................^^............
كانت البندري مغمى عليها ورأسها ينزف دم من كثر ما صقعته بالسرير وهي تبكي قعدو البنات يبكون من المنظر وكأنو راحمينها
شالها بندر على طول وراح المستشفى وكانت معه جواهر
.............^^...........
في الطريق
جواهر كانت تبكي : تكفين يا البندري قومي تكفين قومي بندر اسرع تكفى
وكان بندر يمشي ٢٠٠
وصلو المستشفى ودخلوها الطوارى على طول
وكان جواهر وبندر ينتظرونها
طلع الدكتور : انتو تقربون لها ؟
بندر : إي أنا اخوها وهذي اختها
استغربت جواهر من بندر بس مشت الموضوع
الدكتور : الحمدلله البندري صحت وما فيها شي بس جرح بسيط في رأسها والحين بس يخلص المغذي تقدرون تأخذونها
بندر : تمام الله يعطيك العافيه
دخلت جواهر عند البندري
جواهر وهي تبكي : البندري خوفتيني عليك يا كلبه
البندري : ابي اخوي تكفين يا جوجو قولي انه حلم
جواهر : استهدي بالله يا قلبي وهذا قضاء وقدر وحنا اهلك
دخل بندر : شلونك الحين تحسين بشي
البندري بصوت يبكي : ماني بخير واخوي مب عندي
بندر : الله يرحمه ويغفر له وحنا اخوانك وان بغيتي شي ابد قولي لي لا تستحين ومن اليوم ورايح تراك اختي
ابتسمت البندري وحست بأمان بس اخوها ما يتعوض
طلعو من المستشفى وكان بندر طول الوقت يناظرها ويهوجس
..............^^..............
في البيت عند البنات
نوره : ياعمري البندري رحمتها
ترف : اي والله بس حنا انشا الله نعوضها وحنا خواتها
دخلت البندري وبندر وجواهر البيت وكلهم راحو يسلمون على البندري
وبعدها راحو ينامون بعد يوم متعب ومحزن
صح نصهم ما نامو وكأنو يفكرون في حال البندري وعبدالله الي دخل البيت وراح على طول لغرفته وما سكت طول الوقت يبكي لانه فقد أغلى صديق عنده
.......................^^........
مر شهر متعب وحزين وبدو يتخطون
وسكنو كلهم في بيت جدهم لان الجد الي قال لهم
في الصاله الجد والخوال يفطرون
دخلو العيال إلا نواف توه ما قام
العيال : السلام عليكم
الكل : وعليكم السلام
............^^...........
عند نواف
صحى نواف وطلع الحمام وقابل نوره
نواف : نوره قاموا العيال
نوره : اي ونزلو تحت
هز نواف رأسه بمعنى "تمام"
راح نواف وهو يفكر في نوره الي مأخذه عقله
نزل تحت نواف بس ما لحق على الفطور
.............^^..........
عند البنات
كلهم نايمين إلا نوره وراحت نوره غرفت جواهر
نوره : جوجو قومي طفشانه كلهم نايمين
جواهر بصوت فيه النوم : هاه وش دخلني طيب
نوره : قومي نفطر ونسولف البنات عيو يقومون
قامت جواهر وراحت الحمام
.............^^........
نزلو نوره وجواهر المطبخ عشان يسوون لهم فطور
ولقو نواف يسوي له فطور لانه مالحق يفطر معهم
نوره : نواف ما أفطرت معهم
( طبعا جواهر كان فيها النوم وساكته بس نوره مقومتها غصب )
نواف : اي ما لحقت
نوره : تبي اسوي لك معي أنا وجواهر فطور
غمزت جواهر ل نوره بصوت عالي شوي : طلعتي تحبينه وانا اختك
سمعها نواف : اي سوي لي معكم واذا زان نادوني
طلع نواف الصاله
نوره : تستهبلين انتي وش احبه بعدين ترى سمعك الله يلعنك أنتي وهو
جواهر : وش اسوي حركاتكم تضحك وتوقعت انكم تحبون بعض ضحكت جواهر بعدين قالت : ما توقعت تاكدت يا قلبي
صفقت نوره جواهر بمزح : اقول دزي لحد يسمعك ويصدق
جواهر : سوي الفطور واخلصي ابي أحقق معك
ضحكت نوره على أسلوب جواهر الي يضحك
وطلعت جواهر على ما تخلص نوره الفطور
.............^^..............
عند نواف طلع من المطبخ وهو الابتسامه شاقه وجهه : طلع الحب من الطرفين وكان يتكلم مع نفسه ومبسوط قابله راكان : صاحي انت وش تقول
نواف بتلعثم : هاه لا ما اقول شي
هز رأسه راكان بمعنى "تمام"
............^^...........
عند نوره وجواهر
خلص الفطور
جواهر : روحي نادي حبيبك يجي يأخذ صحنه
نوره : جوجو بلعن خيرك لا يسمعك يصدق
جواهر بمزح : خليه يصدق لان ذا الصدق
ضربتها نوره وراحت تنادي نواف
...........^^............
عند نواف كان قاعد في الصاله
دخلت نوره : نواف ترى الفطور جهز صحنك في المطبخ
نواف : شكرا الله يعطيك العافيه
نوره الي كانت متعوده تقول لكل البنات كلام حلو : الله يعافيك يا قلبي ( نوره ما كانت مستوعبه بس طلعت منها الكلمه بلغلط )
نواف: هاه
استوعبت نوره وش قالت : معليش والله بالغلط قلتها لاني متعوده أقولها دايم
نواف : لا عادي عادي
طلعت نوره وهي متفشله من نفسها وراحت المطبخ
................^^...........
عند جواهر بالمطبخ
جواهر : لحول وينها ذي تأخرت
دخلت نوره
جواهر :ما بغيتي كان نمتي ازين عنده
نوره : وجع رحت أناديه بس
دخل نواف : السلام عليكم
جواهر : وعليكم الس....... استغربت من نوره الي خذت صحنها وطلعت اول ما جاء نواف
جواهر باستغراب : يويلي وشفيها ذي
نواف : مدري
جواهر : إلا تعال بسالك
نواف : سمي
جواهر بمزح : رجع عقل أختي إلا أخذته
وطلعت جواهر
ضحك نواف وقال بمزح مع نفسه : والله مو صاحيه ذي ( يقصد جواهر )
.............^^............
افطرو جواهر ونوره وقاموا البنات
شهد : اهخخ يا راسي ما نمت امس زين
هياء : يويلي كل هذا ومانمتي زين
العنود: بنات والله طفش نبي نسوي فعاليات اليوم في الليل
نوره : تم
جواهر : وين البندري ما قامت
هياء : إلا اتوقع قامت شوفيها في غرفتها
............^^...........
راحت جواهر ل غرفه البندري
جواهر : البندري فيك شي ليش ما جيتي تقعدين معنا
البندري : لا مافيني شي بس كنت اتروش
جواهر: طيب يلا تعالي نروح للبنات يقولون بنسوي فعاليات اليوم
هزت رأسها البندري بمعنى "تمام "
وراحوا للبنات
...............^^............
قبل العصر بنص ساعه
عند الجد والعيال
بندر :عيال شرايكم نكشت
نواف : قدام
عبدلله : اي والله يا عيال جاني تكاك من القعده في البيت
سمعهم الجد : اقول اقعد انت وياه في البيت اليوم معزومين عند جارنا ابو مشعل في شاليه بيجون كل الديره
نواف : لازم نروح يا جد
الجد : اي لازم وش يقعدك والرياجيل كلهم بيروحون
هز رأسه نواف بمعنى "تمام "
حمد: طيب يا جدي كلنا ولا الحريم كلهم
الجد : كلنا حتى الحريم
هز رأسه حمد بمعنى "تمام"
الجد روح يا نواف ناد لي عماتك والبنات اعلمهم
نواف : ابشر يا جد
راح نواف ينادي البنات
................^^............
عند البنات في الصاله
كانو ( شوق حرمة نايف وشوق حرمه مطلق و جازا و ميرال والجوهره ) قاعدين يتقهوون في الصاله
والبنات ( نوره و جواهر و هياء و ترف و العنود و شهد و لجين والبندري ) قاعدين على جنب يخططون وش بيسوون فعاليات اليوم
دخل نواف : السلام عليكم
الكل : وعليكم السلام
نواف : جدي يبيكم ب موضوع
ونزلو البنات كلهم عند جدهم
..........^^............
عند الجد والجده دخلو البنات
كلهم : السلام عليكم
الجد : وعليكم السلام تعالو عندي موضوع
الجوهره : لبيه يا ابوي
الجد : اليوم حنا معزومين عند ابو مشعل في شاليه وكل الديره بيجون وحنا بنروح
ميرال: طيب متى بنروح يا عمي عشان يمدينا نتجهز
الجد : نصلي المغرب وبنمشي
هياء : لا يكون موضي بتروح معنا
الجده : اكيد بتجي كل الديره بيجون
جواهر : نعم وش تبي ذي اعرفها بتدور مشاكل بس والله لو تقول كلمه اني لالعن جدفها
هياء : اي والله تراها ملعونه ما تعرفوها من وراكم حيه ومن قدامكم تنزل عينها ل رجلها ملعونه الثوا
الجده : عيب يا بنات تراها اكبر منكم احترموها
جواهر : هذي المشكله اكبر مننا وتدور مشاكل معليش يا جده حنا الي ما يحترمنا نكسر عينه
( طبعا بنات محمد كانو يكرهون موضي وهي بعد كانت اكثر ثلاثه تكرهم بنات محمد وتدور مشاكل معهم )
نوره الي كانت تهدي جواهر : جوجو بس عيب ترفعين صوتك
جواهر : أنا ما رفعته بس اعلمهم انها ملعونه
وكان نواف يناظرها بنظرات المغرم وهي تهاوش خواتها عشانهم يرفعون اصواتهم
قام الجد وقال روحو تجهزو عشان نمشي العزيمه بعد المغرب
قامو البنات والعيال
البنات راحو يتجهزون والعيال الي راح الحلاق والي راح يكوي ثوبه
...........^^...........
عند البنات
جواهر :بنات وحده تطلب كوفي عشان نروق ونسوي ميكب نبي نطلع اجمل بنات في العزيمه
ترف : صادقه جوجو
نوره : تم بطلب
طلبت نوره وكملو يتجهزون ومشغلين اغاني
جواهر : خلاص عاد حطو سلطان البريكي طفشنا وحنا نسمع الاغنيه ذي
شهد بضحك : بسم الله هدي لا يطق فيك عرق خلاص بنحط
حطو شيله سلطان البريكي وكانت جواهر تردد مع الاغنيه وتتجهز
نوره : بنات المندوب تحت وحده تنزل
هياء بضحك : انتي الي طلبتي انتي الي انزلي جيبيه
جواهر : صح
نوره بمزح : الشرهه على الي يطلب لكم
نزلت نوره تجيب الطلب ورجعت وكملو وخلصو
.........^^...........
عند الجد والعيال
محمد : يبه يلا نروح لانتاخر عليهم
الجد : يلا بس الحريم خلصو ولا لا
محمد : مدري بكلم اشوف جهزو ولا لا
كلم محمد جازى : وينكم خلصتو ولاباقي
جازى : احنا خلصنا بس باقي البنات ماخلصو
محمد :اجل خلاص احنا بناخذكم والبنات لارجعو العيال ياخذونهم .
جازى : تمام
راحو كلهم الشاليه ماعدا البنات والعيال
عند العيال .........
اتصل نايف على ولده نواف : الو نواف
نواف : سم يبه
نايف : ابيك تروح تاخذ البنات
نواف :طيب خلصو الحين اجي اخذهم ولا
محمد : والله مدري وانا ابوك اتصل على شهد واسالها ولا تتاخرون
نواف : ابشر ... ياعيال ابوي يقول روحو خذو البنات للشاليه
الخال بندر : يالليل المفروض ماشين من زمان بنتاخر الحين
عبد الرحمن : خلاص رح انت يانواف وجبهم
حمد :وانا معك يانواف
الخال بندر :حلوو اتفقتو يلا انا ماشي لاتتاخرون يويلكم من ابوي .
( باقي العيال مشو مع الخال بندر)
..........^^...........
