قمر *
اجاه اتصال گال
شهم: هااا لك كلببب وين انتَ اي اي فهد لا تلح مو گتلك شويه واجي راح ادزلك اسم شخص اريدك تبحبش عليه شويه يلا يلا افتهمنه امشي ولي
سد الاتصال، ماسئلته عن الشخص خاف يعصب گال راح اوصلج للبيت واروح عندي شغل اخلصها واجي
گتله تمام نزلت من السياره طبيت البيت سلمت على ماما
قمر: شلونج ماما اشتاقيتلج حبيبتي
فاطمه: هلا بنيتي شلون جانت المحاضرات سهله لو صعبه
قمر: والله ماما شويه صعبه بس الحمدلله گدرنه نسيطر على الماده
فاطمه: الحمدلله بنيتي يلا روحي غسلي وتعالي اكلي
_رحت غسلت واني افكر بشهد ومستحيه منها گلت اتصل عليها بس كلت خاف ازعجها المهم غسلت وكملت ونزلت
شهد *
شهد دخلت للبيت سلمت واجت ماما عليه سئلتني منو وصلني وليش ما انتضرت امير وبلشت بيه بالاسئله
شهد: ماما انتضرته شويه واصرت عليه قمر اصعد وياها واستحيت مگدرت ارفض ليليان وينها
ازهار: جابهه امير وهيه وامير گاعدين بالاستقبال ينتضرونج واسامه بعده يصلح بسيارته
_اويلي شلون ورطه هم راح اشوف امير واني كلش تعبانه وهم ضايجه من تصرفات شهم المهم دخلت الاستقبال وسلمت عليهم
ليليان: شهد شلونج ليش تأخرتي ويامن اجيتي
امير: شهد ويامن اجيتي اني مو اجيت عليج ليش ما انتضرتي
شهد: اهووو شبيكم اكلتوني وشربتوني لحضه خل اجاوبكم. اجيت ويه قمر صديقتي اصرت عليه واسامه گال سيارتي عاطله وما گدرت ارفض استحيت
امير: ومنو جابكم بله
شهد: شهممم اخوها
امير: شنوووو شلووون تجين ويه ولد غريب جاننن انتضرتي لو يمشي بدمج العنادددد
شهد: اميرررر احترررم نفسك ديري بالك تعيدها بعد وترفع صووتك عليه تره وربي تشوف شي ميعجبك
ليليان: شبيكم گضيتوها عركات دكافي لعبتوا نفسي
امير: ومنوو هذا نعلان حتى يوصلج
شهد: والله اخي ما دخلك بيه حياتي وبكيفي
_ضحكت بااستهزا وعفته ورحت وسمعت يصيح، ورايه عنادددج بطليييه وحركاتج هاي مو عليه صحت عليه بصوت عالي عليييك ونص اخيييي
دخلت الغرفه حسيت نفسي مخنوگه واريد ابجي وشارده باافكاري يرربي هذا امير يبقى هيج لازگ بيه تعبت من تصرفاته وتدخله بيه لو افكر بااخو قمر المجنون وتصرفاته الغريبه قاطع تفكيري صوت الباب
شهد: اتفضل
ازهار: بنيتي انزلي اكلي انتضرج
شهد: اوكِ ماما جاييه
_سبحت ورحت اساعد ماما سئلتها ماما وين امير گالت راح قبل شويه، اووف همزين خلصت منه رحت اساعد ماما حضرت المواعين واجت ليليان سئلتها على وضعها بالجامعه كالت زين الحمدلله صرت اتعود شوي شوي
وكفت يم ماما اسوي سلطه
شهد: ماما قمر عزمتنه لبيتها تريد تتعرف عليج يوم الجمعه كتله اكول لماما وراجعلج خبر
فاطمه: لا بنيتي خلي هيه تجي علينه احنه ما نروح
شهد: ماما حبيبتي وافقي حبابه قمر وامهه يريدن يتعرفن عليج وقمر هيه العزمتني عيب ما اكدر ارفض حباببه، ازهار: تمام بس مانطول يمهم
شهد: ليليان هم تجي ويانه صرعت راسي قمر تريد تتعرف عليها
ليليان: ماوادري اشووف
شهد: ليليااااان شگلتييي حبيبتي
ليليان: اووف تمام تمام اروح
_ضحكنه وحضرنه الاكل اكلنه، ترخصت من ماما گتلها تعبانه اريد انام شويه رحت لغرفتي تمددت بفراشي والافكار تلاشت عقلي صدري ثگل واحس كوه اجر النفس رحت اركض للشباك فتحته حتى اشتم هوى ضليت واگفه فتره نص ساعه حسيت نفسي نعست رجعت لفراشي تمددت بفراشي اخذتني النومه كعدت الساعه «7:00 باليل» رحت لغرفه ماما لكيتها تصلي انتضرته شويه وخلصت
شهد: تقبل الله حبيبتي
ازهار: منا ومنكم صالح الاعمال
شهد: ماما اسامه وينه اشو مو بلبيت
ازهار: بنيتي اسامه طلع ويه اصدقائه وگال اگلج دبر الخط ويبلش يوديج انتِ وليليان من يوم الاحد گال الولد خوش ولد ومؤدب واسمه حسن يعني على عرفه صديقه هو هم راح يباشر بالدوام
شهد: تمام ماما راح اروح لغرفه ليليان اناديها نسوي عشه اني وياها انتِ ارتاحي
ازهار: تمام بنيتي
_رحت لغرفه ليليان سمعتها تحجي بالموبايل ويه صديقاتها دگيت الباب ودخلت
شهد: اي عمممي اي مندمجه وياهن وعايفه اختج وحبيتج بوحدها
ليليان: لجج اني شعندي غيرج انتِ الحب والحرب
_ديلا بلا لواگه وامشي نسوي عشه اني وياج ماما تعبت خطيه
ليليان: يلا عيني نروح
_رحنه للمطبخ بلشنه نسوي عشاء فتره نص ساعه خلصنه العشاء ليليان جابت المواعين واني مديت السفره
ليليان: شهد امير ليش سوه هيج اليوم تفاجئت من تصرفاته
شهد:فدوه لا تجيبين اسم امير كدامي ما طايقته ابد
ليليان: يولي تره امير حباب ليش هل گد تكرهينه
شهد: ما اطيقه ابدد
_سمعنه صوت الباب اجه اسامه
اسامه: السلام عليكم
_ردينه بصوت واحد اني وليليان وعليكم السلام
ليليان: حماتك تحبك تعال بوجهك على العشاء
اسامه: هههه بس لو اعرف امثالج منين تجيبيها
شهد: حجيت الي بگلبي
_ضحكنه واجه اسامه گعد مدينه السفره نادينه لماما گعدنه نتعشه بهدوء قاطع الهدوء صوت ماما كالت
ازهار: اسامه وليدي شوكت ناوي تتزوج اريد افرح بيك قبل لا اموت
اسامه: يووم شسالفه يومي قبل يومج
ليليان: اي حباب ازوج الله عليك بواهسي عرس
اسامه: نعااال انجبييي واني اقيد نفسي علمود واهسج ادبسززز
شهد: اسوم هذا زواج مو لعبه لاتغصب نفسك على شي
اسامه: عمي اروحلج فدوه بس انتِ الي تفهميني بهل بيت
ازهار: هااا هسه صرنه احنه الي ما نفهمك
ليليان: لا ماما عوفيه أصلاً مايهمنه خلي شهد تفيده
_اسامه غمز لليليان وگال الها، زعلتي بنيتي
ليليان: كلش كلشش
شهد: ماما راح اخابر قمر اكلها باجر نجي عليكم
اسامه: منو هاي قمر وعلش تروحون عليهم
شهد: صديقتي قمر عزمتني اني وماما وليليان تريد تتعرف علينه هيه وامهه
اسامه: لاا تأخرون
، شهد بضحكه اسامه تعال ويانه وكحل عيونك وشوف قمر وغمزت اله
اسامه: حلووه؟
شهد: هههههه تخبل
اسامه: اخذوني وياكم اريد اتعرف على قمر اقصد على امهه صار عندي فضول اشووف امهه
ليليان: احممم اگول اسومه شتسوي بشوفت امهه
شهد: هجم بيت الجذب لك عويناتي ليش تلف وتدور گول اريد اشووف قمر وفضهاا
اسامه: ايي نشوفه ليش لا
_ضحكنه على حركاته هوه كلش سبورت رحت للمطبخ غسلت المواعين ونظفت المطبخ خليته يلمع خلصت ورحت اتصلت بقمر
قمر *
تعشينه وخلصنه وگمت بغرفتي نضفته وانتضر بااتصال شهد باجر جمعه واتمنى امها توافق كلش حابه اتعرف عليهم رحت گعدت يم اهلي بالصاله اجه شهم جان طالع كالتله ماما تريد عشه رفض وكال تعشيت بره گعد يمي وره شويه اتصلت بيه شهد
قمر: هلاوو شوشه شلونج
شهد: هلا عمري تمام الحمدلله
قمر: حبي الله عليج بشريني امج وافقت انتضر بااتصالج صارلي ساعتين دغني شهم، واشرلي بمعنى اسكتي وخلي تحجي هيه
شهد: يروحي اسفه تأخرت عليج گتلها بالاول رفضت بس اصريت عليه وكتلها ما اكدر ازعل قموره وبعدها وافقت
قمر: يعني باجر تجين علينه
شهد: ان شاءلله حبي يلا اخذي راحتج مع السلامه
_سدت الاتصال واني كلش فرحانه باوعت على شهم الضحكه بوجهه بس مايبين هل شي النه رحت اركض على ماما
_ماماااا عائله شهد باجر تجي علينه امهه وافقت
فاطمه: ولج يمه صدك عزهههه العزاني كلشي ما محضره ناديلي حيدر بسرعه
قمر: تمام ماما
_رحت ناديت لحيدر
حيدر: بس اني بالبيت قابللل بس حيدر مبتلي
_كعدت يم شهم باوعتله واني اضحك
شهم: ههههه شبيج بويه تسودنت البنيه
قمر: باجر تجي شهووده
شهم: اخخخخ بويه شسوت بينه شهووده
قمر: حبيبي شهم فدوه لعينك لاتبقى بالبيت اريدها تاخذ راحتها ماتتقيد بوجودك
شهم: لاااا موو اني ما اگدر كلبي رچيچ
قمر: هههههه شسالفه انتَ التسودنت مو اني
صعدت لغرفتي دگ التلفون شفته
يتبع.....
أنت تقرأ
احببتكِ بجنون
General Fiction"" ما رأيك ان نلتقي الليلة خلف أسوار المدينة تُهديني ورده و اهديكَ قلبي ""
