بالدور الثاني من البيت - ( 2 )
استندت على سريرها تناظر غرفتها المشتركه مع اختها ' نجد ' : اشتريت لك فستان ناعم شوفيه بالكيسه
نجد تأفأفت وهي مو قادره تتحمل : عشان المزرعه ؟ كم مره اقولكم مابغى اروح ماتفهممون ؟!
تنهدت رسيل : يعني اجلس مع مين بالله ! هو يوم تحمّلي وتصبري واجلسي معاي ، لهذي الدرجه سوالفي بيض ؟
نجد : رسيل سوالفك مافيها شي بس ما اطيق اهلنا اذا اجتمعوا مع ناس غريبين
رسيل : غريبين ؟ الحين زوج ريماس واهله غريبين؟
نجد : وهو يجيب بس اهله ؟!! يجيب اصحابه وخوات اصحابه ويحسب الوضع اوبن مايند عادي نتكلم معاهم ! مصخره اقسم بالله
رسيل : طيب لازم نجامل هذي اوامر جدي ومالنا الا الصبر
نجد تأفأفت وهي تغطي نفسها باللحاف : ماهي حاله والله !
رسيل انسدحت وسرحت بخيالها وكلها دقايق ولمحت نجد تصرخ بـ ''اككللم مينن اناا '' : بسم الله ماسمعتك!
نجد : فاهيه بمين تفكرين ها ! ولا عشاني جبت طاري اصحاب خالد
رسيل فتحت فمها ورمت المخده بقوه على نجد : وش ذا التفكييير !!
نجد رمت المخده : والله مدري عنك ياحبيبتي اشوفك سرحانه ! طفي اللمبه خلصينا
انفتح الباب والتفتوا البنات لأمهم الي داخله ومنفجعه من اصواتهم العاليه : سابع جار سمعكم !
نجد : يمه شوفي العجوز ذي مو راضيه تطفي النور !
رسيل : انتي العجوز انطمي تراني لسه صغيره !
نجد : زين ماطلع شيب براسك بتعجزّين انتي
نوره : مافيه احترام لي ؟ ''طفت النور '' ناموا وانتوا ساكتين 'سكرت الباب ''
بعد صمت تكلمت نجد بتردد ' رسيل صاحيه ؟
رسيل ردت مباشره : فيه احد ينام معاك اصلا
نجد وهي تحس بالذنب : ماجاني نوم ، اف رسيل اسفه طيب
رسيل ضحكت والظلام الدامس مخوّفها وحاضنه مخدتها بقوه : عادي ناممي ورانا يوم طويل
نجد تكره طاري المزرعه : اووووف طيب !
_______________________
نوره جلست على الكنب الي في غرفتها تشغل التلفزيون تتابع مسلسلها ومندمجه ، سمعت صوت جوالها اتصال '' زوجي عصام '' ردت : هلا وغلا ليه متأخر وحشت..
عصام يتهابد يمين ويسار والرؤيه معدومه وبالعقل اللا وعي : ن..ن. نور .. نوره افت.. افتحي الباب
نوره حاولت تستغبي وماتفهم : ليه صوتك يقطع ؟
عصام : اف..افتحي اااخخ افتحي الباب خ..خلصييني !
نوره لمعت عيونها ودمعت بسرعه وهي تستوعب الموضوع ، رجع لنقطة الصفر ... : عصام عصاام رجعت !
عصام بأنفعال غير طبيعي : بت..بتفتحين ولا احر..احرق بيت اهلك هذا و.. وأولّع فيه !!!
نوره حطت يدها على فمها تكتم بكيتها : عصام تكفى البنات لسه ماناموا واهلي بالصاله مقدر ادخلك وانت بهذي الحاله تكفى عصااااام !
عصام بنبرة تهديد : بوًلع ف.. فيه ط.. طيب طيب
نوره وهي متيّقنه انه قادر يسوي الي اسوء من كذا : لاا لاا خلااص بفتح لك بس الباب الثاني لحظه 'سكرت ومسحت دموعها وهي تطلع من البيت وتنزل من الدرج بهدوء ماتبي اهلها يحسون فيها ، تسمع ضحك ابوها وامها وهي دمعتها على خدها .. فتحت الباب وشافته بنفس الحاله الي دايما تشوفه فيها ، متعاطي ويطيح كل خطوتين .. مسكت ذراعه تحطه على كتفها وتساعده يمشي وتثبته الين دخلوا الاصنصير ودخلوا بيتهم .. : انا تعبت منك عصام تعببت الكلام ماينفع معاك والعيشه معك تقصر العمر!
عصام فتح ازرة ثوبه ورمى الشماغ بالارض وانسدح على السرير : ااااششش مابي اسم.. اسمع حسّك ! ابغى اناااام
أنت تقرأ
بيت عمّار
General Fictionعائلة عمار وبيته المليئ بالاحفاد وكل واحد له حياته الخاصه ، عمّار قاسي وزوجته فاطمه حنونه كيف بيعيشون مع بعض ؟ وكيف بيعيّشون احفادهم !
