ترس روحي الضَباب وبيَنت وياك
كلي بروحك أمشي وجَرحي ماشفته
أنا بـَ النسمَه أعثر وأنتَ قيس الحال
مُو جدمي وَراك خيالي ماشلته
وأجي بواهس عِذر وَحروفي مَن تطيح
وأتبده على وَجهك مستحَه وَسكته
وأنخل غير وَجهك واليطيح تراب
وأنكتهم وأهزهُم بَس تضل أنتَ
رمح فركَاك أجاني مسابك ويَ الريح
ماقصرت تسلم بـَ النفس جبته
بَس المحترك يفهم حَجي الدُخان
وَيعرف حرونخ٩رته ويفهم سَبب علته
مثل عاشك بـَ غربه ومَره وَكت غروب
يفرفح مَن يمر طاري الهوه يموته
أنا بخصر السنابل جَم حلم ضميت
وطعم شبكَت المنجل من رحت ضكته
__________________________________
اِرامَ _
يوم جديد بحياة جديدة مرت شهرين ع وفاة بيبيتي بس لحد الان هي بعقلي
التزمت بقراءة القرآن وهاي ثاني مرة اختمها لروحها
حسيـت ايد على خشمي حكيت خشمي وكملت نومتي رجعت الايد انحطت فتحت عيوني معصبة عبالي ذبانة شفتها روان كاشخة على اخر حبة
وريحان تفتر بالغرفة حجت روان وهي ترجع ليورا تتلوى
روان :- عليچ الله حلوة لو لا؟
اِرامَ :- كشخة الدوام اليوم مبالغ بيها زيادة عن اللزوم؟
روان :- مـو اليوم اروح ويا مُلهمي نشتري غرفة.
فركت عيوني وكعدت حجيت واني اباوع على ريحان.
اِرامَ :- مُلهمج وحبچكيات وكذا.
روان :- اهو ارام اسكتي.
خلت وطلعت كمت بعدني نعسانة بس ريحان مبينه جوعانة بس تكسر بالغراض شلتها ونزلت
تعودت ع امي وحدها بالغرفة نسيت هي متزوجة فتحت الباب جان الكه ابوية حاصرها ع الحايط نزوا ع فتحة الباب فتحت عيوني ع وسعهن وحجيت
اِرامَ :- اوووو ماييي قاددد.
طلعت بسرعة للمطبخ ايدي على حلكي شفت عيسى كاعد يوكل بسملة وهي بحضنه
اِرامَ :- أخوية الحنين أخوية الغالي سندي وروحي.
عيسى :- عندي دوام انتِ وكلي بنتج.
اِرامَ :- ما تاكل عندي بس عندك تكول عمو.
عيسى :- شو بس انتِ تسمعيها من تكول عمو؟
اِرامَ :- اممم يلا خوش زين أنتَ شبيك مستعجل.
عيسى :- مو اريد ما اتأخر.
باوعت عليه شاكة عندة سالفة.
طلعوا ابوية وامي من الغرفة خازريني حطيت ايدي ع حلكي وضحكت صاح ابوية نززني
مُرتجى :- ما تعرفين تدكين الباب ولج.
اِرامَ :- ترا المرأة لابسة تريد تروح وانت حاصرها صدك جذب.
غص عيسى باللگمـة اجة ابوية جرني من اذاني
مُرتجى :- تعيديها بعد؟
أنت تقرأ
ارام
غموض / إثارةأنا نَخْلُ الجنوبِ الصعبُ هُزِّي الجذعَ واكتشفي. ________________ انا بنت جنوبك ولترى؟ هز عقلك وانتضرني..
