සාමාන්යය විදිහට දවස් දෙකක් ගෙවිලා ගියෙ මාව හොදටම හොද කරලා. කකුලත් දැන් හොදයි. ඔලුවෙ තුවාලෙත් වේලිලා. අතේ ප්ලාස්ටර් එක අයින් කරන්න විතරයි දැන් තියෙන්නෙ. මම තාම ඉන්නෙ තේව්ගෙ ගෙදර. දැන් ගොඩක් හොද නිසාම මම ඊයෙ මම ගෙදර යන්න ඇහුවත් තව දවස් දෙක තුනක් ඉන්න කියලා තේව් බලෙන්ම මාව නවත්ත ගත්තා. අම්මලත් කැමති උනෙ නැ මම යනවට. ඔෆිස් එකේ වැඩත් ගෙදර ඉදලම මම කරනවා.
දැන් වෙලාව දවල් දෙකට විතර ඇති. උදේ ඉදලා ඔෆිස් එකේ තිබුන වැඩ වගයක් කරපු මම හිටියෙ තේව් එනකම් මග බලාගෙන. එයාට exam ඉවර නිසා මේ දවස් වල campus එකේ නිවාඩු උනත් අද උදේම පොඩි වැඩකට ටවුන් එකට ගියා. දැන් ටිකකට කලින් මැසෙජ් එකක් දාලා තිබුනා එයා හන්දියෙන් එන ගමන් කියලා. ඒක නිසාම මම මේ එයා එනකම් බලාගෙන ඉන්නවා. මැසෙජ් එක දාලත් දැන් ටිකක් වෙලා ගෙදර එන්න නම් වෙලාව ඇති දැන්.. අනේ දැන් නම් බඩත් ගිනී අප්පා. එයා එනකම් කන්නත් බෑනෙ හුම්. ඉම්මනට ආවා නම් හලි.
" මොකද ලොකු පුතේ මෙතනට වෙලා ඉන්නෙ. ගේ ඇතුලට යමු. "
" නෑ අම්මා තේව් එන ගමන් කිව්වා ඒකයි බලාගෙන හිටියෙ. "
පාර දිහා බලාගෙන හිටිය මගෙ ලගට ඇවිල්ලා අම්මා කියද්දි මාත් අම්මට උත්තර දුන්නෙ හිනා වෙලා.
" තාම කාලත් නෑ දරුවො ඔයා. තේව් දැනගත්තොත් මටත් එක්ක බැනුම් අහන්න වෙනවා. "
" හී හී එයා ආවම එයත් එක්කම කන්නම් අනේ. එයා අම්මට බැන්නොත් මට කියන්නකො මම කරන්නම් එයාට හොද වැඩක්..."
" කරයි කියලා තමා බය... අපි දන්නවා නෙ ඉතින් මෙතන චන්ඩියා වගෙ කියෙව්වට එයා චුට්ටක් කෑ ගහපු ගමන් ඇස්වල කදුලු පුරවගන්නවා."
මම චන්ඩියා වගෙ කියද්දි අම්මා මාව බයිට් කරන්න ගත්තෙ මම ලැජ්ජාවටම රතු වෙද්දී. අම්මා ඔය කියන්නෙ මේ දවස් දෙකේ එයාලට දකින්න ලැබුන දේවල් තමා. හේ හේ ලැජ්ජාව බාල්දියෙන් එකයි අප්පාව්.
" අනේ යන්න අම්මා යන්න. මම තරහයි.."
" අනෙ ඉතින් මෙහෙමත් කෝලමක්..."
" ඒම තමා හුහ්..."
මම අම්මගෙ අතත් අල්ලගෙන හුරතල් වෙන ගමන් තේව්ට බනිද්දි ගෙදර මිදුලට දැම්මෙ එයාගෙ බයික් එක. ඒත් මගෙ මූණෙ තිබුන හිනාව නැති වෙලා ගියෙ තේව්ගෙ බයික් එකේ පිටිපස්සෙ හිටපු කෙනාව දැකලා. ඔව් ඔව් එදා අර කැම්පස් එකේ දි තේව්ගෙ අතේ එල්ලිලා ආපු කෙල්ල. මට ඒ කෙල්ලව දකිද්දි මතක් උනේ තේව් එදා මට ගහපු එක. මම ඔරවගෙනම බලාගෙන ඉද්දි ඒ කෙල්ල බයික් එකෙන් බැහැලා අම්මා ලගට ඇවිල්ලා කතා කරන්න පටන් ගත්තෙ මගෙ දිහත් බලලා අමුතු බැල්මක් දාලා. මට මේකිව පේන්න බැ. අම්මගෙත් මූණෙ හිනාවෙන් එකයි.
YOU ARE READING
"ආයු" Ongoing
Non-Fiction" මේ තාක් කාලයක් විදවපු මගෙ ජීවිතේට සතුට අරන් ආපු; මගෙ ආදරේ... මගෙ ජීවිතේ වටිනම වස්තුව... මගෙ මහත්තයා.... මම උබට හරි ආදරෙයි මගෙ මහත්තයෝ..." 🌼❤️ -අයුක්ෂ හේෂව් ගුණවර්ධන- #mpreg #zhanyi #happyending