احببتكِ بجنون

Bart 31

لا تنسون التصويت حبايب قلبي✨🤍

-باوعت للساعه ب 5 الفجر تمددت بفراشي

اجه بالي المواقف الي صارت وياي حاوطني الخوف وکمت اتلفت يمين ويسار اقرا ايات واستغفر كمت من السرير فتحت الباب باوعت لكيت شهم كاعد على الكرسي ساند راسه على الحايط ومغمض مبين عليه كلش تعبان صحت بصوت خفيف

-شهم

مارد

-شهممم اكعد حباب

-اممم

اتقدمت عليه لزمت ايده وكمت اصحي بيه
كعد مسح وجهه رفع شعره باوعلي بااهتمام وگال

-شبيج حبي اكو شي يوجعج اصيح للدكتور

-لااا بس خايفه

-من منو

-احم عادي تجي بالغرفه لحد مايجي الصبح

من منو  تخافين احجيي

-تعال وعود نحجي

-دخلنه للغرفه سديت الباب احس ارتاحيت من اشوف شهم احس بالامان

كعد على الكرسي ورث جگاره وحجه بهمس

-احجي اسمعج

-ماعندي شي احجي

-شهد ادري شكد انتِ كتومه وراسج يابس بس من تضلين هيج راح تدمرين واني اعرف اكو بيج شي

باوعت عليه كلامه كله صحيح اذ ضليت اكتم راح ادمر قررت احجيله

-شوف اريد من احجيلك تسمعني بهدوء واريد توعدني ماتگول لاي بشر

-عد عيناج احجي بعد روحي

-حجيتله السالفه من اول موقف لحد اخر موقف

ضل فاتح عيونه مصدوم

-يعني مااجاج اسد من جنه سوه شفتيه بالحلم

-اي بالضبط

كام عليه حضني وحجه بااهتمام

-لاتخافين بويه والله لشوفهم نجوم الضهر

حجيت بتوتر

-يجوز ماتشوفهم

باوعلي بااستغراب گال

-شقصدج

-مره صار وياي الموقف ومن باوعت لليليان للشباك ماشافت شي

احتمال اني بيه شي

-اششش كلشي مابيج بويه لاتفكرين هيج
اهلج يدرون

-لا ديري بالك تكول لااحد تره بس انتَ تدري

باوع عليه ابتسم لزم ايدي وحجه بحنيه

-لاتخافين بنيتي اني احلهه انتِ ارتاحي مااريدج تضوجين كلشي مابيج

-لا شكراً اني احلهه

-اروحلج فدوه اسكتي وخليني ادخل بس هل مره
وبعدين اني ضابط واجبي لازم احلهه

لاتروحين لبيت اهلج خلال يومين واذ عندج مفتاح نسخه انطيني ياها