ارام

Part 17

وَعدتكِ أن لا أُحبك
ثُمَّ..
أمامَ القرارِ الكبيرِ جبُنت
وَعدتكِ أن لا أعودَ
وَعدت..
وأن لا أموتَ إشتياقاً
وَ مت...
وَعدتكِ أن لا أكون ضعيفاً
وكُنت..
___________________________________
اِرامَ _

صداع صـار براسي قوي ما اشوف شي كمت رجلية ما تكلي امشينا تكلي اوكعي لا تروحين
الصياح المننن هذا شضام لگلبي بعد هالزمن؟

بدلت ملابسي بسرعة شعري ضل مفتوح مبلل فتحت باب الحمام امشي واوكع بالكاع اريد بس انزل البايـة ماكـدر لطم وصياح والبنات يبجن
الصوت مو من المطبخ الصوت صادر من غرفة بيبيتـي
كعدت على اول بايـة فوك حاطه ايدي على اذاني احاول اخفي الصوت احاول ابعد هذا التفكير عني اكرص بأذاني واني سادتهن متمنيه يطلع حلم اريد اكون بحلم غمضت عيوني قوي
هوة كفخ وجهي وبنفس الوقت نزلت دمعة مني ما اعرف الدمعة عليمن راح تكون والدموع الي وراها يجرن.

" شمعتي وشمعة البيت. "
" طفن وبحيرة ضليت. "
" العيد شيلكة بيه؟. "
" سواد الهم عليه. "
" والجرح مايقبل يهيد.... "

صوت امي وبكاء البنات شلت رجلي بأيدي واحرك بيها مو كادرة اكوم لزمت المحجر وسحلت روحي وكعت كدام غرفه بيبيتي واني اشوف امي تلطم يمها سادة وجهه عني
زحفت رايحة روحي عايفة البنات بالمطبخ
جزيت امي واني اشوف بيبيتي فاتحة عيونها كل ضني جانت تشاقة وياي اكيد تشاقة متعوفني بدون اهل
رحت جيتت على صدرها نايمة عليه فاتحة عيوني بلكت بيها نبض شوية امي تصيح صحت بصوت عالي

اِرامَ :- اشششششششش خل نسمع هي عايشة ما ماتت اسكتي.

راحت امي تركض للموبايل واني احاول اسمع نبض صرت مثل المخبلـة اهز بيها متكعد فاتحة عيونها حيل دفنت راسي بين رقبتها اشم بيها ريحة اهلي الي ما اعرفهم بس حسيت بحنية يمها سديت الباب وصحت على امي

اِرامَ :- اش راح ننام لا تطلعون صوت بيبي نعسانه.

ركعت الباب سحبت الغطى مالتها مديت أيدها مبتسمة الها نمت بحضنها وغطيت روحي وهي ساكنه بدون اي حركة حطيت ايدها الثانية على خدي شابكتها

اِرامَ :- بيبي انتِ زعلتي مني؟

بست خدها وحجيت

اِرامَ :- صح حقج تزعلين بس يعني فرق العمر بين سُلطان وغزل هواي.

ما ترد عليه واني مستمرة احجي ورجليه ترجف من المنظر الي اني بي غمضت عيني بحضنها تذكرت ذكرياتي وياها حجيت

اِرامَ :- بيبي اني منو الي اذا رحتي كلهم يزعلوني يكلولي انتِ السبب بكلشي اني كلت اجمعهم سوا ونروح اني وياج وريحان ببيت نكعد سوا وانتِ تسوين الي كعك والعصرية نكعد نشرب شاي زين مسلسلاتج ما كملتيهن مو انتِ تـحبيهن امممممم.