في رواية وبقلمي( تبارك حسين)
ان اعجبتك الرواية فضع بصمتك هنا
سأنجب افكاراً
لاهرب لها من واقعي التعيس.!
||||||||||||||||||||
ملاك-
ايام مرت بالنسبة الية تَخرع تِخرع
ايدي المكسورة تأذيني ومجاي اسيطر
حتى اكمل شغلي إباليس مادري وين يروح!
مرات اشوفه ومرات يختفي عبالك جني
وجودي بهذا البيت يخوف عندي احساس
مو حلو بي خايفة ومو مطمئنة خابرت على
مدير جعفر علمود اطلب بديل وفاجئني من گال
-جعفر: اسف ملاك وقعت على عقد وي السيد إباليس وشفت انتِ اكثر شخص محتاج سكن
صحت متعصبة
-ملاك: بكككييييفك تتصرررف استتاذ!!!
لو گايلي يابت فلان طلعي من الشرركة جان طلعت واجرتلي شقة موو تروح وتوقعلي على عقد وتخليني اكرف طول عمري بهل بيت والكفيل زينب ماصايرة ولا دايرة!!
-جعفر: اعتذر
غلق الخط بوجهي كمت ابجي واگمز
الله ياخذكم ماكو واحد بي خير كلكم
جلاب ياجلاب لوو كايلي لو حاجي
طلعت برة اريد اتنفس ودموعي تجري
يمتى يوگفن هل دموع جبت عمري بس ابجي
وينزلن ويحرگن بيَ اكثر زين خليهن ينزلن بس خل وجع گلبي يهدء
حاولت اكعد على المرجوحة صارت تروح ماسيطرت عليها زدت بالبجي دفعتها برجلي
-ملاك: الله ياخذج حتى انتِ
-إباليس: شبيبج؟
التفت مفزوعة ومخروعة
-ملاك: يمممة شجابك وراي
-إباليس: شفتج تضربين بالمرجوحة گلت واصلة مرحلة بالصراع
-ملاك: اسفة بس انفعلت وذبيت حرگتي بيها
-إباليس: من وجع ايدج تبجين؟
زدت اكثر بالبجي
-ملاك: حرام عليكم استاذ شلون تسون بيَ هيج
-إباليس: مسويلج شي أني؟
-ملاك: العقد الموقعينة بدون علمي شوف أني ماحب بيتك واريد بديل مكاني
ابتسم واتقرب عليه
-إباليس: اني مو سجان حتى احرمج من حريتج انتِ تشتلغين ببيتي واكيد لازم اخذ حذر من كلهم منو يگول ماتتعاونين وي اعدائي وتطعنيني؟
-ملاك: شنووو؟؟ اي اعداء؟ أني انسانة كافية خيري من شري شنو شفت عليه حتى تگول هيج؟؟
-إباليس: تحسباً
-ملاك: بيتك احسسة وصخ شكد ما انظفه بي
-إباليس: شلون ولج؟
نزلت راسي احجي بخوف
-ملاك: استاذ اني بنية جبت عمري من اني وصغيرة لحدما كبرت اصلي واصوم وكل عمل لاجل الله واهل البيت راح تلگاني مسويتة
انتَ استاذ تشرب شي محرم وبيتك مو نظيف اسفة لهل كلام بس والله يخنگ من اطبلة
أنت تقرأ
اباليس توبة اجرامية
Misterio / Suspensoفي ظروف غامضة تُختطف فتاة لتجد نفسها بين اشخاص يريدون جعلها دنئية قذرة، هي فتاة مؤمنة ومتدينة كيف لمثلها ان تفعل المنكر! تنقذ نفسها لتجد ان عائلتها تخلوا عنها تهجولت بضياع لا ملجئ لا عائلة هل انتهت؟ ستعمل خادمة في بيت شخص يدعئ بأنهُ شيطان، لكن هل ف...
