ماعندي حمل يطشر ابريح
اچودر وين ماذبتني دنياي
يم الناس اضحك ضحك خالين
بس وحدي من ادمع انگلب ناي
___________________________________
الوقت 6:40 صباحًا
اِرامَ :- هوش هوش يلا كوموا روان روان يلا كومي وروان روان يلا كومي.
روان :- شلطشتي بروان روحي لعيسى هسه شوية واكعد.
اِرامَ :- دكومي لج يلا يلا.
روان _
كمت والنعاس بعيني هاي متخلي احد يفرح بالنومة
روان :- متكليلي شعندج كاعدة من الصبح صدك تحجين ترا بعد وقت خل انام خمس دقايق حبابة
بوزت بلكت تقبل
اِرامَ :- من ال1 ل 3 اذا ما كمتي غير اجيب دبة مي واغركج
هاي تسويها صدك كمت طايرة دخلت الحمام ارتجيت ع الدوش حصرتني البجية
اِرامَ :- عيسى عيسى كوم يلا عسعس كوم.
عيسى :- خوية عليج الكعبة من تكملين ريوك كعديني.
اِرامَ:- كوم سويلنا ريوك.
عيسى :- اشتعلت صفحتك عيسى عمي روحي لذيج تسوي ما اكوم.
اِرامَ :- اروح اكعد امي وابوية اذا ما لكيتك كاعد غير اجيب دبة مي واغركك.
روان _
طلعت من الحمام لكيتها كدامي ضربتني ع راسي وكالت روحي كعديهَم وسويلنا ريوك
هزيت ايدي ورحت كعدتهم وسويت ريوك اجتمعنا كلنا ع السفرة
عيسى:- يابة سوي حل لبنتك ترا مو سالفة هاي.
مُرتجى :- لازم تكعدون من وقت حتى تصحصحون.
اِرامَ :- شيصحصح الليل كلة يبسبس ذاك اليوم فتحت موبايله لكيت وحده مسميته ابو جود.
روان :- ايع صدك تسمي ابنك جود.
عيسى :- يابة والله جذابة انت تدري الجذب يمشي بدمها.
انوار :- اِرامَ ليش متاكلين امي ليش تتعبيني.
مُرتجى:- هي خل ما تاكل وكليلي.
روان :- وهاي مكعدتني من الصبح علمود اطكلج بيضة تالي عيسى ياكلها من اهمداني اذا كمت بعد.
ضحكو كلهم كملنا اكل وكل واحد بدل يروح لدوامة
روان :- حبابة خل اروح وياج بالسيارة باليز
اِرامَ :- بابة لو تمرغلين روحج ما اخذج تترسين السيارة من هذا المكياج مدري شسمة لو عطرج اليخنك.
روان :- هو مو صوجج خل اروح ويا ابوية.
درت وجهي زعلانة لزمتني من ورا وحضنتني
اِرامَ :- لا بارك الله بيه اذا زعلتج يلا ركض للسيارة.
بستها ومسحت البوسة ك العادة وانطلقنا وصلت للمستشفى
أنت تقرأ
ارام
غموض / إثارةأنا نَخْلُ الجنوبِ الصعبُ هُزِّي الجذعَ واكتشفي. ________________ انا بنت جنوبك ولترى؟ هز عقلك وانتضرني..
