احببتكِ بجنون

Bart 7

حبايب قلبي لاتنسون التصويت 🤍
_ وكال بصوت ناصي بعدج زعلانه
شهد: لاا مازعلانه على شنو ازعل بس عوفني ولاتقترب مني
_تقرب مني اكثر لزمني من ايدي وسحبني عليه وصارت عيني بعينه وكال بصوت عصبي
امير: ليششش هل گد تكرهيني شسويتلج اني اشو ليل ونهار اركض وراج مثل الچلب وانتِ مامعبرتني حبيني والله استاهلج اني
شهد: اميرر كافي ابعد ايدك عني  اني ما احبك ولا راح احبك هل شي طلعه من بالك مستحيل
_اخذني ولزكني على الحايط واتقرب مني حاولت ابعده عني بس فشلت هوه ضخم وماكدرت، تقرب مني وگال
امير: كلشي ما اريد من الدنيا بس اريد عيونج اريد ابقى هيج بقربج لا تبعديني عنج
_خفت من قربه الي وجمعت قوتي ودفعته امير خلص والله لحالك تعب روحك مستحيل هل شي
امير: انعلللل ابووووو حضييي ليش هيجج شنوو انتِ ما تحسين شنوووو اني حيوووان گدامج خوش يشهدد نتواجههه
_يصيح ويتوعد بعدها اتفاجئت اول مره اشوفه هيج اجت اروى وگالت شبيه امير هيج يحجي ويصيح
گتله لاا ماكو شي اجاه اتصال وعصب وحجه هيج بالموبايل گالت اوكِ حبي تعالي اكعدي خلي نشوفج گتله تمام رحنه اللاستقبال واني مصدومه من تصرفات امير الي كل يوم تزيد وكلت ياريت ماجايه لبيت عمو المهم گعدنه اني واروى وخاله نسرين جابت اروى نمنميات وكمنه ناكل ونضحك ونسولف بس اني اضحك وياهن مجامله شويه وترخصت منهن
شهد: يلا عيوناتي اني عندي امتحان اترخص منجن تصبحن على خير
اروى: وانتِ من اهله حبي
نسرين: وانتِ من اهله بنيتي
_رحت لغرفتي وغفلت الباب خفت لا الموقف ويه امير ينعاد كعدت اقرا فتره ساعه وراها اتصلت بماما من سمعت صوتهه حسيت بالامان
شهد: هلااا ماما شلونج اشتاقيتلج
ازهار: ههههه بنيتي مالحگتي تشتاقيلي ولج يمه البيت وحشه من دونج
شهد: حبيبتي والله ماردت اجي بس لح عليه عمو
ازهار: ماشي بنيتي ديري بالج على نفسح يلا روحي نامي تصبحين على خير
_سديت الاتصال من ماما وحسيت اترتاحيت من سمعت صوتها، عطشت نزلت للمطبخ اشرب مي وجان البيت ضلمه بيه اضائه خفيفه قريت ايات ونزلت قبل لا اصعد للغرفه حسيت بصوت بالحديقه كلش خفت وبقيت امشي بخطوات بطيئه بس صار عندي فضول لازم اشوف الصوت الي جاي من الحديقه مشيت ناحيه الشباك بخطوات بطيئه والخوف محاوطني واتلفت يمنى ويسرى تقربت للشباك وانصدمت من شفت امير مخلي يمه بطل مال خمر ويشرب بقيت مصدومه وخايفه معقوله وصلت بيه يسوي هيج ضليت صافنه ومحتاره شسوي اروح عليه واطببه لو اصعد لغرفتي خفت لا اروح عليه ويسوي بيه شي وهوه بدون وعيه قررت اصعد واعوفه شسويلهه صعدت على الدرج واسمع صوت احد يصيح بااسمي شهدد فتحت عيوني والخوف حاوطني ضليت متحنطه بمكاني وره شويه التفتت واشوف امير واگف بالباب ويباوع عليه عيونه حمر ومبتسم
خفت من شكله ورحت اركض لغرفتي وغفلت الباب وره شويه سمعت دك الباب هنا ضليت مصدومه وخايفه معقوله هذا امير حسيته وحش ولا يكول امير استجمعت قوتي وگلت
شهد: منووو الي بالباب
امير: انييي امير فتحي الباب
شهد: اميرر كافي روح خلص ما اريدك روحح
اميرر: شهد افتحي الباب لاانعل والديج افتحي الباب
شهد: امير احترم نفسك لا تغلط على اهلي وبعدين اني مااريد افتح الباب ولا اريد اشوفك
امير: والخلقج اذ مافتحتي الباب وضليتي تعاندين لكسر الباب وافوت افتحي احسلج
_هنا خفت وماكدرت ما افتح اذ مافتحت راح يكسر الباب وهذا مجنون يسويها المهم فتحت الباب دخل للغرفه
شهد: امير شوكت تبطل سوالفك هاي مو كافي تره مليت
امير: من تحبيني ابطل شلي بروحي اذ انتِ ماتحبيني
_تقرب مني واني خفت وادفع بيه بس ما اكدر هوه ضخم
شهد: امير حباب عوفني كافي يلا روح لغرفتك
امير: ما اروح اريد ابقى يمج خليني اشبع منج من شوفتج كافي حارمتني
_تقرب من وجهي رفع راسي باايديه وصارت عيني بعينه وكال
امير: امووت عليج والخلقج ما اكدر افكر بغيرج حبيني لو بس شويه موافق
_صارن عيونه على شفايفي دفعته بسرعه وگتله امير اطلع بره وربي اذ ماطلعت اتصل على اسامه هسه واخليه يجي عليه وبعد ماتشوفون خلقتي ابد
امير: انعلللل ابوووي لابووو الجابني ولجججج كافييي والله اذ ماقبلتي بل زين والله اشوفج نجوم الضهر تصبحين على خير يحلوو
_كعدت بالكاع واني عيوني مدمعه وافكر بكلامه من گال اخذج غصب ضليت صافنه ومحتاره شسوي گلت اگول لعمو سعد بس خاف النوب يتعصب اكثر وتزيد ردت فعله گمت لميت الكتب وطفيت الضوء وتمددت بفراشي واني الحيره ماليتني اخذتني النومه وماحسيت اله على صوت المنبه كمت بدلت وخليت مكياج خفيف وعطر ونزلت
شهد: صباح الخيررر ياقووم
الكل صباح النور والسرور
سعد: هلا بنيتي ان شاءلله مرتاحه يمنه
شهد: كلش مرتاحه عمو شكراً الك
اروى: الله شهل كشخه لبسج كلش حلو
شهد: عمري كلج ذوق
_كعدنه تريكنه وجان امير ساكت ومدنك راسه ماحجه شي
_اتصل عليه اسامه وكال اطلعي اني اجيت ودعتهم، اووف واخيراً راح اخلص طلعت بره انتضر وطلع امير ورايه وگف يمي وكال طبي جوه واكفين شباب گبالنه
شهد: ما اطبب
امير: شهد طبي
شهد: ما اطب بكيفييي ما دخلك
امير: شهد لاتعاندين وطبي احسلج شوفي شلون يباوعون عليج
شهد: ما اطب لا تلح
_استغفر وجان كلش ضايج اجه اخويه وصعدت وياه بالسياره سلمت عليه وعلى ليليان حرك ومشهه للجامعه

قمر *
قمر كعدت الصبح على صوت المنبهه كمت سبحت وبدلت وتعطرت ونزلت اتريك
قمر: صباح الخير للجميع هاا لككك حيدر شلونك
حيدر: هايي عليمن ولجج طالع لسانج يرادله گص ادبسزز
شهم: اشششش تسمموا
قمر:  شهممم هاي عليه
_غمزلي تك عين يعني مو عليج، ضحكت وكملت اكل
قمر: ماما الجمعه راح اعرفج على صديقتي
شهم: منو شهد
قمر: شنو ما عندي صديقات بس شهد اشو انتَ حاطها بالك شسالفه، وغمزتله
شهم: انجبييي قندرره ما حاط بالي بس شفتج وياها يوميه وگلت اكيد شهد
قمر: دباع شلون لزگ اسم البنيه بحلگه كل شويه ويكول اسمها
_غمز وضحك وكال عسسسسل
حيدر: والله صار عندي فضول اشوفها شو شوفولي ياها
شهم: شتشوف ابن النعااال شلون صلافه هوه اني وبين يوم ويوم اشوفها
قمر: ماما يجوز راح اعزمهاا هيه وامهه على بيتنه هم تتعرفين انتِ على امه وعليها
شهم: وانيي
فاطمه: انتَ شنو
شهم: هاا قصدي هاي الاجازه مالتي ما اريد هوسه بالبيت
قمر: شهممم والله مو مرتاحتلك
شهم:  مو اكوللكم حضي كوو*** محد يصدگ بنت النعال شمسوي
قمر لا ابد ما مسوي شي وانتَ اكلتهه بنضراتك من اجيت عليه للجامعه توصلني
شهم: رب الحلو تجبر الواحد يباوع عليها شسوي مو بيدي
_ضحكت على كلامه من يحجي بلهفه خلصت اجه الخط ورحت وياه وصلت للجامعه ولكيت شهد واصله قبلي وتنتضر بيه بوستها وبعدها دخلنه الامتحان جان كلش صعب بس الحمدلله جاوبنه وبعدها طلعنه وعزمتها هيه وامه على بيتنه وكالت اكول لماما وارجعلج الخبر كتلها تمام نزلنه للكافتريه نجيب قهوه تفاجئت

يتبع……