حمد بضحكه مستفزه : اي احب شعليك
هياء بعصبيه وكره توجهت للمخيم وهي تهوجس مين ذي الي يحبها حمد
...............
في صباح اليوم الثاني
الجد وهو يصحي العيال : يالله ياعيالي قومو افطرو ورانا قنص
العم بندر : يوه مره ثانيه يبه خلها بعدين
الجد : قم بس لايكثر
نواف : شسالفه وليه نقنص
حمد : مانعرف نقنص
مطلق : تتعلمون انشاءالله
توجهو العيال والجد للقنص وكان المكان قريب من المخيم
عند البنات الي صحو من النوم .....
نوره : بنات شرايكم نتمشى حول المخيم
جواهر بتردد : لامالي خلق
هياء : أنا بجي معك
شهد : مشاءالله ياجواهر واذا قلنا لك بنفحط تجين
جواهر : والله ابشرو تبون أفحط بكم
نوره : يمهه لاتكفين
العنود : خلاص يابنات كلنا بنروح
ترف : يلا تعالو
عند العيال .....
نواف : ياجد كيف نقنص
الجد بدأ يعلم نواف كيف القنص
عبدالله وعبدالرحمن وهو يشوفون البنات من بعيد
عبدالله : ياليل لأيكون ناوين جواهر تفحط بهم
عبدالرحمن بضحك : لاتشيل هم مفتاح السياره بجيبي
عبدالله بابتسامه الحمدالله
عند البنات .....
نوره الي لمحت العيال واولهم نواف وهو ماسك البندق : يمه بنات شوفو العيال ونواف ليه ماسك البندق
جواهر بضحك : شدعوه ترا يقنصون ماراح يذبحك
هياء: الله بروح اشوف تعالو معي
نوره : يلا
العنود وامها تتصل فيها
ام العنود : عنودي تعالي بسرعه وخذي معك وحده من البنات تساعدنا بالجلسه
العنود : ابشري يمه... وقفلت .... بنات مااقدر اجي معكم امي تناديني تقول تعالي وهذي وحده من البنات
شهد: تمام أنا بجي معك
ترف : اسف بنات بس بروح انام ماقدر خذوني معكم
نوره : تمام حنا ماراح نطول بنروح نشوف وبنجي
توجهو نوره وجواهر وهياء للعيال
وكان البندق مع حمد ( مايعرف البندق ولا تعلم )
حمد وهو يلمح البنات جايين ويركض لهم
شوفو جدي وش عطاني
نوره : يمه بعده عنا
جواهر بضحك : نوره خوافه
نوره توجهت لنواف وكان معه بندق ثاني : يمه نزل البندق
نواف : اما تخافين منه
نوره : بتنزله ولا اروح
نواف بابتسامه : خلاص خلاص نزلته
عند حمد وهياء
حمد وهو يمزح مع هياء ويوجه السلاح عليها
هياء بضحك : من جدك بتذبحني
حمد بابتسامه : اي بذبحك ( طبعا بأسلوب مزح )
نواف لمح حمد وقعد يضحك نوره : شفيك
نواف : شوفي وراء
نوره : يمهه مو صاحي ذا وهي تصارخ : بعده من اختي وتركض لعنده ويمسكها نواف : ترا حمد يستهبل مستحيل يرميها بعدين البندق فاضي مافيه شي اقعدي بس نوره جلست وهي شاكه بالموضوع مو مرتاحه
حمد وهو على وشك ان يرمي راكان بصراخ ( لاياحمد البندق فيه لاترمي انتبه ) حمد هو انزلقت يده وصوب على هيا من جهت كتفها
حمد وهو يركض لها وتطيح بحضنه هياء حمد وهو يصفق نفسه شسويت أنا ويبكي
راكان : شسويت ياحمد حرام عليك
الكل اجتمع على صوت الطلقه
تقدمت جواهر لهياء وهي تصارخ وش صار وتسحب هياء من حمد : انت الي رميتها صاحي انت
نوره ونواف وهم يركضون لهم نواف بخوف : لايكون صار الي ببالي
نوره وهي تشوف المنظر ماتحملت وطاحت واغمى عليها بحظن نواف
تجمعو كلهم ودحوم يتقدم بخوف ويشيل هياء وجواهر تجري معهم وتصيح والأم منهاره ( الأب كان في البيت ) الأم جازى : نوره انتبهو لها صحوها
الكل لحقهم بالمستشفى ماعدا نواف الي يرش الماء على نوره وهو خايف شويات وتصحى نوره وهي تبكي وتصارخ : هياء وين هياء وين وتضرب نواف على كتفه : ودني بسرعه بشوفها نواف وهو يحاول يهديها : خلاص بنروح الحين كلهم عندها بالمستشفى
نواف تقدم وسحب نوره وراحو لسياره
في المستشفى ......
حمد يبكي وصارخ قاعدبالزوايه ويصقع رأسه بالجدار شسويت أنا شسويت كيف كذا
راكان وهو يهديه : انت مومتعمد لاتلوم نفسك بعدين هياء بتطلع من العمليات سالمه انشاءالله
جازى منهاره والحريم يهدونها
ام حمد وهي تبكي : الله يهداك ياحمد ليش ليش كذا مايجوز المزح كذا
وصل الجد وعياله وهو معصب : ليه ياحمد من قالك المس السلاح ليه تمزح كذا مايصلح
محمد : بنتي وينها صار شي فيها
العيال يهدونها
بندر وهو يبكي : لايخوي مافيها شي انشاءالله
وصل عبدالله تتقدم جواهر وتحضنه بقوه وهي تبكي ( ماحد انتبه لهم كانو يصيحون ومنهارين )
عبدالله باستغراب بادلها الحضن : انشاءالله بتطلع لاتبكين كذا بتطلع مافيها شي انشاءالله
وصلو نوره ونواف ... نوره تقدمت ونواف وراءها
نوره وهي تحس بدوخه : شصااار عليها ... وهي على وشك انها تطيح مسكها نواف وهو ينادي عبدالرحمن : دحوم جيب ماء بسرعه .. لحقو عليها قبل مايغمى عليها سحبها دحوم وحضنها : هيون بتطلع مافيها شي خلك قويه وروحي لجوجو وامي وهديهم
تقدمت نوره وهي تحضن امها : جوجو وين
جازى ببكي : مدري روحي شوفيها راحتلها نوره وهي تنورها بالممرات وتشوفه بحظن عبدالله نوره باستغراب: جوجو !
جواهر وهي تبي تضيع الموضوع وتتقدم لنوره
وتحضنها : هيون صار فيها شي
نوره : مابعد طلع الدكتور
توجهو نوره وجواهر وعبدالله لهم
طلع الدكتور والكل قام وهو خايف
محمد بخوف : شصار يادكتور
الدكتور : الحمدالله عدت مرحله الخطوره بننقلها لغرفه الأن ولكن
جازى وهي خايفه : ولكن ! ايش تكلم
الدكتور : ماراح تقدر تحرك يدها لفتره طويله
نوره بخوف : يعني مثلا كم الفتره
الدكتور : اقل شي ٨ او ٩ شهور
حمد وهو منصدم ويبكي طلع برا المستشفى وقعد يبكي بقوه ويحضن رجوله . العيال ركضو له مسكهم نواف : خلاص عيال أنا بروحله
العيال : تمام
توجه نواف لحمد وشافه قاعد ويبكي : خلاص ياحمد هياء طلعت ومافيها شي الحمدالله
حمد بتلعثم وبكي : ي يدها ماراح تحركها
نواف : ومن قال ماراح تحركها فتره وتحركها
حمد حضن نواف وجلس يبكي
توجهو كلهم للبيت . سمحوا ان يجلس مرافق مع هيا وجلست جواهر معها
اليوم الثاني............
صحو البيت على خبر مفجع والي هو موت ولد جار الجد والي الجد يغليه ويعتبره صديق واخو مات
(جيران الجد كلهم توفو مابقى الاالبندري واخوها وللاسف توفى ومالها بعد الله الا اخوها ومات )
الجد اول ماسمع الخبر من الحاره توجه للبيت وصحو كل البيت من صراخ الجد : قومو يابنات بسرعه
نزلت الجده بخوف : بسم الله شفيك شصاير
نزلت العمه الجوهره :يبه شسالفه
والباقين نزلو وهم منخرشين من الصراخ
الجد ببكي: توفى ولد صديقي واخوي الله يرحمه
الكل باستغراب : مين ؟!
الجده ناضا عرفت انه جارهم وصاحت : لاحول ولاقوه الابالله الله يرحمه والبندري في البيت ؟
نوره : يمه شدخل البندري
العنود : ياغبيه اخو البندري الي مات
نوره : الله يرحمه ياحياتيي ياالبندري لازم نشوفها الحين .
لجين : يالله اركبو سيارتي شوي وجايتكم
ركبو وتوجهو للبندري وهم يهدونها ويحضنونها والبندري للان مو مستوعبه ان اخوها وحيدها ومالها الاهو توفى . حظنتها نوره وهي تبكي :الله يرحمه
فجاءه استوعبت البندري وصارخت باعلى صوت : اخوي مات وانهارت ببكي : يعني اخوي مات
هدوها البنات والجده ناظه
نوره طلعت الحوش وهي تتصل بجواهر تبي تتطمن على هياء : الوو جوجو
جواهر : هلا
نوره : شخباركم هياء صحت ولا باقي
جواهر : الا صحت تبين تكلمينها
نوره : ايي عطيني اياها
هياء : هلا والله نوني استقتلك ليه ماقعدتي عندي مع جواهر
نوره : هيون شخبارك بعدين مايخلون مرافق الاوحده
هياء : بخي...( سمعت صراخ عند نوره وسياره اسعاف )
هياء بصراخ وخوف : نوره شصاير فيكم شي
جواهر سحبت الجوال من هياء : الووو نوره شسالفه وش ذا الصراخ
نوره بخوف : شوي واكلمكم ( صكرت الخط )
جواهر: يمه شصاير
هياء: تعالي نشوفهم
جواهر وهي ترجعها : وين وين تستهبلين والله ماتتحركين
هياء تنهدت ورجعت مكانها
دخلو حمد وعبدالله يدفع حمد للباب بهمس ( مستحي ليه تستهبل ادخل خلصني ) حمد : مالي وجه ادخل
عبدالله : تدخل ولا اروح
حمد : خلاص خلاص بدخل بس فيه جواهر
عبدالله : بحاول اطلعها من الغرفه معليك
حمد هز راسه بمعنى "طيب"
دخلو :السلام عليكم
هياء ناظرتهم بعدم الاهتمام
جواهر : نعم شجايبكم
عبدالله :وش دخلني صارخي على حمد
حمد وهو يضرب عبدالله بخفه : اوريك يابزر
عبدالله :المهم جواهر تعالي معي شوي
جواهر :اسفه مشغوله ماتشوفني عند اختي
عبدالله : لاتشيلين هم حمد عندها
جواهر بضحكه خفيفه : بغى يذبحها وتقول لاتشيلين هم حمد عندها
عبدالله : طيب هو ماقصد تعالي بس نص ساعه عندي موضوع مهم
جواهر وهي تناظر حمد : اشوف معك سلاح
هياء وحمد ضحكو
عبدالله بضحك : تستهبلين !
جواهر :اقول امش قدامي نشوف وش موضوعك المهم!
طلعو عبدالله وجواهر
حمد تقدم لهياء وجلس على الكرسي مقابلها :والله العظيم ياهياء اسف ماكنت قاصد والله بالغلط
هياء :انا كنت احسبك صدق تستهبل قاطعه حمد
: والله العضيم صدق كنت استهبل امزح !
هياء : المفروض تتاكد بالاول من السلاح
قاطعهم اتصال من جوال حمد
هياء : رد على حبيبتك ليه تتجاهل
حمد بعصبيه : تستهبلين اي حبيبه من قالك عندي
هياء: نسيت يوم كنا بالمخيم وجاك سوال و..... قاطعها حمد : وانتي صدقتي؟!
هياء : اي ليش تكذب مثلا
حمد : انتي ماتدرين اني ماشوف غيرك بس اكابر
هياء بابتسامه ومكابره : انا اشوف ميه واحد غيرك يلا روح
حمد بعصبيه : منهم ذول ان شاءالله
هياء : والله شي مايخصك
عند عبدالله وجواهر
جواهر : اخلص تكلم وش موضوعك خوفتني
عبدالله بتلعثم ( ماكان عنده موضوع بس يبي يصرفها عشان حمد وهياء يجلسون مع بعض ): اءء شرايك نشرب شاهي
جواهر : اللهه تم
ضحك عبدالله شغل السياره وركبو خذو شاهي وهم متوجهين للطريق بعد ماتاكدت جواهر ان حمد بيجلس عند هياء . جواهر : عبدالله شغل س... قاطعها عبدالله بابتسامه : سلطان البريكي صح
جواهر بابتسامه : فاهمني صح
عند البندري .......
الي كان مغمى عليها وشايلينها بسياره الاسعاف
ومعها نوره .
الجد : لاحول ولاقوه الابالله
الجده ناظه وهي تبكي : طيب تقعد بلحاله يعني بالبيت
ترف : ماعندها اقارب
شهد : مااتوقع ماقد ذكرت لنا اقاربها
العنود بهمس للبنات:اللهه ياليت تسكن عندنا
شهد : ياليت
لجين وهي متقدمه لابوها : يبه اخو البندري قبل مايموت كاتب وصيه
الجد :عطيني اشوفها
ويفتح الوصيه الجد وينصدم باللي مكتوب
الجده ناظه : وش مكتوب
البنات " جد وش مكتوب
الجد : كسر خاطري اخوها موصي باخته ويقول مالها بعد الله الا انتم .
الجده ناضا : اجل تم البندري من اليوم ورايح بنتي
ترف بفرح:الله يعني بتسكن عندنا
العمه الجوهره : اي
البنات استانسو بس بنفس الوقت محزنين على حالتها ووفاه اخوها .
رجعو الجد والبنات للبيت بحزن
جازى :بتطمن على بناتي لازم اروح لهم اليوم
ترف وشهد والعنود : خذينا ياعمه معك
لجين : تكفين طمنيني عليهم انا بلحق نوره والبندري بشوفهم
العمه الجوهره : وانا بعد بروح مع لجين طمنيني عليهم
جازى : ابشرو . بتصل على دحوم يجي ياخذنا
وصل دحوم وخذاهم للمستشفى وهو طول الوقت يناظر ترف بنظرات اعجاب ترف الي ماقدرت ترفع عيونها لعبد الرحمن من مواقف المحرجه الي صارتلها منها ،حضنته قدام اهلها وهي كانت تظن انه خالها وكثير من المواقف
وصلو المستشفى .....
جازى تقدمت فتحت الباب وشافت هياء نايمه وحمد جالس على الكرسي يتأمل انتبه حمد لصوت الباب تقدم لهم وهو يحط يده على شفايفه بمعنى " اشش"
طلعو برا الغرفه وصكر الباب
جازى : وينها جواهر على اساسا اهي الي بتقعد عندها
حمد : ياعمه جواهر قالت عندي شغل ضروري اقعد عندها شوي وجايه جازى :طيب بدخل اشوف بنتي
حمد :طيب بس لاتصحونها توها نايمه
جازى :طيب
دخلو جازى والبنات
شهد بدفاشه وهي تهز هياء مع كتفها : هيون شذا النوم
العنود :يوه منك يا شهد ليه تصحينها حرام
جازى حضنت هياء وتطمنت عليها بعدها اتصل عليها محمد : جازى وينك
جازى :عند هيون صاير شي
محمد :لابس ابوي يبينا كلنا نجتمع عنده مدري شسالفه
الا وشلون هيون طمنيني عنها
جازى : بخير الحمدالله صارت احسن
محمد : الحمدالله . في احد عند هياء
جازى :اي البنات
محمد :اشوى انتظرك برا
طلعت جازى ووصت البنات على هياء
صحت هياء من اصواتهم وهي مبسوطه
هياء : ارحبوو استقتلكم
حضنوها البنات ..
شهد وهي تغمز لهياء :حمد شجابه هينا
هياء :يمه شذا الغمزه ماصار شي بس جواهر راحت
ووصت حمد
العنود : معليك من هالدفشه اسمعي اليوم بتطلعين انشاءالله الدكتور قال
هياء بفرح : الحمدالله اخير
ترف زل لسانها بالغلط : ياروحي البندري حالتها تحزن
العنود وهي تقرص ترف بهمس : ليه تقولين شايفه حاله البنت . ترف حطت يدها على فمها بهمس للعنود : والله نسيت
هياء : صح تذكرت كنا نكلم نوره فجاءه نسمع صراخ وسياره اسعاف شسالفه .
العنود : اي البيت الي قدامنا مدري شصاير عندهم
هياء : اكيد! ماصار شي
شهد : لاياروحي ماصار شي
هياء : الحمدالله طمنتوني
حمد كان واقف عند باب غرفه هياء اتصل عليه
اخوه عبد العزيز :حمد وينك تستهبل ليه ماحضرت
حمد :وش احضر وش تقول انت
عبدالعزيز : اليوم توفى بتال
حمد : ياولد متاكد
عبد العزيز : يااخوي تونا دافنينه
حمد : يحول ولا قوه الا بالله الله يرحمه عبدالله يدري
عبد العزيز : لا والله ماعرفنا كيف نقول له قلنا ل حمد او نواف يقولون له
حمد : يوهه بينهار عبدالله لاحول ( اقرب صديق لعبدالله بتال )
حمد دخل الغرفه عند هياء وهو معصب يناظر بالبنات : ليه ماقلتو لي ليه طالعين من العزاء ولا قلتو لي
العنود تناظر بحمد تبيه يسكت وتاشر على هياء بمعنى انها ماتدري لا تقول
هياء نظرتهم بخوف : شصاير عزاء من
سكتو البنات ويناظرون لحمد
هياء بحده : تكلمو
حمد : بتال مات
هياء بكت وناظرت بحمد : البندري وينها
حمد : في البيت . هياء وهي تحاول تفك المغذي وتوقف حمد مسكها :وين ماتقدرين تطلعين الحين على الاقل خلي المغذي يخلص
هياء وهي تبعد حمد وتصارخ :اخو البندري مات والبندري مالها احد وهي تحس الحين انها وحيده منهاره لازم اشوفها بعد
شهد مسكت هياء ونزلتها على السرير : والله البندري بخير نوره عندها بالمستشفى
شهد مسكت فمها : لا قصدي..... هياء وهي تبكي :بالمستشفى بعد
العنود تناظر بشهد :ماتعرفين تمسكين لسانك انتي
راحت شهد وحضنت هياء
حمد مسك راسه من غباء شهد وطلع برا بنفس الوقت قاعد يفكر كيف يقول لعبدالله بتال الي تغليه وبحسبه اخوك مات اتصل على نواف : نواف دريت باللي صار
نواف وهو يبكي : اخ ياحمد مات بتال مات
حمد : هد ياخوي انت وينك
نواف : بالبيت قاعد بالمجلس
حمد :ترا عبدالله مايدري
نواف : كيف نقوله
حمد اتصل عليه وقول له في موضوع مهم تعال البيت الحين
نواف : طيب
اتصل على عبدالله الي كان لاهي وهو يتأمل جواهر وهي تغني : عبدالله
عبدالله : هلا نواف شفيك
نواف : تعال الحين البيت موضوع مهم لازم نقوله لك
عبدالله : ياولد شصاير لاتخوفني
نواف : تعال واقولك
جواهر وهي تناظر عبدالله :شصاير ليه وجهك قلب
عبدالله : نواف يقول في موضوع مهم تعال ونبرته كانه يبكي انا اعرف ذا النبره في بلا
جواهر :لا انشاءالله مافي إلا خير
عبدالله : تبين انزلك عندهم بالمستشغى ولا بالبيت
جواهر :دقيقه باتصل بشوف عادهم بالمستشفى
اتصلت جواهر على هياء
سحبت الجوال شهد وترد على جواهر : الو وينك فيه مخليه هيون لحالها
جواهر : بسم الله وين هياء
شهد : احنا بالسياره طالعين البيت
جواهر : زين الحمدالله يلا جايتكم
وصلو كلهم البيت بعد ماتجمعو بالصاله . ماعدا نواف وحمد الي سحبو عبدالله للغرفه الي فوق .....
عبدالله يناظر فيهم :تكفون قولو وريحوني وش صاير
نواف : بتال مات
حمد :ماتعرف تمهد الموضوع انت
عبدالله الي ما استوعب مانزلت منه دمعه لانه كان يحس انه بالحلم مو مستوعب كلامه
نواف وهو يهز عبدالله :ولد شفيك
حمد :صدمته بالموضوع علطول وتقول شفيك
نواف :عبدالله رد علي تكفى
حمد تقدم وضرب عبدالله على وجهه بخفيف :عبدالله تكفى رد
عبدالله تجاهلهم ونزل تحت وهو يركض عند الجد والكل كان مجتمع تحت عند الجد
الجد :اسمعو يابناتي الكلام للكل حتى العيال لاحظ الجد غياب نواف وحمد وعبدالله
الجد : الا وين نواف و..... قاطعهم دخول عبدالله وهو يصارخ وراءه نواف وحمد
عبدالله بصراخ وبكي : بتال وين بتال وينه
الجد :هد ياولدي .
عبدالله: الي سمعته صح
خالد وهو يناظر بولده وخايف من منظر عبدالله ووجه الشاحب : ياابوي كلن بيموت على هالدنيا
ميرال ام عبدالله : يمه عبدالله اهدا تكفى
عبدالله وهو ماعاد يشوف الا خفيف
الجده ناضا:امسكوه بيطيح
طاح عبدالله مسكه نواف وحمد يصارخ : جيبو مويا
والكل اجتمع عليه وخايفين على عبدالله رشو على وجهها ماء صحى عبدالله وهو يصارخ : بعدو عني
بروح لبتال طلع من البيت وهو معصب وحزين
خالد : نواف وحمد تكفون لحقوه لا يصير فيه شي
نواف وحمد : ابشر
البنات كانو خايفين بس كانو يهدون الوضع عشان هياء بعد العمليه ماعاد تتحمل
جواهر : بنات نوره وينها من اليوم
العمه لجين :عند البندري كلمتها قالت شوي وجايين
هياء : ياروحي البندري الحين تلقونها تعبانه
العنود : هياء عندي لك خبر مره بتنبسطين عليه
هياء : ايي تكفين محتاجه شي يفرحني
شهد : انا باقول
العنود : لا اسكتي انا ابي اقول
ترف : البندري من اليوم ورايح بتسكن عندنا
ناظروها العنود وشهد : خير
ضحكو كلهم
هياء : اللهه
جواهر: وناسه
وصلو نوره والبندري
الجد رحب فيها : يعلم الله انك مثل بنتي ياالبندري ولاتعتبرين هذا الا بيتك
البندري: مشكور ياعم ماقصرت ماكان له داعي
الجده ناظه :افا يابنتي
شهد : حبيبتي رضيتي ولا ما رضيتي احنا نبيك بتقعدين غصب بعدين شلون يعني نعصا وصيه اخوك
البندري توجهت فوق وهي تصيح من عرفت ان اخوها موصي عليها
نوره تناظر بشهد :انا قاطعه لسانك قاطعته الله لايعوق بشر وتركض نوره لشهد
شهد : يمهه والله بالغلط وهي تركض طلعت للحوش ونوره تركض وراءها شهد وهي تركض صقعت بالغلط بصدر راكان : اه
راكان : ليه تركضين
شهد وهي رجعت وراء راكان :راكان شوف نوره تبي تضربني تراني بوجهك
نوره وهي تركض لهم راكان : لا يانوره تراها بوجهي
نوره : هين يا شهود والله لاوريك لولا راكان صفقتك الحين
شهد :يابنت خلاص اسف زله لسان
نوره :زله لسان اجل هاه
...........................
عند عبدالله الي كانو يلاحقونه نواف وحمد بسياره نواف يلاحقون عبدالله الي كان مسرع بسرعه جنونيه وكان مايهمه شي
نواف : شفيه ذا خبل ليه يسرع كذا
حمد : الحقه تكفى يا نواف الحقه
وصل عبدالله للمقبره وراءه نواف وحمد طبعا هو مانتبه لهم وماكان يدري ان احد طلع وراه اولا
جلس عبدالله عند قبر بتال وهو يبكي ويصيح ويتذكر كلام بتال قبل يومين وكأن بتال حاس بيومه
" فلاش باك "
كانو قاعدين عبدالله وبتال بالمجلس بتال يشربون شاهي ويفضفضون لبعض بتال : تدري ياعبدالله اني اعزك بالحيل عبدالله : جعلني مااخلى منك والله
بتال : بعض الاحيان افكر اذا خذاني ربي ياعبدالله اختي البندري مالها الاانا وش بتسوي
عبدالله بعصبيه : وش ذاالكلام لاعاد اشوفك طاري الموت واصلا البندري مااعتبرها الااختي ولاارضى عليها
بتال : صدق عاد بتحميها بتعتبرها اختك بعد موتي تكفى يا عبدالله مااثق الافيك .
عبدالله : افا عليك وش هالكلام غير الموضوع تكفى
تبسم بتال وحس باالراحه من كلام عبدالله
نرجع للواقع ......
عبدالله وهو يبكي : طلعت حاس بيومك
ليه ليه يا بتال تركتني واختك امانه عندي لا تشيل همها وانت بقبرك قعد عند قبر بتال تقريبا ٤ ساعات جالس عنده وهو يبكي ويفضفض
نواف وحمد قاعدين يشوفونه من بعيد
نواف : اخ ياحمد قطع قلبي
حمد : الله يرحمه . خلاص تكفى جتني ضيقه نمشي
نواف : صاحي انت نترك عبدالله وعمي خالد موصينا عليه
حمد تنهد : ياولد عبدالله بيجلس لليل وهو يبكي ماتعرفه بعدين ماراح يجيه شي انشاءالله
توجهو للبيت .......
الجد : لااوصيكم يابناتي على البندري
البنات : ابشر لاتشيل هم
الجد :وانتو ياعيال اعتبروها زي اختكم
العيال :ابشر
دخلو عليهم نواف وحمد
خالد وهو يناظر فيهم :عبدالله وين
قالوله السالفه .........
عند البنات ....
كانو يدقون الباب على البندري الي حابسه نفسها بالغرفه وماله صوت
نوره : تكفين البندري تكلمي على الاقل
العمه الجوهره وجازى وميرال يركضون على صراخ البنات : شفيكم شصاير بعد
جواهر :البندري قفلت على نفسها مو راضيه تطلع
هياء: البندري افتحي بكلمك تكفين
شهد وهي تطق الباب بقوه :تكلمي على الاقل
العنود : نادو احد يكسر الباب
ترف :العيال كلهم برا وجدي طلع برا بعد
الجده ناضا جت على صراخهم :لا اله الا الله وش هالصراخ
شهد : جده البندري داخل مو راضيه تتكلم ويمكن صاير لها شي
الجده ناضا :لجين نادي العيال بسرعه يكسرون الباب
شوق :العيال طلعو قبل شوي شفيكم
الجده ناظه :لجين بسرعه نادي بندر توني شفته بالصاله اكيد ماطلع
لجين تركض تنادي بندر انقطع نفسها وهي تركض : ب بن بندر
بندر : بسم الله شفيك يالمطفوقه شوي شوي
لجين :مو وقتك تطقطق امي تبيك الحقني فوق
بندر : ليه ؟!
لجين: تعال وشوف
بندر : يلا
وصل فوق وينصدم ان الكل متجمع عند غرفه البندري
بندر بخوف : وشفيكم
الجده ناظه :البندري داخل ولا ترد اخاف صار فيها شي
العمه الجوهره : اكسر الباب
بندر تقدم وصقع الباب بكتفه مرتين وفتح
وخاف من المنظر كانت البندري ................
