දැන් වෙලාව හතට විතර ඇති. මම හිටියෙ කුස්සියට වෙලා උදේට උයන ගමන්. අද සෙනසුරාදා නිසා මට නිවාඩු. . පුතත් එක්ක ටිකක් වැඩිපුර නිදාගත්ත මම දැන් ටිකකට කලින් ඇහැරලා උයන්න පටන් ගත්තෙ පුතාට කන්න දෙන්න ඕනි නිසා. ලලිතා අම්මත් ලග ගෙදරක දානයක් කියලා උදේම ගියා උදව්වට. ඒක නිසා අද දවල් වෙනකම් මායි පුතයි විතරයි ගෙදර. අද නම් දවසම පුතත් එක්ක ඉන්න ඕනි. ගිය සතියෙත් පොල් මෝලෙ වැඩට ගිය නිසා නිවාඩු දවස් දෙකේවත් කොල්ලා එක්ක ඉන්න බැරි උනා. සතියෙ දවස්වල කලින් ගෙදර ආවත් සමහර දවස්වලට එක එක වැඩ සෙට් උනාම කොල්ලව මග ඇරෙනවා. ඒකමයි අදයි හෙටයි කොල්ලත් එක්කම ඉන්නවා කියලා හිතාගත්තෙ.
" අම්මිහ්හ්..."
උයන්න පටන් අරගෙන විනාඩි විස්සකට විතර පස්සෙ එක පාරටම කාමරේ පැත්තෙන් ඇහුනේ අඩන්න ලං උන මී පැටියෙක්ගෙ කට හඩක්. ඔච්චර වෙලා හොදට දොයියගෙන දැන් තමා ඇහැරලා තියෙන්නෙ. මම ලග නැති නිසා ද කොහෙද අඩන්න තමා ඔය ලෑස්ති වෙන්නෙ. මම ඉක්මනට කප කප හිටිය බෝංචි ටිකත් එහෙමම තියලා ස'වියට් එකකින් අත පිහදගෙන කාමරේට දුවලා ගියෙ තව ටිකක් පරක්කු උනොත් මගෙ මී පැටියා අඩන්න ගන්නවා කියලා අත් දැකීමෙන් දන්න නිසා. එයාට නිදාගෙන ඉදලා ඇහැරෙනකොට අනිවාරෙන් මම හරි ලලිතා අම්මා හරි ලග ඉන්නම ඕනෙ. නැත්තම් අඩනවා. චූටි කාලෙ ඉදලා එහෙමයි.
හිතුවා වගේම මම යනකොටත් මගෙ පුංචි මී පැටියා ඇද උඩ ඉදගෙන අඩන්න වගේ මූණත් හදාගෙන ඉන්නවා.
" අනෙ අනේ. අම්මිගෙ චන්ඩියා ඇහැරුනා ද ඉතින්...උම්මා.. ගුඩ් මෝනිම් වස්තුව."
මම එහෙම කියන ගමන් ගිහිල්ලා ඒ බෝල කම්මුලකට හාදුවකුත් තියලා කොල්ලව වඩා ගත්තේ එයත් හිනා වෙවීම මගෙ ඇගෙ එල්ලෙද්දි. වදුරු පැටියෙක් වගේ. පුදුම හුරතලයක් මේකගෙ තියෙන්නෙ.
" ගුම් මෝනිම් අම්මි. අම්මිගෙ තන්ඩියා ඈලුනා අලේ.."
" උම්ම්මා. මගෙ පණ. යමුකො අපි ගිහිල්ලා කට සෝදලා කුක්කු තේ බොමු හලි ද..."
" හලියෝ...."
මම කොල්ලවත් වඩාගෙනම කුස්සියට ගිහිල්ලා කොල්ලව බිමින් තියලා එයාගෙ ප්ලාස්ටික් කෝප්පෙට වතුර ටිකක් දාලා දුන්නෙ කට සෝදගන්න කියලා. කොල්ලා කෝප්පෙත් අරගෙන කුස්සියෙ දොර ලගට ගිහිල්ලා පන්ඩිත සීයා වගෙ කට සෝදනවා. එයාට දැන්ම ඉදලා පොඩි පොඩි දේවල් තනියම කරගන්න දෙන්න ඕනි නැත්තම් ලොකු වෙනකොට එයාටමයි අමාරු.
YOU ARE READING
"ආයු" Ongoing
No Ficción" මේ තාක් කාලයක් විදවපු මගෙ ජීවිතේට සතුට අරන් ආපු; මගෙ ආදරේ... මගෙ ජීවිතේ වටිනම වස්තුව... මගෙ මහත්තයා.... මම උබට හරි ආදරෙයි මගෙ මහත්තයෝ..." 🌼❤️ -අයුක්ෂ හේෂව් ගුණවර්ධන- #mpreg #zhanyi #happyending