تعال احچيلِي شيحَلها ؟
عيونك ما تحبنِي
الـ فَدوة اروحلهَا
آنه لخَاطرك
رَحت اعتذر مِن ناس
چانت لو تسَلم مَا اگوملهَا؟
___________________________________
روان _
كلمة طلعت مني چانت كفيلـة تغير مستقبل ارام
عيوني على ردة فعل لُقمـان واني اكله هاي بنتك شال عيونة يباوعلي وحجة
لُقمـان :- بـ بـ بتمن؟
روان :- بنتك أنتَ ابوهـا.
رجع ليورا وهي بحضنة لازمة ياختـة باوعلـها يباوع لعيونها بتفحص وهي تباوع للبيوت لان عاليات نومها على ايده وكعد بعتبـة الباب مالتنا ع الرصيف منطيني ضهرة ما كدرت اشوف شي بس ضهرة دنك لريحان يشم بيها اسمع صوت بكائـة وهو يشم بيها الموقف ما أكدر اوصـفة اني بنفسي كعدت يم الباب وبچيت ويا
ما تهمني ارام وكلامها بس هذا ابوها لازم يعرف لازم ترجع الحياة للُقمان وميقرب على شي حرام بعد ع الاقل توكف بنته بعينه ع الاقل يحاول ويا ارام وتسامحـة
لُقمـان :- يابوية يا بابا.
يبجي بسكوت وراسه بركبة بنته وهي تهلس بشعرة وتباوع للنجوم
روان :- لُقمـان لا تبجي.
ما يرد بس يجر حسرة أكثر موقف هزني من كالت بشكل متقطع
ريحان :- با،،، با.
لُقمـان :- اي بابا اي بوية.
بجيت حيل حاطة ايدي على وجهي
روان :- لُقمـان يلا روح لا تكعد ارام.
لُقمـان :- خليها تنام يمي بس هالليلة.
روان :- لا لُقمـان اعذرني والله ارام تموتني.
لُقمـان :- معليج بيها انه احجي وياها.
روان :- ما أكدر والله.
دنك شمها حيل وباسها انطاني ياها وحجة
لُقمـان :- لا تغفلين عنها روان بنيتي هاي.
لزم الباب راد يسدة رجع اتذكر شي وحجة
لُقمـان :- انطيني رقمج.
روان :- شتسوي بي؟
لُقمـان :- يمكن احنا عن جديد عرفنا اخوان اريد اطمن على ميحانة.
فتحت موبايلي وانطيته رقمي كتبه
سد الباب وراح حسيت بي كعد ع العتبة لان صوت جداحة اشتغل
روان :- واجتمعت ريحانة بلُقمان بعد نجمع ميحانة بلُقمان.
بستها وضليت افتر اهز بيها بدت تنعس الا ان نامت بديت اشتغل بتفكيري
ليش ما نجمع ارام بلُقمان مبين هو حابها حيل بس هي متحبـة
ولو تعرف اني كلت للُقمان هاي بنتك تذبحني
رحت اخذتها بصف بسملـة ورجعت لغرفتي دخلت ع الواتساب على حساب مُلهم مترددة اوخر الحضر لو لا؟
زين هو راح يخطبني يعني ماكو شي حرام إذا وخرته
دست الغاء الحضر والله كريم
دزيت نقطة وقفلت الموبايل بسرعة افكر واني اهز برجلي معقولة نايم؟ رجعت فتحت موبايلي اتصفـح ع الفيس ردت احط موبايلي ع المنبه واندزت رسالة عبالي من مُلهم بس طلع لُقمـان
أنت تقرأ
ارام
Mystery / Thrillerأنا نَخْلُ الجنوبِ الصعبُ هُزِّي الجذعَ واكتشفي. ________________ انا بنت جنوبك ولترى؟ هز عقلك وانتضرني..
