الحب ألمنتضر

part 24

#الحب ألمنتضر
بقلمي رواية الحب ألمنتضر
فاطمة حاكم
يتابَوتي
الدمَع چذاب لا توَكف اذا يبچونَ .
أيام بحواف زجاجية

الكسندر :- باعي زهاري وصل تقرير الطب الشرعي أو العدلي گمرة معتدين عليها وبأبشع الطرق الدرجة
جانت نسبة انو هية تعيش 4/100 وبعدها قاتلة الشخص فعل فاعل

زهراء:- مصدومة من كلامة ليش ليش بنية هاي شنو ذنبة

الكسندر :- ماعرف اني أصلن ما شايفة

زهراء:- ادعي ربي اني بحلم خليت اديدي على راسي من كمية لألم هنا ستوعبت كلشي
حجابي حجابي الكسندر وين حجابيي

الكسندر :- نارينن الحجاب نارينن

زهراء:- شلون ذب الحجاب بدون علمي شلوننن

الكسندر :- مو اني الدكتور يريد يعقم راسج شلون لعد

نارين :- هياتة حجاب

زهراء:- منو هاي ؟

الكسندر :- اختي

زهراء:- شنو تسوي هنا ؟

الكسندر :- اني طالع وهية راح تبقى يمج

زهراء:- نزلن دموعي ما أضل هنا اني اريد گمرة اريد شمس شمس وين شمس

الكسندر :- شمس حالتة حرجة جداً وراح يسوولها عملية

زهراء:- اريد اروح لها والله ما بية شي زينة اني اريدها

نارين :- احم باعي مو الدكتور اقبل شوية كال انو لازم تبقين فترة زينة هنا

زهراء:- الكسندر انتٰ راح تروح لان مليت مني مو صح ؟ تقرب يمي لزم أيدي

الكسندر :- لا لو يضل اخر يوم بعمري ما أمل منج رويحتي أنتِ

زهراء:- تحبني ؟

الكسندر :- اموت بيج

زهراء:- اخذني الگمرة

الكسندر :- بس قبل شوية كتلج توفت والله يرحمها

زهراء:- لاااا لا ما توففتت شنوو توفتت

نارين :- الكسندر اعتقد بعدها ما مصدگة بعدها بصدمة

الكسندر :- واني شنو أسوي

نارين :- ماعرف والله ماعرف حتى اني مدا افهم الي ديصير الله يساعدها

رزان :- ضليت أفتر بل شوارع مثل المشردين وهذا اكرم اختفى گمرة راحت شمس حالتة بين الحياة والموت زهراء ماعرف هية وين علي عافني
يا ربي اني هسة وين يمكن وصلت الهند
لا شنو يجيب الهند النجف
گمرة شنو ذنبج ليش هيج تعذبتي ليش
شنو هاي الساعة والمحبس المن
وگمرة شلون ماتت
وشنو سبب الي خلوهم يقتلوها
الله كون هيج وتجي سيارة تدعمني وأموت وأخلص
ليش اني ما متت بمكان گمرة
على القليلة اني شايفة الحياة الجذبية ايع
هية شنو شافت
بعدها طفلة ليش هيج هسة اني وين شجابني هنا
حتى فلوس ما شايلة والسموم والحر موتني
شعري موتني بهل حر والله بس ارجع البيت اكصة
شكد جنت احب شعري
بس هسة وبهاي الحضة كرهتة
انتحر لا بس حرام
هسة اني وين نوب لا تخطفني مافية
الله وأصير زوجت رأيس المافية
لا شوف اني شگد غبية هوة غير مافية نوب يشگ بطني ويبيع كلبي
لا ربي بطلت ما أريد مافية
ربي اخذني اخذني مليت كرهت هاي الحياة كرهت هاي العيشة الخايسة
هسة اني لو سندريلا أروح الحفلة نوب اطلع وأذب حذائي وراي نوب لأمير يضل يدور علية
لا أيعع بطلت ما أريد
اريد صاحب الثام لأسود
اي والله حلو وصاگ بس
أيعع بطلت الصبح شافني وما سلم علية يولي ما اريدة
أريد گمرة ليش ماتت شنو ذنبة يا ربي ليش هيج عايشين معقولة هاذا اختبار
بس حيل طول يا رب والله ما عاد اتحمل
أريد حنية ابوي
اريد حب علي
أريد حنية امي
اريد عائلة مثل العالم
شنو ذنبة عايشين هيج
شنو ناقصنا حتى نعيش هيج
باوعت المكان فارغ عمار مهجورة اني وين يا رب
يا علي يا حسين يا علي حفضك
دخلت العمارة كعدت بأول طابق مدري شكد مر وقت
مليت كلت خلي افتر بل عمارة بس ما اطلع منا يا رب لو تاخذ روحي لو اني اذب نفسي من هاذا الطابق لا هاذا ما اموت منة هاذا 3 طابق
يمكن العمار بيها 20 طابق اي يمكن اذذب نفسي من 15 طابق اموت اي اموت اني صغيرة
بس الفارس لأحلام يروح چا شون هسة
العمار بيها حمام هواي من هاذا الي لونة رصاصي يخوف كل طابق أصعدة يطير الحمام وأنز واموت من الخوف وصلت طابق 14 رحت بحافة الطابق أباوع والله لو اذب نفسي منا احسن اذب ضليت أتمشى على الحافة اروح وارجع
لا اذا منا أعيش خل اصعد بعد اكثر ضليت اصعد
سمعت صوت تكطكة صعدت للطابق16 واني كلبي براسي أول ما صعدت صرخت بأعلي صوتي من المنضر الي شفتة جثة هاي جثة كل الطيور لونها اسود طارت وكامت تطلع صوت مرعب ويخوف
جثت بشر هاي جثةةة كل جسمي احس بعد ما اكدر اتحرك ملتم عليها الذباب هية الجثة بنص الغرفة تقربت جثت مرة هاي بنية صرت بحافة الطابق ما احس غير صوت رجال صار باب الغرفة فزيتت وشحطت رجلي ما أحس غير اني واكعة من الطابق
أباوع للرجال يباوع علية وكعت على لأرض احس كل جسمي تكسر شي دافي يتدفق من راسي جسمي ثلج كمت شي اشوفة وشي لا كمت اسمع أصوات
ما مألوفة رحت الهاوية واني أتمنى أعيش ما أريد اموت لا بطلت يربي لا تاخذني لاا