايي نواف فك يدي عورتني نواف : تستهبلين صاحيه انتي تدخلين عند الرجال وبذا اللبس !
نوره : انا كنت احسب هذا مخيمنا ماكنت ادري
نواف : طيب خلاص تعالي اوصلك للمخيم
عند البنات ......
جواهر وصلت اول وحده بعدين هياء بعدين ترف
جواهر : بنات انا ماشفت نوره غريبه هي كانت بتسبقنا
هياء : صدق حتى انا ماشفتها
ترف : يمهه وين راحت ذيي اسمعو انا بدورها عند مخيم الرجال وانتو دوروها عند مخيم الحريم
جواهر وهياء بخوف : طيب
راحو هياء وجواهر عند باب مخيم الحريم ويلمحون من بعيد نواف ونوره هياء: جوجو شوفي
جواهر : اي والله هذي نوره ونواف وش جابه !
ويركضون لهم نوره وهي لابسه الفروه ونواف بجانبها : شفيكم ؟
جواهر : نوني خوفتينا ياكلبه
هياء : تستهبلين لنا ساعه ندور عليك وتقولين شفيكم
نوره : بقولكم السالفه كامله شويي
نواف وهو يناظر نوره والبنات : لا اشوفكم طالعين برا المخيم فاهمين
هياء الي ماتحب احد يرفع صوته عليه وعلى خواتها : بنطلع وش عندك !! نواف ويناظر بهياء ويتجاهلها : نوره لااشوفكم طالعين فاهمه
اكتفت نوره بهز راسها " طيب "
توجهو للمخيم ....
هياء وجواهر يناظرون بنوره نوره : ليه تناظرون وش
هياء : ننتظرك
جواهر : بتقولين السالفه وليه نواف معصب لهدرجه
هياء : صدق اول مره اشوفه معصب لهدرجه
( نوره قالت لهم السالفه كامله )
هياء وجواهر وهم يبتسمون لنوره نوره : يمهه شفيكم
جواهر بابتسامه : اجل عطاك الفروه هاه
نوره : اي واحد مكانهه بيسويها
هياء : طيب ليه الباقين ماسووها
نوره وهي تغير السالفه : الا ترف وين اختفت
جواهر وهياء وهم يمسكون راسهم ويصارخون : يوههههه نسيناا ترف
نوره : ياحميرر كيف نسيتوهااا
ركضو لها البنات يدورون لها
عند ترف ..........
الي كانت تدور نوره وراءمخيم الرجال ترف تمشي وكان ظلام ماتشوف وتتقدم وتعثر وتطيح ويمسكهه....
