احببتكِ بجنون

Bart 3

يتبع ......
" لا تنسوا التصويت حبايبي" 🤍

_ گتلها ماما راح اروح انام نعسانه تصبحين على خير رحت لغرفتي واني افكر بكلام ماما وخفت لا احد يلاحظ مثل ملاحظت ماما گلت باجر احذره و اگله هذا تصرفك بعد ما تعيدهه حضرت ملابسي لأن باجر اروح للجامعه اسجل بيها وشي اكيد لازم اطلع حلوه طلعت بنطرون وياه قميص بس جان لبسي عريض وقتت المنبه ونمت وماحسيت بس على صوت ماما
ازهار: كومي بنيتي راح تتأخرين على الجامعه
شهد: صباح الخير ماما حبيبتي

_بوستها وكمت بنشاط وطبيت سبحت وطلعت نشفت شعري ولبست وحطيت حمره وكحل ومسكارا ومورد خدود وجريت العطر وتعطرت وطلعت
صباح الخير ياقووم

_الكل صباح النور بصوت واحد
عمو سعد: يابه هذا شلون صباح حلو على وجهه بنيتي الجميله
شهد: يابه عندي عم امووت عليه شلون عم صاگ

_الكل ضحك على كلامي وكمت للمطبخ اساعدهم اجه ورايه امير باوعلي وضحك
امير: يمهه بعمري كله ماشفت هيج خلقه حلوه
شهد: امير رجائاً احترم نفسك تره وربي اذ بقت هيج تصرفاتك، بعدني ما كملت كلامي وجرني من ايدي على صدره وصارن عيونه على بعض وكال
امير: ليش هيج تعاندين بيه مو خلص گلبي كافييي تسوين بيه هيج مو طفل كدامج

_دفعته وگلت بنتر حشه الجاهل عنك وما يصير الي بالك لو تموت ابتعد عني لا تتصرف هيج بعد ودفعته وخزرته، ورحت اخذت الصمون والاجبان وكعدت وياهم اتريك ولا همني وهو ظل يخوزر بيه وعيونه حمر من العصبيه، گمت من الريوگ بوست ماما ورحت فرشت اسناني و بعدها اسامه اخذني اني وليليان للجامعه على مود ننقل للجامعه الجديده، وصلنه للجامعه مالتي و قدمت النقل و انقبلت و بعدها رحنه لجامعه ليليان و هم قدمنه النقل و انقبلت گالوا النه باجر نباشر بالدوام، صعدنه بالسياره شفت ليليان ضايجه و عرفت ان هي ضايجه على صديقاتها، سئلتها شبيج و تفاجئت عيونها مدمعه و تبچي، گالت تذكرت ايامي بالسادس من چنت ويه صديقاتي كلش فرحانه و هسه اني مرحله اولى (طب اسنان) ما مصدگه ان اني صرت بالجامعه

شهد: لا حبيبتي لا تحجين هيج ان شاء الله تحققين حلمج و تصيرين احسن دكتوره، گلت لاسامه شغل اغنيه لدكتورتنه الحلوه، اسامه باوع على ليليان و ضحك و گال مو تدلل الحلوه، ليليان ضحكت و مسحت دموعها، ضحكت على ضحكه ليليان و بعدها وصلنه للبيت، اجتي ماما مجهزه الاغراض حتى نروح لبيتنه الجديد، فرحت كلش راح اخلص من امير لزگهه، اجو بيت عمي يودعونه،
عمي سعد: ليش تروحون والله تعودنه عليكم
شهد: عمو مشكورين ما قصرتوا بس لازم نستقر
عمي سعد: بنيتي انتِ ابقي يمنه تعودت اشوفج يوميه
شهد: عويناتي انتَ يوميه تلگيني بوجهك و داعتك، ضحكوا، اجا امير و كلش زعلان و معصب و توسل بماما حتى نبقى يمهم، ماما گالت لا يابه ما قصرتوا يوم زواجك و نفرح بيك، امير گال بهمس
امير: غير لو تقبل نعلت والديه بهل العناد
_ طنشت و عفته و رحت للسياره، اجا ورانه شال الجنط ويه ماما، صعدت بسياره و هو يباوع عليه بحزن و ضوجهه، ضحكت بمياعه و باوعت لوجهه بمكر واشرت بأيدي بمعنى باي هوه شافني هيج تخبل وگوه لازم نفسه، صعدت ليليان وماما ويايه وصعد اسامه، ومشه مسافه قريبه وصلنه البيت شفنه البيت كلش حلو ومرتب صح مو كبير كلش بس على گدنه وحبيت الحديقه كلش فرحت وحسيت براحه كعدت شويه وصاحت عليه ماما، شهدددد يلا ولج هواي شغل شنو منتظره يلا بلشن
شهد: ماما منتظرينج تكملينه بدالنه
ازهار: يانذله شلون ترضين امج تشتغل وصاحت بصوت مزيف ممزوج بضحكه وكالت يلاااا بسررعه
_كمنه اني وليليان وذبينه ملابسنه ولبسنه تراكات وبلشنه بالتنضيف وطلعنه البيت يلمع، خلصنه تنظيف البيت و كلش تعبنه، طلع اسامه جاب النه اكل من بره، مديت السفره رحت للمطبخ اجهز اگلاصات العصير، اجتي ليليان ساعدتني
ليليان: اسامه ضايج وماطايق الكعده اهنا
شهد: يتعود
ليليان: اتمنى والصراحه مجنت اتواقع احب البيت هل كد احسه مريح
شهد: اني هم والله كلش حبيته واكثر شي الحديقه متت بيه
ليليان: اوووي ماتت بيه

_ضحكت وضربته خفيف ورحنه جهزنه السفره وجان اسامه جايب كباب ومقبلات اكلنه چنه ميتين جوع، خلصنه اكل و بعدها ليليان جهزت الچاي، شربنه و خلصنه، طبيت سبحت و بعدها خلصت و طلعت ورحت نمت چنت كلش تعبانه من التنظيف، خليت راسي على المخده و بسرعه غفيت و نمت

«ساعه9:30»
_ صحيت من النوم و رحت لغرفه ماما فتحت الباب و لگيتها نايمه ظاهر كلش تعبت، اسامه چان طالع و رحت لغرفه ليليان لگيتها تخابر بصديقاتها گلت ما ازعجها و سديت الباب و طلعت، رحت للمطبخ سويت عشه لنفسي گعدت و اكلت چنت كلش جوعانه، اخذت نمنميات ورحت اشاهد مسلسلي، سمعت صوت شي و گع بالگاع خفت و ظليت جامده بمكاني
صحت ليلياااان هايييي انتيييي
ماكو صوت الضاهر مو ليليان
تذكررت ان اسامه مو بالبيت وصحت مره ثانيه اسامههه هذا انتَ وهم ماكو
الصراحه خفت بس غلبني فضولي وخلاني اگوم اشوف شنو الشي الوگع، گمت واني اتلفت يمنى ويسرى وخايفه
صحت منوووو هناااا ماكو صوت زاد خوفي خلص قررت لازم اطلع واشوف شكو فجأه وشفت امير بوجهي ضربته بقوه گتله شعندك هنا خوفتي
امير: اشتاقييت ما اكدر ما اتحمل اذ ما اشوف هاي العيون الحلو
شهد: سد حلگك يلا بدون حجي زايد واطلع برهه اسامه مو بالبيت لزمني و لزكني بصدره وكال بعصبيه
امير: ترهه صبري نفذ لاتخلينيييي اتصرف تصرررف مايعجبج
شهد: يمامااا شكد خفت منك درووح بابا رووح لو تبقى اخر شخص بالعالم مستحيل يرف گلبي عليك او يحبك لا تحاول
امير: والله مو بكيفج وراج وراج الا اخليج تحبيني
شهد: بااحلامك عويناتي يلاا توكل بعدني دا احجي ويه امير وسمعت صوت الباب ......

يتبع ......