حسرتي
وشوغات گلبي ورجفة إيدي
وشردت عيونـي بشوارعكُم شگلهن؟
___________________________________
روان _
ساعات مرت واحنا ننتظر ابوية واختي واخوية يجون بس ماكو امي دكت على ابوية وكال راح نتأخر.
انوار :- يعني ما فهمت بس همه هناك ميكولون واحد يريد ينام هذا اخوج من البارحة مشايفته.
روان :- والله ما كتلج تزوجي ابوية جان فكرتي.
انوار :- انجبي اشو طاكة ميانة وياي غير امج اني.
روان :- يعني يمة لو صايره اني هسه مثل اِرامَ جان هسه انتِ وحدج خطية.
انوار :- وهسه شنو اختج مكيفة حال الضيم حالها لا تغرج الضحكة الي تضحكها اني بنتي واعرفها
روان :- ادري يمة ليش تحجين هيج وتضوجيني صوجي حجيت اني.
انوار :- يلا امي كومي نامي باجر عدنا دوام.
تذكرت الرجال الي شبهت اِرامَ بي الميت
روان :- اكلج يمه تذكرين ذولي الي رحنا كلنا حتى نزورهم هاي صديقتج زوجها يمة سبحان الله اِرامَ تنطي شبه.
شفت امي بأوعتلي بنظرة سريعه واردفت وهي تكوم وتحجي بدون اهتمام
انوار :- لا يمة متوهمه خاف يلا عوفج من السوالف هاي كومي ننام اقفلي الباب لا تسرقي خاف يجون.
كمت قفلت الباب ورحت لغرفتي بدلت ملابسي وشغلت مسلسل ع اللابتوب قطع مشاهدتي رسالة وصلت من رقم غريب باوعت من برا
" احب تفاصيلج واحبج"
فتحت الرساله بتعصب كتبت
_ منو؟
دقيقة ورجع دز
_ مُعجب.
_ ومنين تعرفني؟
_اعرفج كلش اعرفج
_ انت صدك ما تستحي روح لا انطي رقمك لابوية ويعرف شلون يتصرف وياك.
_ ههههههه شوكت تتغيرين مو مرمرتي گلبي
_ مرمرتهم دروح بابا روح
_ الله وياج
ذبيت الموبايل عَ صفحة بتعصب ما خله عندي واهس من التفكير خفت خاف واحد مو زين سديت اللابتوب ضليت افكر فتحت الرساله من جديد وضليت اقرا واقرا وافكر اخير شي كلت طُز ورحت اقرا واتباد واخذتني النومه
عيسى _
طلعنا من السياره وضلت اِرامَ تلبس عبايه والسياره مضلله نقلنا اذياب للسياره الثانية ثواني وانفتح باب السيارة نزلت اِرامَ لابسه عبايه ولابسه بسطاال فحطنا من الضحك اردفت بدون اهتمام
اِرامَ :- هسه بلا من ادخل يطلعوني سحل.
مُلهم :- سيدي انزعي البسطال.
أنت تقرأ
ارام
Mystery / Thrillerأنا نَخْلُ الجنوبِ الصعبُ هُزِّي الجذعَ واكتشفي. ________________ انا بنت جنوبك ولترى؟ هز عقلك وانتضرني..
