الكل فرحان برجوعهم ورسيل تقول لهم كل شي صار بسفرتها من طلعات وشوبينق وكوفيهات واجواء حلوه ، ناسيه موضوع جاسر بأكمله ! ناظرت امها وهي مبتسمه : متخيله بعد شهر زواجي ؟ ماما بليز قولي لفيصل يمدد شوي ! وربي ماني ملّحقه !
نوره ببتسامه : ماعليك شهر يمديك على كل شي
رسيل : صح فيصل وينه ؟
فاطمه : ماندري والله توه راجع من استراحة اخوياه
رسيل هزت راسها بالايجاب وقامت بحماس مشتاقه له كثيررر ودها تسولف له عن كل شي صار بالسفره وكيف انها فاقدته جدا ، شافته بالسيب وابتسمت بحماس : فيصصل
التفت يناظرها بدون اي شعور ولا حتى ابتسامه : هلا ؟
تناظر ملامحه البارده ولا كأنه فيصل : شفيك مو مبسوط اني رجعت هههه ؟
فيصل ببرود : انتي انبسطتي معاه ؟
عقدت حواجبها مستغربه : مين ؟ وش قاعد تقو..
فيصل قاطعها : لاتستغبين رسيل لا تستغبيين ! ليه مسافره من دون ماتقولين لي ؟
قربت منه وهي مستغربه وتتصنع الغباء ؛ وش قاعد تقول فيصل ! ماقلت لك لاني عارفه انك بتجي معاي وبتسحب على دوامك وانا اهم شي عندي شغلك !
فيصل : هههه قصدك اخرب عليكم الجو ؟
رسيل : تستهبل ؟ انا مسافره عشان اتقضى لزواجنا وانت تشك فيني ؟
عن ايش تتكلم !
فيصل : عن جاسر !
: مين جاسر اصلا ؟
فيصل : رسييلل لا تكذبين لاتكذبين كل شي الا الكذب !! اخطئي مليون مره وخوني الف مره بس لا تكذبيين !
تنهدت وهي حاسه انه كشفها : وش سمعت عن الموضوع ؟ عشان ابرر لك وافهمّك
فيصل : لا تبررين لي .. ولا حتى تفهمّيني .. ابعدي عني و بس
انصدمت بداخلها مو متوقعه ان فيصل راح يستسلم عن علاقتهم ويترك كل شي وينهيه ! لمعت عيونها وهي تناظره وتحس الي قدامها مو فيصل ، تكلمت وهي تتصنع القوه : ابعد عنك ؟ هههه باقي شهر على زواجنا و امي سوت دعوة العرس وبابا حجز كل شي
فيصل : واذا ؟ واذا باقي شهر ؟ انا انهيت كل شي
عقدت حواجبها تناظر عيونه الي مليانه قساوه : وش تقصد ؟
فيصل : انا خطبت .. خطبت صديقة جمانه اختي وهي وافقت .. وزواجنا بعد اسبوع
رفعت حواجبها تحاول ماتبكي وتتصنع البرود : حلو الله يوفقك
فيصل : ماقلت لك كذا عشان تدعين لي .. تصرفي وكلمي ابوك ينهي كل شي
هزت راسها بالايجاب : تمام تمام ''صدت ودخلت غرفتها تناظر الشنط وندمانه اشد الندم على سفرتها هذي ارتمت على السرير وحضنت مخدتها وبدت تبكي بقوه وتكتم بكيتها بالمخده تشاهق كأن ميت لها احد ، ماتت مشاعر فيصل تجاهها وبسبب غلطه منها انتهى كل شي
بعد دقايق سمعت صوت باب غرفتها ينفتح بشويش وصوت خطوات وثوب توقعت انه ابوها لكن حست بعطر فيصل الي اقترب وانسدح جنبها وقربها من حضنه وبهمس : اسف
سوت نفسها نايمه ودموعها ممليه خدودها وتشاهق مثل الطفل حاولت تبعده : فيصل وخر عني روح نام عند الي خاطبها وخر
شد على حضنها بقوه مايبي يبتعد عنها : ماراح ابعد ابغاك
رجعت تبكي بقوه وتتكلم كلام مو مفهوم لكن الي فهمه فيصل ''ليش تركتني بدون ماتسمع مني ولا كلمه'' : انا اسف ياروحي اسف والله
سكتت وهي تحاول توقف شهاقها ودموعها ماهي قادره .. غفت بحضنه وهدت بدون ماتحس على نفسها
أنت تقرأ
بيت عمّار
General Fictionعائلة عمار وبيته المليئ بالاحفاد وكل واحد له حياته الخاصه ، عمّار قاسي وزوجته فاطمه حنونه كيف بيعيشون مع بعض ؟ وكيف بيعيّشون احفادهم !
