» [널보면시간이멈춰어느순간에도-TxT]«
1:13 ─〇───── 4:13
⇄ ◃◃ ⅠⅠ ▹▹ ↻
Volume: ■■■■■■■■□□ 80%
◇
ခွေးကြီးက ရုတ်တရတ် ထဟောင်သည်။ Ricky ကို ငြိုငြင်နေသလို အစွယ်ကြီး ဖြဲပြီးတော့ကို ဟောင်နေသည်။ Gimhae အရှင်မင်းမြတ်သည် အခုပဲ သစ်ပင်ပေါ်ကနေ သူ့လက်ထဲသို့ ခုန်ဆင်းလာသည့် Ricky ကို လက်တစ်ဖက်နဲ့ ပွေ့ချီထားပြီး သူ့ရဲ့ လက်ဖျံပေါ်မှာ ထိုင်နေရသည့်အခါ Ricky သည် အနေအထားပုံစံကြောင့် မျက်နှာမထားတတ်ရအောင် ရှက်နေမိသည်။ သူ မော့ကြည့်နေသော Ricky ရဲ့ မျက်နှာသည် သိပ်များ ကြီးနေမလား။ သူက အတော်လေး မျက်နှာသေးသည်လေ။ ဒါက Ricky ကို စိတ်ထဲမှာ အနည်းငယ်လေး ပူပင်စေသည်။ ဒီနိုင်ငံရဲ့ အလှအပစံနှုန်းက ဘယ်လိုများလဲ Ricky မသိသည့်အတွက် တကယ့်ကို အနည်းငယ်လေး ။
ပြီးတော့ Ricky ရဲ့ တင်ပါးလေးသည် အရိုးပေါ် အရေတင်.. ပြားပြားလေး။ သူ့လက်ဖျံနှင့် ထိနေသော တင်ပါးမှာ နူးညံ့ဖွံ့ထွားသည့် အသားလေးတွေ မဟုတ်ဘဲ အရိုးဂေါက်ဂက် ဆိုသည့်အခါ ဒါ သဘောမကျချင်စရာ မဟုတ်လား။ မင်းသမီးလေးတွေသာ အချီခံရလေ့ ရှိသော ဒီအနေအထားပုံစံသည် Ricky လို အမေရိကန်သွေး ထင်ရှားသော လူထွားထွားတစ်ယောက်အတွက် ဘယ်လိုတွေးတွေး မသင့်လျော်ပါ။
ဒါဆို..
Ricky သည် ဘာကြောင့် သူ့လက်ကနေ မဆင်းသနည်း။
ခွေးကြီးက ဟောင်နေသည်လေ။
ခွေးကြီးက ကြောက်စရာကောင်းသည်။
"မင်းက ဒီ uniform ထက် hanbok နဲ့ ပိုလိုက်ဖက်တာ လို့ ကိုယ်တော် ပြောရင် မင်း စိတ်အနှောင့်အယှက်များ ဖြစ်သွားမလား"
"လူတိုင်းက ငါ့ကို Navy uniform နဲ့ လိုက်ဖက်တယ်လို့ ပြောကြတာ"
Ricky သည် မိမိဝတ်ဆင်ထားသော နက်ပြာရောင် ကိုယ်ကျပ် အင်္ကျီ၏ ခန့်ညားစွာ ရွှေချည်ထိုးထားသော ကြယ်သီးစေ့များကို ငုံ့ကြည့်မိသည်။ အဖြူရောင် ဘောင်းဘီသည် အဝကျယ်ပြီး အရှေ့တိုင်းသားတစ်ယောက်အတွက် အမြင်တမျိုးများ ဖြစ်နေရော့သလား။ တွေ့သမျှ လူတိုင်းရဲ့ ကြည့်ကောင်းလိုက်တာ.. လို့ ချီးမွန်းတာ ခံရသည့် ဝတ်စားဆင်ယင်မှုနှင့် မိမိကိုယ်ကို ယုံကြည်မှုသည် သူ့စကားတစ်ခွန်းကြောင့် စိတ်ယိုင်သွားရသည်။
