واتباديات

2-اريد ان اصبح كاتبًا

احم احم "اولًا اعذروني على الاخطاء الاملائية"

"ثانيًا كلامي موجع للبنات والولاد"

بما اني كاتبة هزوئة وسايبه روايتي ومكملتهاش فقولت اما افضفض مع الكتاب الجدد والبوست الجاي ان شاء الله للقراء عشان دول تاج راسنا ومن غيرهم احنا ولا حاجه 😂

1-قررت تكتب لازم تكون عارف ان الكتابة موهبة زي الرسم والغنا والتمثيل والهندسه وغيره يعني ياما الموهبه تخرج مره واحده قوية زي ام كلثوم او خرجت بس عاوزة تتظبط زى سعاد حسني لما بتغني، يعني الموضوع مش لوي دراع هكتب يعني هكتب، لا ربنا اكيد زرع فينا مواهب تانية غير الكتابة بس ندور عليها كويس

2-خلاص انا موهوب وعاوز اكتب اعمل ايه؟
انا هقولك يا صديقى اقرا كتير بس متروحش تقرا بير سلم فكرته سيئة وسرده سيئ وتقولي انا كده قرات لانك هتتاثر بالافكار دى وهتلاقي نفسك بتكتب زيهم، لا اقرا روايات حلوة سردها وقصتها قوية، اقرا كتب سواء تاريخ او علم نفس او ديني او علوم حتي بس صدقني الكتب هتكسبك مصطلحات كتير، والروايات هتخليك تفهم يعني ايه رواية وايه نظامها وطريقة كتابتها.

3- طيب قرأت وعاوز اكتب، هتجيب notebook وقلم وهتبدأ تفكر وتكتب افكارك بس لازم تكون منطقية وواقعيه ومش اي فكره اكتبها وخلاص لا، انت بتكتب للناس يعني لازم تكتب وفقًا لعادات المجتمع الصح ووفقًا لطبيعة وطبقة الناس اللي عاوز تكلمهم، والاهم من كل ده افتكر انك هتقابل ربنا باللى بتكتبه.

4- كتبت واتاكدت من الفكره والسرد وكله تمام، الغلاف مهم جدا الروايات اللي ليها اغلفه جذابه بتشد القارئ اكتر من الروايات والكتب اللي اغلفتها عادية ب 24 مره، وبرضوا الغلاف ميكونش عليه حاجه حرام زى صور خليعه او خمور.

5- خلاص مبروك واتفضل انشر وادعي ربنا واسعي وربنا هيوفقك والنجاح والشهرة بايد ربنا

6-ازاى ابقي مشهور؟

في طريقة سهله وطريقة صعبه
السهلة انك تكون كاتب بير سلم و🔞 وطبعًا اي حاجه تغضب ربنا وحرام حتي لو اتشهرت افتكر كم الذنوب اللي هتشلها وهتقابل بيها ربنا

الطريقه الصعبة اللي انا ماشية فيها: الاختلاف، انا بكتب عن مواضيع محدش اتكلم عليها قبل كده، اكتب عن حاجه ممكن يكون حد اتكلم عليها بس بطريقتك، ادعي ربنا، اعمل اعلانات لنفسك في جروبات الفيس بوك واوعي تستسلم هيجي يوم مش هتلاحق علي التوقيعات في معرض الكتاب

7-  بعد كل النصايح الجامده دي ومدخلتش علي صفحتي وعملتلي فولو
اتقي الله