اللؤلؤة الزرقاء

توضيح

هكلم فى كام نقطه

اولا أنا شخص مش بتاع مشاكل بل شخص مسالم فوق ما تتخيلو مليش فى وجع الدماغ ولا أنا عيلة صغيرة مراهقه عشان اعمل تصرفات طايشة، قبل كده اكتشفت أن فى رواية ليا مسروقة كانت "مسجون وجنون" كانت نزله على أحد الجروبات وحد شافها وجه قالى لأن مكنتش نازله بغلافها وطبيعى كل الناس بتشكر فى اللى نزلتها وفاكرين أنها بتاعتها، الحقيقة انى ساعتها صعب عليا نفسى واضايقت ومع ذلك دخلت اتكلمت معاها بأدب والبنت حقيقى كانت فى منتهى الذوق وقالتلى أنها مكنتش تعرف مين اللى كتبها ولا عارفه غلافها فأنا صدقتها ربنا اعلم بالنوايا وهى قالتلى أنها كان فى نيتها أنها حبت الرواية وحبت تشاركها مع الناس، ساعتها أنا ادتها اذنى بس تنزلها بالغلاف والموضوع عده، اكرر الموضوع كذا مره معايا من غير استأذان بجد لحد ما جبت أخرى مبحبش أن حد ميعمليش اعتبار

ثانيا ناس محترمه ربنا يكرمهم كتير كلمونى والله كتير قبل كده وقالو عاوزين ننزل روايتك فى الجروب بتاعنا أنا والله ما منعت بشرط أن غلافها يبقا عليها حتى الناس تبقا عارفه الرواية دى بتاعت مين دى ابسط حقوقى متهيالى

ثالثا امبارح اتصرفت باندفاع واتهمت حد بسرقة روايتى وده كان لأسباب من وجهة نظرى كان أولاها انى ملقتش الغلاف بتاعها عليها ولا اى حاجه تدل أنها بتاعتى ثانيا بسبب غضبى يمكن مشوفتش كويس أنها نفت أنها بتاعتها ثالثا لأن الموقف اتكرر من ناس تانية عشان كده ردت فعلى كان مبالغ فيها رابعا أنها مكلمتنيش ولا استأذنتنى فطبيعى افهم اللى فهمته

رابعا لما لقيتها حطت الغلاف وكتبت أن الرواية بتاعتى، تراجعت عن اللى نزلته امبارح احتراما لموقفها طبعا

خامسا أنا مبحبش اظلم حد ولا اعرف انام وحد زعلان منى وشايل منى لأن الله واعلم يومنا هيجى امته، أنا اتصرفت باندفاع وهى اتصرفت بطريقة غلط