بيت عمّار

Part 1

اهلّا وسهلآ بـ روايه جديدة

بداية الروايه نتعرف على الشخصيات الاساسيّه

الجد : عمّار ، تزوّج فاطمة من صغرّه وكبروا مع بعض ، وجابوا ( صقر ، فهد ، ناصر ) و ( نوره )  ، نوره البنت الوحيده بين اخوانها وشبه مدلعه ، الين ماتزوجت ، عاشوا طوال حياتهم ب ديار مختلفه الين ما استقروا بالرياض ، تزوجوا وخلّفوا وعايشين ببيت كبير مكوّن من اربع ادوار ، الدور الثاني لنوره والثالث ناصر والرابع بيت صقر .. اما فهد ، لسه ماتزوج

الباقي بتعرفونهم مع البارتات ..

_______________________

بـ اذربيجان - تحديدآ باكو بإحد الفنادق المشهوره

صوت الأمواج الي تعبر عن شدة الهواء والغيوم السوداء وكأنها بتمطر تقف بطلتنا على احد البلكونات المطلّه على البحر ، واقفه وماتحس ببرد الجو ، والهواء يطير شعرها تفكر بـ اهلها كملت الاسبوع ماكلمتهم وودها تتطمن ، ضمت نفسها بذراعينها وهي تحس ببرودة اطرافها ، حسّت ب خالد يحضنها من ورا : وش تسوين هنا ؟ لهذي الدرجه تحبين البحر ؟
ابتسمت وهي تحس بالدفئ وتحس فيه يدفيها ب جكيته الاسود : أعشقه
خالد ببتسامه وهو يمسك خصرها ويلفها له : ياليتني بحر وتعشقيني
اختفت ابتسامتها بالتدريج وهي تبتعد : ماشتقت لأهلك ؟ لأهلنا ؟ خالد والله اني ..
خالد : ريماس مو حاسه بنفسك انتي ؟ يوميآ تتكلمين عن الموضوع ولا كأننا مسافرين مع بعض ورايحين ننبسط
ريماس تنهدت : وش بيضرك لو اعطيتني جوالي اكلمهم ؟
خالد : بيضرني كثير 'صد وطلع من البلكونه للغرفه ياخذ جواله ويرد على احد اتصالاته : هلا ؟       والله ؟         خلاص بجي بجي    
سكر المكالمه وينادي ريماس بصوت عالي ، دخلت وهي مستغربه : صار شي ؟
خالد : لا بس البسي نبي نطلع واحد عازمنا
قررت ماتجادله لأنها متضايقه ولا ودها تتضايق اكثر ، مشت لغرفة الملابس وفتحت شنطة السفر تاخذ احد الفستانين ، اعجبها فستان احمر ولبست عليه كعب اسود كان شكلها خيالي ... طلعت وهي تفك شعرها المموج : ها خالد جهزت ؟

_______________________

بالرياض - تحديدآ بيت اهل ريماس
كانوا جالسين بالصاله الكبيره يسولفون ومجمّعين الكل