ولقد ذكرتك والغيـاب كأنـهُ
سهـم يُمزق اضلع المتشـاقِ
ولـربمـا ارجُو اللِقاء ولـم يكـن
الا البكـاء وكثـرة الأشواقِ
اقبـل وزرنـي في المنـام فإنما
يحتاجُ قلبي رؤية الاشراقِ
___________________________________
روان _
واحنا كاعدين ناكل عيسى حاط بسمـلة بحضنـة يوكلها نحاول نغير جو لأمـي فجأة صوت قوي بالباب صار طفرنا من مكاننا رجليه ترجف گلبي يدك بسرعة امي ركضت قبلنـا عيسى انطاني بسمـلة وراح يفتح باب المطبخ صوت عالييي حيل كدام بابنا صوت شباب يصيحون عيسى يريد يطلع وامي لازمه من ايده تجر بي جوا
انوار :- عيسى بداعتي ادخل اني اطلع.
عيسى :- ادخلي جوا انتِ والبنات وسدي الباب.
انوار :- والقرآن ما اخليك اني وياك نطلع.
سمت بالرحمن امي وكالت ادخلي ما صبرت شايلة بسمله وهي صافنة سديت اذانـها من الصـوت العالي
ولاء :- اطلعيييي وينها طلعها.
طلع عيسى لكينا لُقمـان والبقية واكفين بالباب وذولة اول مرة اشوفهم يصيحون
باسل :- خل تطلع نقيبكم طلعها.
ضل عيسى يحجي ويا يريد يفهم شيردون دفعوا عيسى طلعت امي لزمته وهم يردون يهجمون فجأة انجروا اثنينهم واحد لازمة لُقمـان والثاني سُلطان دفعوهم ووكعو كام عيسى دفع لُقمـان
عيسى :- لا تدخل.
لُقمـان :- نقيبهم؟ منو قصدكم؟
باسل :- ارام يعني منو طلعوها ضامه نفسها هنا مو اطلعي تسوين سوايتج بالختلات مووو.
راح عيسى لزمه
عيسى :- شتقصدد؟ ارام شبيها وينها؟
لزمة سُلطان
سُلطان :- خل نسمع شيمضرط أكف.
ولاء :- ندري بيكم ضاميها انتوا الي دزيتوها لبيت عمي طلعوهااا دم عمييي ما يروح هدر صبرنا عليها من كتلت بيبيتي.
لزم لُقمـان ولاء حيل يصيح بوجهه صاير أعصاب
لُقمـان :- احجييي بيت عمك ويننن؟
ولاء :- شيفيددد ولكم بنتكم كلهم كاتلتهم ندري بيها هيي حاطه السالفة بخالها عبالها احنا ما نفتهمممم طلعوها يلااااا.
ضربه بوكس وچيت على باسل دفعه عيسى
عيسى :- لا تخلينييي اسوي شي ما يعجبك.
رجع عيسى حط سلاحة على رأس باسل
عيسى :- بيت عمكم وين وشوكت صارت السالفة؟ احجي لا افجر راسك.
باسل :- بصلاح الدين والسالفة صارت البارحة.
بمـجرد ما كال الجملة هاي صاحت امي
أنت تقرأ
ارام
Mystery / Thrillerأنا نَخْلُ الجنوبِ الصعبُ هُزِّي الجذعَ واكتشفي. ________________ انا بنت جنوبك ولترى؟ هز عقلك وانتضرني..
