سالي: استنو استنو
قامت بسرعه و ربطت الموبيل على الشاشه و شغلت السماعات على اغنيه أم كلثوم " يا ليله العيد"
سوار: ياه يا سالي فكرتيني بمصر
ساره: احبها أم كلثوم احبها
دخلت فدوى عليهم
فدوى: بنات جدكم يبغاكم برا
قام الكل و لبس عباياته و طلعو برا المزرعه ، لقو الشباب واقفين مستنين زيهم ، كل واحد راح وقف مع مراته و فضلو واقفين شويه مستنين الي هيحصل ، دخل محمد عليهم و قعد على كرسي الجنينه ، قعدت حفصه جنبه و ابتسمت ، قربت سالي لتركي
سالي: تركي ، هو في أيه
تركي: عادات جدي
سالي: عادات أيه ما عدى عيدين مع بعض و محصلش كدا
تركي: كانو بالحج سالي نسيتي
سالي: اه صحيح
بطلو كلام لما بدأ محمد يتكلم
محمد: الحمد لله العيد هذا وافق ان كل احفادي متزوجين و أزواجهم معهم
بص لعبد الله
محمد: عبد الله و فدوى قربو
قرب عبد الله و فدوى ، طلع من شنطه على الترابيزة علبه حمرا صغيره و علبه سوده صغيره ، ابتسمت فدوى و نزلت باست ايده و راسه و باست ايد و راس حفصه
فدوى: الله يديمك لي عمي
عبد الله: الله يديمك بابا
ابتسم محمد و حفصه و رجع عبد الله و فدوى
محمد: بندر و تسنيم
قرب بندر و تسنيم و ادالهم من الشنطه نفس العلب ، باسو أيديهم و رأسهم و رجعو تاني
حفصه: تركي و سالي
مسك تركي ايد سالي و مشو بهدوء ليهم ، طلع محمد علبه حمرا كبيره شويه ، اخدتها و فتحها لقتها ساعه دهب شيك جدا ، بصت لتركي الي كان مبتسم و رجعت بصت لمحمد
سالي: جدو أيه دا كله
محمد: ما يغلى عليك يا حبيبه جدك
سالي: انا بحبك أوي على فكره
محمد: و انا أحبك اكثر
قفلت العلبه و حضنته طبطب على ضهرها بهدوء ، قامت من حضنه و باست ايده و راسه ، قربت من حفصه حضنتها و باست ايديها و راسها ، حطت حفصه ايديها على بطن سالي
حفصه: الله يحفظه لك و يتمم حملك على خير
سالي: يا رب يا ناناه
بصت حفصه لتركي ، قرب منها و باس راسها و ايديها و رجع باس راس محمد و ايديه ، طلع علبه صغيره فتحها كان قلم ، ابتسم تركي و بص له
YOU ARE READING
قلبي بينادي باسمك - مكتملة-
Romanceسوار بنت مصريه ملتزمه بتعاني مش شويه مشاكل مع امها و بعد فتره بتواجه ابوها المختفى من سنين و تبدأ صفحه جديده من حياتها الروايه مفيهاش أي لفظ خارج أو شئ يغضب ربنا مناسبه لكل الاعمار
