Hayti

Isi ba

M reyalize isi ba, pa gen pèsòn k ap janm pafè

W ap jwenn plis moun rayi w ke renmen w, pe enpòt byen w ta fè

E devan silans ou, pawòl lòt yo pa g ankenn efè

Men si n pa egal ego, pa gen 'kenn rezon pou n di n se frè

Nou bay plis valè pou sak nan pòch, ke pou sak gen nan tèt

Pifò nan nou fin pèdi larezon, n konpòte n tankou bèt

Si elèv la ap aprann yon lòt elèv, èske sa fè l vin mèt ?!

Si verite a ekri nwa sou blan, pou wè l èske w bezwen linèt ?!

Fè wè pa dire, se sak fè m pa moutre n si m gen BonDye

Li di m sou li pou m konte, e pa sispann priye

M aprann tou se pa bèl pawòl, men se fè aksyon an ki konte

Pa janm fè pwomès ou pap kenbe, si tout bon w gen wonte

Toujou bay lanmou, ak sila a ki bawou li an retou

Pwoteje tout sak konte pou ou, menm an depi de tou

Pa janm panse ak kòd la, menm si lavi a ba w degou

Men panse ak God la e kanpe fay, menm si lavi a ba w de kou...