قلبي بينادي باسمك - مكتملة-

part 66 موجوعه

كانت بصه للسقف وكل اصوات الناس الي بتتكلم جنبها بعيده عنها ، صوت نبضات قلبها في ودانها ، فضلت فتره مش قليله بصه للسقف و عينيها مركزه على نقطه واحده، مرمشتش او غيرت عينيها 

سوار: تركي انت متأكد انها كويسه ، بقالها ربع ساعه بصه للسقف من غير حركه 

تركي: هي بخير سوار بخير  

سوار: طب هي مبتردش ، دا طبيعي 

بص تركي لريم و قرب منها لمس شعرها بحنان و باس جبهتها 

تركي: ريم حبيبتي ناظريني 

فضلت ساكته مبتتحركش و نفسها بدأ يختلف عن الاول 

تركي: ريم ، طمنيني عليك بس ردي على او ناظريني 

لفت وشها و بصت في وشه ، ابتسم بحنان و لمس ايده التانيه خدها 

تركي: بابا بخير ما تخافي ، خرج من العنايه و بغرفه عاديه ، كل شي تمام ، ما ينفع يناظرك وانت كذا 

اتملت عينيها بالدموع و نزلت دمعه سريعه ، حطت سوار ايديها على بقها بتحاول تفضل ساكته ومتعيطش ، تعب عبد الله مع منظر ريم خلاها مش مستوعبه الي بيحصل و من اي حاجه بتدمع 

تركي: لالا ما تبكي ، عيون ريم حبيبتي ما يليق عليها البكا 

اخدت نفس و بلعت ريقها بصعوبه بسبب كتمه العياط الي حساها 

ريم: ما صبر على 

بصت سوار لريم باستغراب و عقدت حواجبها و رجعت بصت لتركي الي كان عاقد حواجبه باستغراب هو كمان 

سوار: مش فاهمه يا ريم 

ريم: وين ماما 

بص تركي لسوار و رجع بص لريم 

تركي: ماما مع بابا بالغرفه 

ريم: هي بخير 

سوار: كويسه حبيبتي متقلقيش ، هتجيلك بس تطمن على بابا 

بصت لسوار و رجعت بصت لتركي 

ريم: وينه فهد 

عقد تركي حواجبه 

تركي: ليش تسألى عنه ، ارتاحي الحين 

ريم: ابغى اتكلم مع فهد 

سوار: طيب يا ريم فوقى كدا بس و كلنا هنقعد نتكلم معاه 

ريم: لا ابغى اتلكم معاه لحالى 

تركي: ريم مو وقته 

قامت ريم من على السرير و عدلت نفسها بحيث تكون قاعده و سانده ضهرها على ضهر السرير ، عدلت سوار المخدات ليها

ريم: ابغى اتكلم مع زوجي لحالنا 

قامت سوار و باست راسها ، بص تركي ليها باستنكار و عقد حواجبه