ارام

الجزء الثاني (مـشاهد)

هـل هززتي جُذع النخل واكتشفتي من اكون؟
نعم هززت ذلك الجذع، وهل هززت عقلك؟
كَلا!
اذًا هـُز عقـلك وانتظرني.
::::::::::::::::::::::::::::::::::::::::::::::::::::::
انوار

انوار :- هذا الردته صار سنتين وهسه صار وقته انطقهن هنه 3 كلمات انطقهن واعتقني.

مُرتجى :- لا لا تجبريني لا تفرقيني عن ولدي.

انوار :- ما مفرقتك تريد تعال شوفهم بس شكلك ماريد اشوفه.

عيني عليه أريدة ينطق باوع لروان الي شايله بسـملة بأيدها وهي تباوع لمُرتجى وتكول بابا

مُرتجى :- انتِ ط..

صاح عيسى

عيسى:- أكف قبل لا تحجيها تذكر اني وروان وبسملة مستحيل نسامحك بيوم.

حجت روان وهي تبجي

روان :- بابا مسامحتك اني بس لا تطلك ماما باوع لبسملة شنو ذنبها؟

صحت بصوت

انوار :- روااااااان.

باوع الي وحجة

مُرتجى :- لا تجبريني.

عيسى :- طلكها وروح لابنك.

مُرتجى :- انتِ طالك طالك طالك.

*******************************
مُـلهم

كاعد يم عيسى الي عينه ع باب العقيد مُرتجى يهز برجلة ينتظر فتحـه الباب
طلع العقيد مُرتجى والعميد سـرحان اجة بشير لازم ايد لُقمـان والبقية وراهم حجة

سـرحان :- نشكرك على تعاونك ويانا لُقمـان.

مُرتجى :- سيدي اسمحلي.

سـرحان :- تفضل.

مُرتجى :- اسمحلي اكفلـه الك اذا سوا غلط اني اجيبه لـهنا بأيدي.

باوعت ع لُقمـان الي عيونه تدور بكل ارجاء المكان

هز راسه العميد باوع ع لُقمـان وطلع راح عيسى ناحيته وحجة

عيسى :- ما تـخلص مني حتى لو جبت للدولة ذهب.

لُقمـان :- نتواجه.

اجة العقيد عينه عليهم حجة عيسى.

عيسى :- كول لابنك الافندي.

قاطعه لُقمـان وهو يصيح

لُقمـان :- لا تكول ابنك اني مو ابننننة هذا ابوكككك الككك.

عيسى :- ابوك أنتَ.

باوع ع العقيد وحجة

عيسى :- اني ابوية مات.

حجة العقيد

مُرتجى :- انتوا اخوان ردتو لو ما ردتو.

عيسى :- لا تكوووول اخوان هذا مو أخوية اسأله وين وشسوا ببنتك الي صار سنتين مسامع صوتهااااااا.

لزمت عيسى الي كام يرجف وهو يصيح ع العقيد ابتعد لُقمـان عن بشير مبعد ايده فاك عيونه وهو يباوع للعقيد مُرتجى

لُقمـان :- صار... صار سنتين تجذب عليه وتكولللللللللللللللل ميحانة تداوم وياكم وعايشة حياتها؟؟

مُرتجى :- اششش اشششش كافي.

عيسى :- هاك استلم نكر وكام يمثل لككك اكص ايدي اذا مو انت مسوي بيها شييي.

ما احس الا لُقمـان هجم ع عيسى....

*******************************
اِرامَ

غزل :- اهدي اهدي هسه يجي أخوية.

اِرامَ :- لج شنو اهدي الوجع كتلنننني عليج الله خابري امج خل تجي.

غزل :- والله هسه بالطريق وابوية بالطريق  وهذا أخوية راح يجيب امي.

اِرامَ :- ما أكدر والله بعد انتهيتتتت ساعديني يارب ساعدني يا الله.....

بارعت ع العميد سـرحان اجة يركض ناحيتي شافته غزل وحجت

غزل :- بابا راح تجيب.... امي وين؟

سـرحان :- هدي بنتي لا تخافين الله وياج... هسه تجي وين الدكتورة؟

غزل :- راحت تحضر غرفة العمليات.

ثواني واحس تعبت حيل فرحت من شفت ام غزل تركض بأتجاهي حنيتها وحبها وخوفها نفس امي انوار...

ام غزل :- ها ها تحملي بنتي.

اِرامَ :- راح اموت انطيني ايدج.

اخذت ايدها اعصر بيها وهي متحملتني الا ان اجت الدكتورة ضربتني ابرة ما حسيت بشي بعد...

كعدت ع وجع قوي فتحت عيني ضوة خفيف فوك عيني ريحة ديتول فريت راسي لكيت ام غزل كاعدة يمي تدعي بأوعتلي وصلت ع النبي حطيت ايدي ع بطني فارغة يمة بنتي

اِرامَ :- خالة بنتي اريد اشوفها؟
_________________________________

نگدر نكول هذا الغلاف يوصف الجزء الثاني من القصة
مثل ما وعدتكم الجزء الثاني يكون أقوى واحلى من الاول اما بخصوص موعد التنزيل فَ الموعد يكون

2024/9/15

ودلال الكم كل يوم ينزل بارتين الجزء ما يطول 20 بارت او اكثر حسب الأحداث الي أريدة منكم حبايب قلبي تصوتون وتحاولون تنشرون القصة
وأخير طلب لا تنسون الدعاء الي ولكُل الطلاب بالنجاح
دُمتم في رعايه الله وحفـضهُ.
Instagram
s2__p2