قام عبدالعزيز من نومه الساعه ١٢ باليل
قعد وصلا صلواته الي فاتته اتصل على اديم:الوو
اديم:هلااا
عبدالعزيز:وينك
اديم:بالمطبخ ليه
عبدالعزيز:عندك احد
اديم:اي البنات
عبدالعزيز:طيب يلا تعالي عشان نمشي
اديم:ايي يلا بجي
توجهت اديم لعبدالعزيز حصلته بالسياره
اديم:مستعجل
عبدالعزيز:اييه اركبي
اديم:بجيب شنطتي طيب
عبدالعزيز:جبت أغراضك كلها
اديم ركبت:بيزعل جدي
عبدالعزيز بضيق:خليه يزعل
اديم انصدمت:اوهه عزوززز علامك عليه
عبدالعزيز:أنا زعلان منه خليه يزعل مني
اديم:بس ذا جدك
عبدالعزيز:وانا حفيده
اديم:أنا مالي شغل ترا
عبدالعزيز:بكيفك بتجلسين معهم اديور وانزلك
اديم:لا خلاص
عبدالعزيز:كله من الجوهره حسبي عليها
اديم:الله لايوفقها بس ترا بنمر الديره ملابسنا بناخذها
عبدالعزيز:ابشري
اديم:أكلت
عبدالعزيز:لا بمر بقاله قدام وأخذ منها اكل
بالمزرعه
رهف:بروح أشوف اديم طولت
توجهت للمجلس ماحصلت احد
رهف اتصلت على اديم وماترد
رهف رجعت للبنات
رهف بخوف:بنات شفتو اديم
الجوهره باستفزاز:اوووو يمكن راحت مع عزوزها يتمشون بالمزرعه
هيام:لا ما أتوقع المزرعه ضلام
ريناد:طيب دقي عليها
رهف:ماتردد
هند:طيب دقي على عزوز
رهف اتصلت على عبدالعزيز:مايردددد
هيا:خل نقول ل اهلنا
نوف:هيي تراهم مو بزران يعرفون وين يروحون ويجون خلوهم بحالهم يمكن يتمشون ومالهم إلا ثواني مختفيين خلوهم ترا يبون وقت خاص لهم
رهف :يوهه احس قلبي ناغزنييي
دخل فيصل وحط يده على خصره وبتقليد :يووه احس قلبي ناغزنييي
هند طقته بكتفه:عمى ان شاءالله شجابك ليه ماجلست مع العيال
فيصل:لا جوهم كئيب شابين النار وحاطين عراقي العن ابو جوهم الخايس إلا انتم وش مهببين
هيا:يمه ما هببنا شي علامك انت
فيصل:ورهف ليه تقول قلبها ناغزها
الجوهره:وييي ليكون تحبها وتخاف عليها
فيصل:لاحول ولا قوه الا بالله انتي علامك فيك بلا كل الي برأسك حب حب متأثره بالقصص والمسلسلات
رهف:فيصل شفت عزوز
فيصل:اييه كان نايم بالمجلس
دخل نايف:سلام
الجوهره:خيير شتبي
نايف:والله ماني داخل غرفتك ولا مجلسكم داخل المطبخ تراه عام مو خاص للمعلوميه
فيصل:نايف تعال اجلس معي على الطاوله
نايف جلس معه
دخلت الجده:ماشاءالله مقر اجتماع عندكم اسفين قطعنا الاجتماع
فيصل بضحكه:لا عادي ياجده اجتماعنا فاشل
الجده شافت فيصل ونايف على الطاوله:بركت عليك الناقه انت وياه قولو امين
فزو وطلعو على طول
البنات ماتو ضحككك
إلا رهف الي وجهها متغير وتفكر وين اختفو
الجده:علامك يارهف
رهف:جده عزوز ويين
الجده انصدمت:نايم لييه فيه شي
رهف:ماحصلته
الجده:الله يهداك يمكن مع العيال
رهف:لاا سالت قالو كان نايم
الجده خافت:دقي عليه
رهف:جواله مقفللل
الجده توجهت للحريم
الجده:ام خالد
ام خالد:لبيه
الجده:شفتي عزوز
ام خالد:نايم
الجده:وين عبدالله
ام خالد:بالغرفه حقت العنود
توجهت الجده ل ابو خالد :عبدالله
ابو خالد:لبيه يمه
الجده:عزوز وين
ابو خالد:نايم
الجده:دق عليه
ابو خالد:ليه
الجده:ماحصلناها
ابو خالد اتصل المره الاولى مارد والمره الثانيه رد
ابو خالد:الوو
عبدالعزيز:هلا
ابو خالد:عزوز وينك
عبدالعزيز:ماشي للرياض
ابو خالد:وليه ماقلت لنا
عبدالعزيز:بزر أنا عشان استأذن منكم
ابو خالد أنصدم من أسلوبه:ابن ابوي انت علامك تتكلم من فوق خشمك
عبدالعزيز:تبون شي
ابو خالد:لا بس فقدناك وبنسأل
عبدالعزيز:اجل مع السلامه
وقفل الخط
ابو خالد عشان ماتخاف امه:لاسلامتكم واتبهو للطريق يلا مع السلامة
الجده:وينه
ابو خالد:ااا فيي ماشي للرياض
الجده:وليه ماقال لنا
ابو خالد:دقو دوامه ومالحق يقول لنا
الجده:اييه الله يعينه ورا ما خلى اديم هنا
ابو خالد:مدري عنه
الجده:الله يستر عليهم
عند اديم وعبدالعزيز
اديم:من ذا
عبدالعزيز:ابوي
اديم:ايييش وتتكلم معه كذااا لا انت مو صااحييي
عبدالعزيز بحده:ايييه أنا مو صاحي فيني بلا
اديم خافت:عزوز حبيبي هدي هدي
عبدالعزيز:ادييييم خلااااص اسكتيييي
اديم سكتت وعرفت انه مايبي يسمع صوت يبي وقت هادي له
اديم تراسل عمر:الوو عمرر
عمر رد بعد عشر دقايق:هلا
اديم على طول فتحتها:عمر انت اقرب واحد لعزوز صح
عمر:اي تقريبا من بعد تركي ليه
اديم:هو إذا عصب وش يكون سبب عصبيته
عمر:تلقين البكت حقه مخلص
اديم:وش البكت
عمر:دخانه
اديم:شدخللل
عمر:المدخن إذا ماشرب دخان اول مايصحى يطنقر ويكون معصب وأسلوبه استغفرالله تبن ف انتي اسكتي ولا تتكلمين لحد مايشرب دخان ويخلص قولي له يجي يلعب معنا بلوت
اديم:اهااا فهمت
عمر:قولي له يجينا
اديم:حنا ماشين للرياض
عمر:كذابه
اديم:والله
عمر:اييه اجل الله يستر عليكم
اديم:امين
عبدالعزيز وقف عند اقرب بقاله:تبين شي
اديم:بنزل عادي
عبدالعزيز:انزلي
نزلت اديم وبدت تأخذ الي تبي
عبدالعزيز اخذ دخان وحاسب طلع يدخن
اديم جت عند المحاسب
المحاسب:شبكه
اديم:اي بس دقيقه
طلعت اديم:عزوز تعال حاسب
دخل عبدالعزيز حاسب وطلعو
بنص طريقهم رش مطر
اديم بفرحه:مطررر مطررر
عبدالعزيز بابتسامة:اركدي والله ان الغيث انتي
اديم استحت وماتكلمت
عبدالعزيز:لبى الي يستحون ياناس
اديم ماتبي تستحي زياده:تبي عصير
عبدالعزيز مات ضحك على تصريفتها
اديم ضحكت:شسوي قاعد تقول كلام حلو ورا بعض مدري شقول
عبدالعزيز ضحك و مسك يدها وقبلها :اجل خلاص بسكت
اديم:لا أنا ما صدقت انك تسولف
عبدالعزيز:اييه صح بقولك
اديم:امر
عبدالعزيز:مايامر عليك تدو الديره معاد بروح لها اعلمك من الحين تبين تروحين لها دقي على عمر ولا روحي مع اهلي إذا راحو
اديم:ليه
عبدالعزيز:وش ابي فيها
اديم بضحكه:عزوزز الي كان يعشق الديره صار يقول وش ابي فيها معجزه ذي
عبدالعزيز:لا إذا تبين الصدق ترا كنت أجي الديره عشان أشوفك
اديم استحت وبضحكه:يعني ماتجي عشان جدي
عبدالعزيز:احيانا
دق جوال عبدالعزيز
الجد:الوو
عبدالعزيز:هلا
الجد:وينك
عبدالعزيز:هاذاني داخل الرياض
الجد:ماشاءالله ماقلت لنا
عبدالعزيز:تناسيت
الجد ضحك:تتناسانا ياعزوز
عبدالعزيز:هو لازم استأذن
الجد بحده:عزوززز حسن أسلوبك
عبدالعزيز:اسفين
الجد:عندك دوام
عبدالعزيز:لا
الجد:ايييه وليه ماشي
عبدالعزيز:بس مابي اجلس بالديره
الجد:ماشاءالله
عبدالعزيز:اي تبي شي
الجد:ايه
عبدالعزيز:وش
الجد:ترجع الحين
عبدالعزيز ضحك:اي ان شاءالله في الاجازات الجايه
الجد:زين زين يا عزوز مع السلامه
عبدالعزيز:مع السلامه
