حبايبي لاتنسون التصويت 🤍✨
تفاجئت بوجود شهم هذا شعنده هنا گتلها شهد تعالي وياي رفضت، گالت اخذي راحتج انتِ، اصريت عليها وگتلها الا تجي وياي وافقت ورحنه يم شهم جان يخابر ومعصب ما اعرف شبيه تقربت منه
قمر: هلاو شهمم شعندك هنا
_بقى يباوع عليه ويباوع على شهد وگال
شهم: هلا بوويه صار عندي شغله هنا واجيت اخلصهه
_حسيت مو هذا السبب بس غلست
قمر: احمم خل اعرفك على صديقتي
شهد صديقتي الغاليه
شهد هذا اخويه شهم
شهم: هلا عيوني اتشرفت بيج
شهد: الي الشرف شكراً
شهم يباوع عليها وما شال عينه منها وهيه خجلانه
شهد: عمري اني اترخص منج اخذي راحتج
_شهم غمزلي بمعنى لا تخليها تروح
قمر: لاا عيوني وين تعوفيني شو تعاي نگعد هنا هسه شهم يعزمنه على عصير
شهد: لا شكراً ما اريد راح اتأخر على المحاضره
قمر: حبابه لاتخجليني بس شويه
_كعدت وراح شهم جاب النه عصير برتقال سئلنه اذا نريد شي بعد گلنه لا احنه گعدنه وگعد شهم مقابل شهد وضل يباوع عليها ومن تجي عينه عليه يحاول يشتت نضراته وطول الگعده ضلوا ساكتين كلشي محجوا فجأه دگ تلفون شهد، وشهم صار عينه على الجهاز وجان مكتوب امير شهم من شاف الاسم عصب وجهه وعيونه صارن حمر يباوع للموبايل ويرجع يباوع الهه
شهد: شكرا اخي على العصير يلا قموره اني اترخص
قمر: تمام حبي روحي وهسه اجي وراج
شهد: تمام
_راحت شهد وضل شهم صافن ويباوع گام وضرب على الميز
شهم: منووووو هذا اميررر
قمر: والله مااعرف ماحاجيتلي عليه
شهم: لعد انتِ وين موقعج بالاعراب شلون صديقته وماحاجيتلج قمر اذ تعرفين كوولي
قمر: شهم شبيك والله ما اعرف شي وانتَ شدعوه هل گد حارگ دمك يجوز خطيبها او حبيبها شدخلنه احنه
شهم: اشششششش شتكووولين انتِ
قمر: شهم صووتك فضحتنه
شهم: هسه تروحين تعرفين منو امير
_گام كال انتضر اتصالج بسرعه
شهد *
شهد رحت ويه قمر وعرفتني على اخوها عزمنه على عصير وبعد اصرار قمر وافقت وجان طول الوقت يباوع عليه فجأة اتصل امير اخذت الموبايل وتشكرت منها واترخصت من قمر وطلعت اجاوب امير
شهد: خيرر
امير: هلااا حبيبي شلونج
شهد: چنت زينه بس من سمعت صوتك تغيرت الامور للعكس
امير: ههههه ليش ولج مو انتِ حبيبت روحي
شهد: امير سد حلگك احسلك وعوف هل سوالف والله ماطايقتك ابد
امير: راح اجي اخذج اني
شهد: اميررر كافي ديري بالك تجي ما اريد اشوفك يلا روح، وسديت التليفون بوجهه، رحت لقمر وكعدتنه
قمر: حبي عادي اسئلج سؤال
شهد: اي عمري اتفضلي
قمر: اكول حبي منو امير؟
شهد: تنهدت وگلت ابن عمي
قمر: العلاقه الي بينكم علاقه حب لو علاقه اخوه
شهد: اني اعتبره اخويه بس هوه يحبني ويريدني ابادله الشعور بس قمر والله ما اكدر مو بيدي مع العلم هوه ولد كلش حلو وكل بنيه تتمناه بس اني مدا اگدر اتقبله وهوه يلح عليه يريدني احبه ويگول اذ ماتوافقين بالزين اخذج بالغصب ومحتاره شسوي
قمر: اوووي هذا شبيه شنو هيه بكيفه خل يولي حبي عوفيه ولاديريله بال
شهد: اي حبي أصلاً ما يهمني وهسه خلينه نروح للمحاضره هاي اخر محاضره ونطلع
قمر: تمام گلبي يلا
_رحنه حضرنه المحاضره وجانت شويه صعبه المهم خلصت وطلعنه دگ تلفوني وجان اسامه
شهد: هلا اسوم تعال بسرعه طلعت اني
اسامه: هلا شوشه حبي راح اتأخر عليج شويه سيارتي عطلت ورحت اصلحها راح اخابر امير يجي عليج ويمر على ليليان
شهد: اسوم ماكو غير امير يعني اگول خاف عنده شغل ونزعجه
اسامه: حبيبتي ماكو هو بس اليوم وگلت لصديقي گال دبرت خط
_گلت اتحمل بس هل يوم ما عندي غير حل
، گتله تمام راح انتضره وسديت الجهاز وگفنه اني وقمر ننتضر فجأه اجهه اخو قمر شهم وكف السياره كبالنه وگال
شهم: اصعدن يلا خل اوصلجن بطريقي
شهد: لا اخي شكراً هسه يجي عليه
قمر: منو يجي عليج لكيتي خط
شهد: لا عمري اخويه سيارته عاطله وراح يجي عليه ابن عمي
قمر: قصدج امير
شهد: ايي
شهم: لاااا اصعدي اني اوصلج تأخر الوقت والعالم تباوع
قمر: الله عليج اصعدي ويانه خل نوصلج ونتونس اني وياج يلا حبابه
شهد: لا عمري شكراً ما اكدر والله هسه راح يجي عليه
شهم: اصعدددي
شهد: لااا
شهم: اني شگلتتت اصعدي لاتعاندين عوووفي ابن عمج هذا مو امه انتِ
شهد: اخي گتلك ما اروح يعني ما اروح
_نزل من السياره ومعصب وعروك رگبته ناطه لزمني من ايدي بقوه يريد يصعدني بالسياره وگال
شهم: انعللللللل ابووووو اخوووج من اگلج تصعدين يعني تصعدين لا تعانديييين، صعدني ورجع لمكانه
شهد: قمر حبابه كولي الاخوج اريدددد انزل
قمر متفاجاه من تصرف اخوها وتگله هذا الشي غلط مايصير وهو ساكت ماحجه شي واستمر يسوق ضليت ساكته وماحجيت شي وهوه كل شويه يباوع عليه من المرايه مال سياره وكل شويه يخزرني دگ تلفونه فتحهه وكال
شهم: هلااا گووو****شلونك بعد روحي فهد اكل نعاللل مالي خلگك ولييي امشي لا تلح رووح لا انعل ابووووك لابووو الجابك اي اي كلش افرفرش ضحك وبعدها سد الجهاز وگال
شهم: وين بيتك يحلووو
شهد: احجي عدل رجائاً
شهم: بعد روحي تررره مافشرت هسه شدعواج ما گلنه شي كولي وين بيتكم
، ماجاوبته
صاح بصوت فززني
بيتكممممم ويننننن لاتعاندييييين وگولي يحلوه، وباوع عليه وغمز
_يربي هذا شبيه ناقصني مجانين اني باوعت القمر وحجيت وياها على مكان بيتنه هوه ضحك وكال
شهم: نگرص احنه محد يحجي ويانه
_ضليت ساكته ومارديت دگ تلفوني باوعت وشفته امير رديت ومدري شلون توهمت وجنت فاتحه المايك
شهد: هلاو امير
امير: روحه لامير احب اسمي من حلگج، ضليت فاتحه عيوني واجتني لحضه ادراك جنت فاتحه مايك بسرعه تلافيت الامر وسديته
، شهم جان فاتح عيونه عليه ويباوع ومعصب وعروگ وجهه ناطه وگال
شهم: سديييي الاتصااال ما مجبورين نسمع صوت ابن عمج، وگال بهمس وبصوت ناصي بس اني سمعته
شهم: روحهه لامير مووو خوووش بصيطه
، دزيت رساله لامير وگتله اني اجيت ويه صديقتي بس يروح على ليليان
وصلنه للبيت وگلت لقمر
شهد: حبيبتي قموره شكراً الج
شهم: انيي وصلتج مو قمر بعد روحي ميخالف خانج التعبير عادي
شهد: لا ابددد ماخاني واعرف كلش زين اشكر منو
شهم: راح انجلط شهد ماتشكرت مني
شهد: لا تلفظ اسمي على لسانك
شهم: مو تدللين شهددددد
_طنشته وتشكرت من قموره گتلها تنزل وياي واصريت عليها، هم رفضت وگالت تعبانه غير مره، دخلت للبيت
قمر *
قمر جانت تصرفات شهم كلش غريبه اول مره يسوي هيج استحيت من شهد كلش وخجلت منها وره ماودعتها سئلت شهم
قمر : ليش سويت هيج شهم كلش استحيت من البنيه
شهم: قمر، انتِ منننن اتصلتييي مو گلتي بس هو يحبها وهيه ماوتحبه شو من تصل عليها تحجي وياه بصوت يذوب الگلب
قمر: شهم شبيك هوه هذا صوتها تحجي ويانه گلنه هيج
شهم: اوووف بنت الكلب حتى صوووتها حلوو خبلتني من اشوفها اتخبل وافقد اعصابي مو بيدي
قمر: احممم على كيفك راح تنجلط هههه
شهم: اي بعد روحي وانتَ متشمته بيه مووو
_ضحكت عليه اجاه اتصال وگال
يتبع.......
أنت تقرأ
احببتكِ بجنون
General Fiction"" ما رأيك ان نلتقي الليلة خلف أسوار المدينة تُهديني ورده و اهديكَ قلبي ""
