"အစ်ကို ဒီကိုဘယ်သူတွေနဲ့လာဖူးလဲ"
ချန်းယောင်းက Eiffel towerကိုမော်ကြည့်ပြီး ဆိုဟီးကိုမေးတဲ့အခါ ဆိုဟီးက Eiffel Towerကိုငေးကြည့်နေရင်းမှ ချန်းယောင်းဘက်ကို ခေါင်းစောင်းလာ၏။
"ပဲရစ်ကို စစရောက်ချင်းတုန်းကတော့ တစ်ယောက်ယောက်နဲ့လာဖူးတယ်"
ချန်းယောင်းက ဆိုဟီးရဲ့စကားကြောင့်မသိမသာ မျက်ခုံးနှစ်ဖက်ကိုတွန့်ကွေးမိသွားသည်။တစ်ယောက်ယောက်ဆိုတဲ့ စကားလုံးအသုံးနူန်းက ဘာကိုပြောချင်တာပါလိမ့်။
မည်သူမည်ဝါနဲ့ လာခဲ့ပါတယ်ဆိုတာကို ဖော်ပြချင်ပုံမရ။
ဒါပေမဲ့ အဲ့ဒါက ချန်းယောင်းရဲ့ သိချင်စိတ်ပြင်းပြမှုကို ပိုမိုတောက်လောင်စေသည်။
ချန်းယောင်းကဖြင့် Eiffel Towerရှေ့ကို ပန်းချီဆွဲဖို့ အတွက်ပဲ လာဖူးတာကို။
"ဘယ်သူနဲ့လာတာလဲ"
ချန်းယောင်းရဲ့ မရဲတစ်ရဲအမေးက personalကိုဝင်စွက်ဖက်သလိုဖြစ်သွားသလားမသိတာကြောင့် မျက်တောင်တွေက အနည်းငယ်လှုပ်လှုပ်ရှားရှားရယ်။ဆိုဟီးပြန်ဖြေမယ့်စကားကို မသိမသာစိတ်ဝင်စားမှုရှိနေတဲ့မျက်ဝန်းတွေကတော့ လိမ်မရ။
ဆိုဟီးက သဘောကျသွားကာ တစ်ချက်မျှပြုံးရယ်လိုက်ပြီး ချန်းယောင်းကိုကြည့်ကာ ဖြေလာ၏။
"ရည်းစားဟောင်း" နဲ့တဲ့။
ချန်းယောင်းက ဘာပြန်ပြောရမှာလဲ..အံ့ဩသွားဟန် အာမေဋိတ်အသံ အာ..လို့ပဲ အသံထွက်ပြရမှာပေါ့။
"အစ်ကို့မှာ ရည်းစားဟောင်းရှိမှန်းမသိခဲ့ဘူး"
ဒီတစ်ခါမှာတော့ ဆိုဟီးက အသံထွက်တဲ့အထိရယ်မိတော့တာ။
"ဒီအသက်အရွယ်ပဲရောက်နေပြီချန်းယောင်းရယ်..ရည်းစားထားဖူးတာပေါ့"
ဆိုဟီးကခေါင်းတစ်ခါခါနဲ့ပြောတော့ ချန်းယောင်းက အံ့ဩမှုတွေပြည့်တက်နေတဲ့မျက်လုံးနှစ်ဖက်က ပြူးကြည့်လာတာမို့လို့ ဆိုဟီးက အပြုံးတွေကိုရပ်တန့်လိုက်ပြီး မျက်လုံးခပ်ကျဉ်ကျဉ်းလေးတွေကဝိုင်းတက်သွားတော့သည်။
YOU ARE READING
My Artist
FantasyHe drew a picture of my face and asked if he could love me 🍯Written In Burmese (mini story)
