في رواية وبقلمي ( تبارك حسين)
ان اعجبتك الرواية فضع بصمتك هنا🔥
سِنين الجفاء سيعادلها
عوض الارتواء والحُب.
|||||||||||||
نور-
الفرح! كلمة يطلقها انسان سعيد وفرحان من صدك، بعد ماجنت سعيدة بمعدلي اجتني أمي
-ام نور: نور اجوج مشاية وأني بالنسبة الية وافقت القسمة زينة ماتتعيب ولا تتفوت
نفخت انفاسي بقوة وعاكدة حواجبي
-نور: شنييييي شنييي شگلتي!! عفووواً شنو وافقتي من كييفج توافقين
-ام نور: وسسم لا تعيطين
-نور: هيج مستثكرة عليج تردين اتزوجيني!
-ام نور: لا مو هيج بس بعد كبرتي لازم تتزوجين وتأسسين حياتج
-نور: عاشت ايدج اليوم الا اصلب واذبح اصبرولي
صعدت لغرفتي ادردم وادگ على المحجر عشتو عود معصبة ماتدريني سوالفها ناگعتهن وشاربتهن عود اذا صارت صدك هذيج الساعة
اسويها مجازر عليهم شو دوگفوولي
ابتمست بخبث من شفت دشداشة سمية على المحجر مشرورة الله عليج، بعلي احلف هي وزت امي اصبريلي يالتسة
مشيت اتلفت اي محد موجود لزمتة وطريتة طر من فوك ليجوة ورجعتة شريتة عمت عيني بعد ماناشف اوي حبيبي يلا انشف زين
طبطبت على الدشداشة بلطف وحنان
اتذكرت سالفة امي وغميتة الغسل ماكو
رجعت لغرفتي اباوع بالغراض خاف باگن غريضاتي حبيباتي
كلشي موجود لو حاجة منهن ماكو اليوم امددهن واخليهن ينطقن الشهادة امهات الوصخ،.. مرن يومين مدري شعجب هدوء امي ماتحجي ومحد يسولف هاي شكو
اكيد اكو لعبة محيوكة يابة اذا ما اكشفجن
اشوف امي تسولف وي الجنانين تبسبس وياهن بالمطبخ وتتلفت عبالها محد موجود هسه غير اعرف شكو!
مديت راسي استمع زين
-ام نور: حضرن عصاير انتن قدمت والكيك بعد شوي نعيم يجيب
ردت مرت نعيم كوثر
-كوثر: زين عمة ونور تسكت!
-ام نور: شنو تخافن منها كلساعة وذكرتني بيها غصباً عليها توافق شحدها ترفض وكدام اخوتها وناس وامة عربية تعقد وهي الممنونة!
شايفين الخشب ويجي واحد يذب علية نار ويشتعل شعلة للستار اي نعم اني هسه
عبالكم بس اتعصبت لا والله احس حتى عقلي يريد ينفجر شنو هاي!!! امي جاي تحيك حيكة علية وخطط بس علمود تزوجني وبدون ما ادري؛!!!!
مو فاهية حتى اسكت اصبريلي يم نعيم
اتوقعت اليوم راح تبدي خطتهم ومثل ماتوقعت صارت هوسة جوة واجت اصوات غريبة لاذني اول مرة اسمعها
أنت تقرأ
اباليس توبة اجرامية
Misterio / Suspensoفي ظروف غامضة تُختطف فتاة لتجد نفسها بين اشخاص يريدون جعلها دنئية قذرة، هي فتاة مؤمنة ومتدينة كيف لمثلها ان تفعل المنكر! تنقذ نفسها لتجد ان عائلتها تخلوا عنها تهجولت بضياع لا ملجئ لا عائلة هل انتهت؟ ستعمل خادمة في بيت شخص يدعئ بأنهُ شيطان، لكن هل ف...
