أكبر فخر لا جيت محتاج وأبيك ضميتني بأحساس وحب ومشاعر 💗

part2

وكأن وجهَك في السماءِ سحابهٌ بيضاءُ تسري بالجمالِ على كل البشر 💛🌻"
.

ركضت وفاء بسرعه ورفعتها ع رجولها : ريفا ياروحي انتي لاتخوفيني عليك تكفين ريفا حبيبتي وانهارت تبكي
الجد بارتباك : محمد فز شوف
محمد مرتبك صح انه دكتور راح بسرعه شاف تنفسها مو منتظم : لو سمحتوا وخروا شوي خلوا الاكسجين يوصل لها بتنكتم زيادة
وفاء اللي انهارت وحصه تهديها
شوي وصحت ريفا وانفجرت تبكي وركضت لحضن وفاء اللي استقبلتها : ريفا حبيبتي خلاص هدي تبين تطلعين من هنا
هزت ريفا راسها بنعم أشرت حصه للجوهره تاخذ ريفا ويقعدوا بغرفة لحالهم
وفاء سلمت على أخوانها أبو فارس وأبو فواز وأبو عزيز اللي استقبلوها باحضانهم
وسلمت على حريم اخوانها وتعرفت على عيال اخوانها وزوجاتهم

عند ريفا اللي كانت سرحانه وعيونها تدمع بصمت
وراسها بحضن الجوهرة اللي تمسح على راسها بحنان وحزن عليها عرفت انها ماتقبلت الوضع لانها تشوف نفسها غريبة بينهم

عند وفاء والجد : ماقلت لنا وش اسمها بنتك
وفاء تنهدت : مو بنتي بس يشهد الله انها اعز من بنتي
الجد بصدمه : اشلون
الكل كان يسمعها بفضول ومحمد يسمعها بأذان قلبه
وفاء تنهدت : ريفا بنت سلفتي الله يرحمها توفت وعمر ريفا 12 سنة هي وزوجها ووصتني اربيها وانا مارزقني الله بعيال بس رزقني بريفا
الجده : ياقلبي عليها عشان كذا ماتبي تجي عندنا
وفاء تنهدت بصمت
الجده بشوق : بتنامين هنا صح
وفاء بضيق : لا يمه مااقدر
الجد : اشلون زوجك معاك
وفاء تنهدت بضيق أكثر :
الجد : وفاء تكلمي كلنا نسمعك
وفاء : يبه عذبني وهانني معاه مايحترمني مايقدر هالمسكينه ريفا ولا يهتم فيها رغم انها وصية اخوه يبه يشرب خمر يرجع البيت وهو مو بوعيه
الجد بصدمه : يسوي لكم شي
وفاء بضيق : يبه انا مايقدر يسوي لي شي بس ريفا يبه احاول اخبيها منه قدر المستطاع البنت جميله وهو وسكتت
الجده شهقت وحطت يدها على صدرها : سوا لها شي
وفاء بفزع : اعوذ بالله لا يمه بس اكثر من مره وهو سكران يحاول ماقدرت تنطق الكلمه
كل الجالسين سبوه بداخلهم ومحمد اشتعلت نار غيرته عليها
وفاء : بروح اشوفها واخليها تجي
أم فارس : لا والله ماتروحين ريماس تروح
راحت ريماس بنت أبو فارس واقنعت ريفا تجي عدلت طرحتها وعبايتها ودخلت بأحراج
الجده : هلا والله وغلا
الجد رحمها : ادخلي يابنيتي تعالي
ريفا رفعت عينها لوفاء اللي اشرت لها تبوس يدينهم راحت باست راس الجد وباست الجده وسلمت ع الحريم وقعدت جمب وفاء اللي حاوطتها بذراعها : ذي بنتي ريفا
أبو فارس : اخبارك يابنتي
ريفا استحت ونزلت راسها : الحمدلله
ابو فواز : لاتستحين منا من اليوم ورايح حنا خوالك انا خالك أبو فواز وهذا ابو فارس وهذا ابو عزيز
أبو عزيز بابتسامه : خلاص لاتستحين منا طيب
أم فواز : ايه ريفا منا وفينا وانا خالتك أم فواز
ريفا بحيا : تسلمين خالتي
محمد استحلى كلمة خالتي من فمها ( عساك تقولينها لأمي قريب )
خلصت قعدتهم على خير وريفا تعودت عليهم وبعد الحيا منها

انتهى 💗
انتظرونا بالبارت القادم