بيت عمّار

Part 6

بعد يومين -

دخلت الحمام تغسل وجهها تناظر نفسها بالمرايه وحالتها ، تنهدت وهي محتاجه رسيل ونجد اكثر من اي شي .. مشت لجوالها الي كان على السرير واخذته واتصلت على رسيل : الو
رسيل : ريماس فييك شي ؟؟! ادق على جوالك مغلق !
ريماس بصوت تعبان : توني شحنت جوالي
رسيل :  صدموني قالوا لي كل شيي انا سمعت صوت الطلقه بس احسبها من الحلم حقي مو بالحقيقه ، ريماس فيك شي طمنيني ؟؟!
ريماس : لا لا مافيني شي بس تعالي انتي ونجد ذا موقعي تعالوا

تجهزوا البنات بحماس ومحد قال انهم رايحين لريماس عشان مايهاوشونهم ، وداهم تركي وبعد ماوصلوا حضنوا ريماس وتطمنوا عليه وبدت سوالفهم : متخيله لقيت مشهورري الي احببه موتت فالمزرعه! طلع صاحب خالد ! اسمه جاسر مشهور عنده مليون متابع وانا اتابعه من يوم كان عنده ٢٠ الف متابع بس متخيله! وربي طرت من الفرحه!
نجد : ذي الغبيه بغى يغمى عليها اول ماشافته وقفت بين الناس تناظر ولا ترمش حتى وفاتحه فمها ، والاحراج الاكبر انه شافها ومر من عندها وهو يقول شفيها هذي وناقد عليها

ريماس عقدت حواجبها : ماشفته وين كان
رسيل : هو صاحب خالد المقرب اعتقد ، معضل شوي وبدون دقن وشعره كثيف وشماغه على كتفه واضح اول مره يلبس ثوب اصلا

ريماس : كاني عرفته ، عمومآ لا تتحمسين مدامه صاحب خالد اعرفي انه دمارر وان كلمتيه بيدمر حياتك
رسيل : والله باين من وجهه انه لطيف وحبوب ومو راعي مشاكل ابد
ريماس : رسيل خليك على فيصل والله افضل
نجد عقدت حواجبها : مين فيصل
ريماس : امزح هذا اسم مخترعينه بس
نجد : اي واضح ، ولد جيران..
رسيل حطت يدها على فم نجد : انطمي

ريماس قامت منهم وراحت تبدل وورتهم الفستان الاحمر ماسك على جسمها وكانت تبي تغيّر نفسيتها باي طريقه : شرايكم؟
: رهييبب مره حلووو
ابتسمت وهي تمسك جوالها ووسعت عيونها بعد ماشافت اشعار جاسر من الرقم الوهمي '' تبين تعرفين وين نايف ؟ ''  وردت بسرعه: اي وينه

''ارسل لها الموقع وناظرت البنات'' بنات بنزل مشوار سريع وارجع لحد يتحرك ''وبدون اي تردد ولا سمعت ردهم اخذت عبايتها ونزلت للتكسي ''

بعد دقايق وصلت لأحد الشقق وتتنفس بسرعه خايفه عليه ولا ودها تشوفه ب حاله توجع قلبها .. نزلت وكان الباب مردود استغربت ودخلت داخل والبيت صمت ، كانت شاكه بالموضوع والرعب ممتلك قلبها : ن.نايف ؟ ناايف
تسكر الباب الي دخلت منه بقوه التفتت بخوف وهي مرعوبه حست بأحد وراها واول ما التفتت لقت احد الاشخاصك حاط السلاح على جبهتها : اي حركه منك بتودعيّن
حست بقلبها يوقف وتتنفس بسرعه مسك كتفها وشدها لأحد الغرف : عطيني شنطتك
يدينها ترجف وعطته الشنطه الي مافيها اي شي غير جوالها ، التفتت ورى وتناظر السرير شافت واحد نايم وعلب ال🍺 جنبه كثييير ، فجأه رفع نفسه وناظرها وابتسم وقام مثل الثور وكل شوي يطيح ويتهابد يمين ويسار ، فتحت الباب بكل قوتها وصدمت بصدر احدهم كان ماسك شنطتها وهو الي اشر السلاح عليها : الله يخلييك فكنني خلااص 'ناظرت ملامحه وكأنها شايفته من قبل '
ابتسم ابتسامه عريضه ومسح على شعرها : اهدي اهدي ماله داعي الخوف هذا كله 'لبّسها الشنطه على كتفها وبهمس '' سلمي لي على رسيل ... good luck ''دفها جوا وسكر الباب وركض يطلع من البيت بعد ماسمع صوت الشرطه حول المبنى ...
كانت تصرخ وتطلب النجده وتطق الباب بقوتها فجاه انفتح الباب وشرطيين مسكوها وهي تقاومهم وتردد ''مالي ددخلل والله مالي دخل فييهم '' لكن محد سمعها وركبت سيارة الشرطه '' police ''