» [You're Cold-Heize]«
0:54 ─〇───── 3:54
⇄ ◃◃ ⅠⅠ ▹▹ ↻
Volume: ■■■■■■■■□□ 80%
◇
"မင်းကြီး ဒီကိစ္စကို မဖြစ်သင့်ဘူးလို့ မယ်တော် ဘယ်နှခါ မိန့်ရမလဲ"
"ဒါမယ့် မယ်မယ်_
"မွေးနေ့တော်မှာ ကပြဖျော်ဖြေဖို့ Qing နိုင်ငံက အချောအလှ ကချေသည်တွေတောင် ဖိတ်ကြားထားပြီးပြီ မယ်တော်ကို မျက်နှာပျက်စေချင်တာလား မင်းကြီးက ပြောရဆိုရခက်တဲ့ ကလေးလား"
ဒီဘုရင်သည် ငိုမဲ့မဲ့လေး ထပ်ဖြစ်လာသည်။ မျက်ရည်လေးတစမ်းစမ်းနှင့် ဝတ်ရုံတော်အနားစကို လက်သီးလေး ဆုတ်ထား၏။ မျက်ရည်ဝဲပြီး နှာခေါင်းလေးက နီရဲနေသည့်အခါ ချစ်စဖွယ် --- ပါးနှစ်ဖက်ကို ဆွဲဖျစ်ပြီး ငုံကိုက်လိုက်ချင်မိသည်။ ဒီလို တွေးမိတာကပင် Ricky အတွက် ဆင်ခြင်တုံတရားအရာမှာ တစ်ပန်းရှုံးသွားခြင်း ဖြစ်မည်။ ကာနယ်နှင့် မိဖုရားခေါင်ကြီးသည် ယနေ့ ဆွေးနွေးမှုအရ နှစ်နိုင်ငံ ချစ်ကြည်ရေး ပဏ္ဍပ်ရိုက်နိုင်ဖို့ ဘယ်လောက်မှ မလိုပြီ။ ဒါကို ဒီဘုရင်သည် တငိုငိုတရီရီနှင့် မယ်မယ် အော်ခေါ်ကာ အပြေးတပိုင်း လာပူဆာသည်လေ။ မီးရှူးမီးပန်းလွှတ်ပွဲ လုပ်ပေးဖို့ .. .........
တိုင်းတပါးသားတွေရဲ့ ရှေ့မှာ ဒီဘုရင်သည် ရှက်တတ်ပုံလည်း မရ။ သက်တူရွယ်တူ ဖြစ်နေလို့လား မပြောတတ်ပေမယ့် သူ့အစား Ricky သည် ဒီနေရာမှာ ထိုင်ပြီး ကြည့်နေရတာကိုပင် မျက်နှာပူနေမိပြီ။ ဒါကြောင့် မစားရက်စရာ ပြင်ဆင်ဖန်တီးထားသည့် မုန့်အချို လှလှလေးကို နှမျောကိုက်လေး ကိုက်ပြီး ဖျော်ရည်ထဲက yuja သီးအဖတ်လေးတွေကိုပဲ မရမက ရေတွက်ကာ နေလိုက်သည်။
"ဒီရာသီမှာပဲ ကောင်းကင်ကြီးက သာယာတာလေ မီးရှူးမီးပန်းကြီးတွေက ဖောင်းခနဲ ဒိုင်းခနဲ ဖွားခနဲ ဘယ်လောက်မိုက်လဲ"
ဖောင်းခနဲ ပါးလေးက ထွေးသွားပုံ ။ ဒိုင်းခနဲ အသံမြည်ပြပြီး မျက်လုံးလေး ပြူးသွားပုံ ။ ဖွားခနဲ နှုတ်ခမ်းစုလေး ပွင့်သွားပုံ ။ ပုံစံလေးက ချစ်စရာ။ အမူအရာကိုက ချစ်စရာ။ ဒီဘုရင်သည် Ricky ကြားထားဖူးသည့် 'ဂျိုဆွန်းဘုရင်ကို အာရုံထားနေစရာမလိုကြောင်း' ကာနယ်၏ အမှာနှင့် ကွက်တိ။ ဘာအန္တရာယ်မှ မပေးနိုင်သည့် သရက်သီးမှည့်လေး သာသာပေပဲ။
