شي*بقلمي ايلاف ابراهيم
"رجعت من الجامعه كلش تعبانه لگيت ماما مجهزه الغده و تنتظرني سلمت عليها و بوستها
ازهار: بنيتي حبيبتي ليش هيج وجهج اصفر خوما بيج شي؟ احد مضوجج؟
شهد: لا ماما حبيبتي مابيه شي بس شويه تعبانه اريد اتغده و بعدها انام
ازهار: يلا ثواني واجيبلج الغده
_تغديت ورحت نمت لأن جنت كلش تعبانه بسبب طول المحاضرات
(ساعه بـ8:30)
_ رحت للمطبخ حتى اساعد ماما بالعشه و شفت اخوي اسامه سلمت عليه و بعدها جهزت العشه اني وماما و بعدها صعدت لغرفه ليليان حتى اناديها تتعشه و فتحت الباب مال الغرفه و لگيتها تبجي و تشاهگ تقربت عليها و حضنتها گلتلها حبيبتي ليش تبجين مجاوبت شفت بيده صوره بابا جانت كلش متعلقه بيه وتشهك وتبجي بحركه اخذت الصوره منه وبعيني الدمعه
ليليان: مشتاقه لبابا كلش ما اگدر اتحمل فراگه كل صديقاتي عدهن اب ويطلعن وياه ويتونسن الا اني دائماً وحدي
شهد: حبيبتي لاتحجين هيج الحمدلله على كل حال الله عوضنه بماما صارت النه ام واب بنفس الوقت يلا هسه غسلي و جهج حتى نتعشه ماما و اسامه ينتظرونه
ليليان : تمام شهودتي
_ نزلنه اني و ليليان حتى نتعشه
«بعد العشه»
_ بعد العشه تجمعنه و ماما رادت تحجي ويانه بموضوع مهم و تجمعنه بالاستقبال
اسامه: هااا يوم خوما اكو شي؟
ازهار: لا يابه ماكو شي بس خابرني عمك يريد نسكن هناك يمهم لان امان اكثر
اسامه: لا يوم ما نروح هنا استقرينه و ماكو احسن من الرمادي
ازهار: يابه و الله عمك ما يقبل وهل مره قافل بعد المشكله الي صارت بينك و بين صديقك و سمع صارت بالاسلحه كلش خاف عليكم ف يريد نسكن يمهم و اني هم خايفه عليكم خاف يصير شي بيك او بخواتك
اسامه: يووم لاتخافين انتي انعلللل والديييه الي يصل يم عتبت الباب
ازهار: وليدي فدوه لعينك مااريد مشاكل اني هم اريد اروح لبغداد اخواتي واخواني كلهم بغداد
شهد: خلص اسامه حبيبي مدام ماما تريد تروح لبغداد نمشي ورى كلامه
اسامه: اهووو لا تلحن
ازهار: وليدي فدوه لعينك اذا تحبني لا تعارض
_ اسامه وافق لان كلش يحب ماما و ما يرفضلها طلب
ازهار: جهزو اغراضكم ان شاء الله بعد ثلاثه ايام و نروح نسكن بغداد
شهد.
جنت كلش متفاجئه من قرار ماما بس بنفس الوقت ما اگدر اعارض قراره ضجت كلش وبجيت بحرگه معقوله اعوف البيت الي عشت بيه طفولتي معقوله نعوف البيت الي بيه ذكرياتنه الحلوه ويه بابا رحت لغرفتي وابجي وعقلي استرجع الذكريات الجميله مسحت دموعي وكفت كدام المرايه باوعت لنفسي وكلت لازم اصير قويه رحت للحمام سبحت ورجعت نمت
ليليان. شهد راحت لغرفته و اني كلش حزنت لان راح نروح و نعوف البيت الي بيه ريحه بابا بس بنفس الوقت فرحت لان راح اشوف بنت خالي وتين
_ مدري شلون عشنه الثلاثه ايام و احنى حزينين و نجمع اغراضنه و رحنه اخذنه اوراق النقل من الجامعه و بعدها رجعنه للبيت و اخويه اجهه صعد الاغراض و چانت اصعب لحظات عشناها و اباوع على ماما عيونها متروسه دمع اذكرت ايامها ويه بابا چانوا كلش يحبون بعض
شهد: رحت افتر بلبيت وعيوني متروسه دموع واودع كل زوايه بهاذه البيت الي عشت بيه اجمل ايام عمري ودعت ذكريات بابا اخذت صورته وطلعت
_ صعدنه بالسياره و احنى حزينين و عيونه متروسه دموع
« وصلنا بغداد)
يتبع……
أنت تقرأ
احببتكِ بجنون
General Fiction"" ما رأيك ان نلتقي الليلة خلف أسوار المدينة تُهديني ورده و اهديكَ قلبي ""
