قلبي بينادي باسمك - مكتملة-

Part 72 مقاطعه

مسك يس شعرها يشده و ياسمين تطبطب على خدها ، فتحت عينيها بتعب حركت ايديها بالعافيه تشيل يس من فوقيها ، بصت جنبها السرير فاضي ، مسكت موبايلها لقت الساعه 7 ونص الصبح ، سمعت ليلي بتجري و دخلت الاوضه عليها بسرعه 

ليلي: يوه انا اسفه يا ست سوار ، لفيت وشي لقيتهم اختفو 

قربت تشيل يس الي كان بيشد في شعرها و ياسمين الي بدأت تعيط ، حطت ايديها على راسها تحاول تهدي و متتوترش من صوت الصريخ 

سوار: عبد الرحمن نزل ؟

ليلي: بيفطر لسه يا ست سوار ، محتاجه حاجه 

سوار: لا بسأل بس 

قامت بهدوء و ألم ، كل يوم بيعدي في التاسع بتعبها اكتر من الاول مش عارفه تنام او تقعد او تمشي ، نزلت رجلها من على السرير تحت انظار ليلي 

ليلي: ست سوار انت رجلك وارمه خالص دا عادي 

انتفست سوار بهدوء 

سوار: انا تعبت خلاص مش قادره استحمل اكتر من كدا ، كدا كتير 

بصت لياسمين الي لسه بتعيط و يس الي قرب منها عشان يحضنها ، قربته منها و حضنته ، ضرب برجله بطنها و هي غمضت عينها بألم 

سوار: ارجوك يا يس انا مش قادره 

قربت ليلي تشيله عنها و بدأ هو كمان يعيط ، حطت ايديها على راسها تحاول تهدى 

سوار: ليلي ارجوكي خرجيهم ، دقيقه كمان و هنفجر 

ليلي: حاضر خاضر 

طلعت ليلي من الاوضه و صوت صريخهم بدأ يقل مع الوقت ، فضلت قاعده شويه و هي بتبص للتاريخ ، حطت ايديها على بطها بألم شديد خلاها تأن ، غمضت عينها و بدأت تفتكر التمارين الي الدكتور قال عليها ، اتنفست شويه بهدوء لحد ما الالم راح ، دخل عبد الرحمن عليها لقاها ماسكه ضهرها  و منزله راسها ، قرب منها و نزل لمستواها ، حط ايده على ايديها 

عبد الرحمن: ليش صاحيه توك نايمه من ساعتين 

سوار: يس صحاني 

عبد الرحمن: طيب ارتاحي شوي

هزت سوار راسها و بدأت تعيط 

سوار: انا تعبت ، مش عارفه انام و لا اقعد ولا اقف خلاص مش قادره 

قام و قعد جنبها اخدها في حضنه و مسح على شعرها 

سوار: حاسه اني هنفجر مش طايقه لبسي و لا طايقه العيال مش طايقه حد قدامي ، ضهري واجعني و رجلى وجعاني ، يس كل شويه يضرب بطني و ياسمين تشد شعري انا تعبت خلاص تعبت 

باس راسها بهدوء 

عبد الرحمن: متابعاتنا اليوم خلاص بقيتي بنص التاسع ان شاء الله الولاده قريبه ، ادري انك تعبانه و ليلي انا قلت لها تشيل الاولاد عنك ، ظهرك و رجولك عشان الحمل