كلهم راحوا الا فارس يدندن على شبة النار وطفشان فز اول ماسمع صوت نجد : اخو العيال ! يولد قمت تهوجس بصوتها اهجد قاطعه صوتها وهي تنادي اهلها قام من مكانه ودخل احد الخيام ، لقاها نايمه وتنادي امها انصدم وارتبك مايعرف وش يسوي : نجد ! نجد : ماماا طفي المكيف بموت من البرد ناظر الخيمه الي مافيها مكيف تنهد وهو يحط فروته عليها : كذا زين نجد وهي تضم الفروه : احبك ماما اخخ دفيت ابتسم وهو يقرب منها : نجد لاتقولين هالكلام ترا الشيطان ما مات فزت وهي توسع عيونها تناظره : وين اممي ضحك وهو يقوم : راحوا كلهم وبقيت انا وانتي بس ! نجد قامت : شقصدك بالشيطان ما مات! فارس : لا بس يمكن اضمك من البرد وكذا نجد : خلاص امسك فروتك انا بروح ل شبة النار فارس : يلا بجي معاك نجد اخذت جوالها وراحت وجلسوا يتاملون النجوم والليل : يمه فارس شوف الظل فارس : يبيلها صوره تعالي قربي ''طلّع جواله'' نجد نطقت بأرتباك : فاررس فارس مارد وقرب وهو يشوف التوتر بعيونها ، لقط هذي الصوره
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
وحطها بألبوم خاص وهو مبسووط ووراها : الصوره تجنن ! عشانك خطيبي سمحت لك ترا ضحك وهو يقرب يبوس خدها : يازين الحلال والله المهم يانوني وش تبين يكون بيتنا وكم تبين نجيب عيال واثاث بيتنا من وين
اكملوا ليلتهم بالسوالف والضحك وتعرفوا على بعض اكثر واذن الفجر وهم بطريقهم للبيت وفطروا سوا _______________________
بعد اسابيع طويله ...
كانت واقفه فالمطبخ تقطّع السلطه مع البنات الي يطبخون كبسه والي تجهز السفره ، كانوا بيفاجئون اهاليهم بالغدا دخلت نوره ببتسامه : ااالله ياريحة الاكل ! بناتي وش تطبخون! ريماس وهي تقطّع السلطه : غدا ياعمتي يحبه قللببببك دخل نايف : كنت عازم اخوياي على الغدا ، بس شكلي بسحب عليهم ام ريماس وهي حاطه الجوال عند اذنها تكلّم ام خالد اقتربت من المطبخ لأجل تسمّع ريماس الكلام : مااااشاءالله !!! مبروووك مبروك الف مبروك ! ''دخلت المطبخ'' زوجة خالد حامل ! بنيّه ولا ولد ؟
رفعت نظرها عن التقطيع وسرحت بخيالها وعيونها تدمع ماهي مستوعبه ان اسمه مع اسم ثاني ! ماهي مستوعبه ان زواجهم انتهى وبرغبه منها !! حست بالسكين تقطع جلد اصبعها وشهقت وهي تفز : ااح البنات لاحظوا الدم وفزوا لها الي تجيب ثلج والي تتطمن عليه ، قرب نايف ومسك يدها : جاك شي ؟! بعدت يدها بسرعه : لا لا مافيني شي ''اخذت المنديل من رسيل ولفته على اصبعها وقربت تاخذ السكين تبي تقطّع .. قرب نايف وهو يبعدها : انا بقطّع روحي ارتاحي تنهدت وبعدت وهي ماتبي تناقشه جلست على كرسي طاولة الطعام الي بوسط المطبخ وتكلمت جمانه وهي تلعب بشعرها جمانه : غريبه من اول شهر حملت ؟ وريماس لها اربع سنين معاه ولا شفنا حتى سونار رسيل تنرفزت ورفعت الفلفل الاحمر الي بيدها : تبين احط فلفل بفمك عشان تثمنين كلامك شوي ؟! جوري : شفيك رسيل ماقالت شي اختي ! وبعدين عادي يمكن ريماس ماتبغى ريماس بلعت غصتها وهي تقوم : ايه ما ابغى ''صدت وطلعت من المطبخ وهي تمسح دمعتها واقتربت من امها الي انتهت من المكالمه : ليش تسوين فيني كذا يمه؟ ام ريماس بقساوة قلب : عشان اعلّمك درس مستحيل تنسيه ، حبك البايخ وعلاقاتك المحرمه مستحيل تفيدك ، كيف تعرفتي على خالد ؟ ههههه من الانستقرام ! وتزوجتوا فعلا وتفاجأتي فيه وتطلقتي ! والحين ؟ شعندك تبكين لما جاب بنت من غيرك؟ ريماس : ابكي لانك متعمده تعلّين صوتك وتعلميني ، ابكي لاننك تحبين تكسرين قلبي فيه ماما ! انا ابي اتخطى وانتي ترجعيني لنقطة الصفر ! ابغى ارجع لحياتي الطبيعيه ولازلتي تبين تزعليني وتتعمدين تجرحين قلبي ! ''نزلت دموعها وهي تناظر امها وتبكي '' انتي من سالفة نايف وانتي قاسيه علي وتتلذذين بدموعي ! يمه وش غيّرك والله تعبتيني يمه حضنتها بقوه وتحس بشهاقها وصدرها الي يرتفع وينزل من قوة الغصه وتمسح على شعرها : خلاص بنتي خلاص ان بس خايفه عليك خايفه تكررين نفس الغلطه ب نايف ، حتى لو تزوجتيه لا تتعلقين فيه مثل تعلقك بخالد !
ريماس : مستحيل اتزوجه ماما انا ماتطلقت عشان اتزوج ثاني الي بيني وبين نايف بس كلام وانا عارفه انه مستحيل يسترجل ويخطب ام ريماس تلعثمت : ر. ريماس بقولك ريماس ناظرت امها بخوف : وش ؟ ام ريماس : نايف خطبك رسمي ، وانا وافقت بالنيابه عنك .. ووقعت بتوقيعك ريماس دمعت وهي مصدومه من الي قاعده تقوله : يعني انا حلاله! ممااماا كيف تسوين كذذا بدون علمي !! ام ريماس : ما ادري ما ادري انا بنفسي ماعرف كيف خطيت هالخطوه بس ريماس والله خايفه ان نايف يخذلك لكن متأمله فيه خير ريماس : اكررهه ماما اكرهه وزاد كرهي له الحين !! يمه ما اطيقه ما اطيق هذا الانسانن صوته يخليني انهار وتتدمر نفسيتي اذاا شفته يمه ليييش !! فاضيه له اناا كل شوي طايح تعبان مين يقوم فيه ماما ! ام ريماس : صدقيني خير لك والله اني استخرت وارتحت ، والتعب مارده يروح ويتشافى بعد مايسوي العمليه ريماس : مو المفروض انا استخير ؟؟! ام ريماس : اسفه والله ريماس طلعت وهي معصبه وتفاجأت بوجود نايف الي يتسمع ونزلت دمعته اول ماشافها .. ريماس ما اعطت اي ردة فعل وصدت وهي تمشي عنه ولا مهتمه ابدا بأمره
اما مشاعر نايف الي انغبن من كلامها المرض والتعب مو بيده وهو فعلا بين فتره وفتره يتعب تعب شديد ومحد يقوم فيه ولا يدري عن تعبه ، وبيوم قرر يتشجع ويسوي العمليه وتحمّس بسبب ريماس وتعزيزها له وان التعب بيروح ، لكن تكنسل كل شي بسبب ظرف ، والحين كسرت قلبه بكلامها وطلع لغرفته تعباننه نفسيته بشكل كبير
_______________________
خلصوا الغدا وبدوا يتغدون الكل بلا استثناء واعجبهم الطبخ جدا عمّار بأبتسامه : تبارك الرحمن يالطبخ ! احسن من طبخ فاطمه فاطمه عقدت حواجبها : لا والله؟ بعد كل هالسنين ماغير تبلع من طبخي الحين ماصار يعجبك ضحكوا وتكلمت رسيل : اكيدد حلو ياجدتي حفيدات عمّار واولهم ريماس هي الي تعبت عليه منجد عمّار : اشوف فيه ملح زياده ريماس كانت بعالم اخر وصحنها مليان ولا اكلت منه شي تحس نفسها مسدوده ، قامت من مكانها اول ماسمعت رن الجرس وراحت تطلع تفتح الباب : ميين ؟ ''فتحت الباب'' جاسر؟ جاسر : هلا والله ، نادي لي رسيل ضروري ريماس : تراها انخطبت حاول تحط حدود لعلاقتكم فاهم؟ جاسر : طيب انا جاي عشان هذا الموضوع بالذات ريماس تأفأفت وراحت تنادي رسيل : سيلو فيه وحده من صديقاتك تبيك برا قامت رسيل : شسمها ؟ ريماس : مدري تقول اعرفها بالجامعه وكذا ، روحي ''رقت لغرفتها ''
رسيل اول ماشافته شهقت بخوف : شجابك! جاسر ببتسامه : جابني الشوق ! ليش خذيتيه يابنت المني بقايل!! رسيل : لا تسب لا اكفخك هنا ومالك دخل اخذ الي ابي جاسر شد على سنونه : لا مو علللى كيفك! تسحبين عليه وتحبيني سامعه؟! ضحكت رسيل ضحكه عاليه وناظر شفايفها بقهر : تضحكين؟ طيب يارسيل طيب رسيل : شبتسوي يعني ؟ تهددني بعد جاسر : ماني جاي لهذا الموضوع '' عطاها ظرف'' هذي دعوه لحفله كبيره ياويلك ماتجين رسيل : برا السعوديه ؟ تستهبل انت جاسر : مو ٢٤ ساعه ريماس برا السعوديه ؟! خلاص خليها تاخذك ! رسيل : ما اتوقع يمديني بجهّز لزواجي جاسر : تبين افجّر ب زواجك يعني ولا وش ؟ ''غمز'' ماهي بعيده عني ترا رسيل : اي اعرف انك سايكو وتقدر تسوي اي شي اجرامي ، عشان كذا اذلف لا ابلّغ عليك ابتسم جاسر : من عيوني هاتي لي بوسه رسيل سكرت الباب بوجهه وهي تخبي الظرف بلبسها وتمشي داخل : كيف اقنع ريماس الحين ااااف
